எக்ஸெல் செல்களை வேர்டில் ஒட்ட…--பயர்வால்கள் எப்படி செயல்படுகின்றன?--மேக் ஆப்பரேட்டிங் சிஸ்டம்--சிஸ்டம் டிப்ஸ்--பக்கங்களை வேகமாக நகர்த்த

எக்ஸெல் செல்களை வேர்டில் ஒட்ட…

எப்போதாவது எக்ஸெல் ஒர்க் ஷீட்டில் உள்ள செல்களை வேர்ட் தொகுப்பில் கொண்டு சென்று ஒட்ட முயற்சி மேற் கொண்டிருக்கிறீர்களா?  செய்திருப்பீர்கள். இதற்கு ஒர்க் ஷீட்டைத் திறந்து தேவையான செல்களைத் தேர்ந்தெடுத்து பின் வேர்டில் பைல் ஒன்றை உருவாக்கி அதில் அப்படியே பேஸ்ட் செய்திருப்பீர்கள். அதுவும் சரியாக ஒட்டப்பட்டிருக்கும். ஆனால் நீங்கள் வேர்ட் மற்றும் எக்ஸெல் 97 பயன்படுத்துபவராக இருந்தால் சில பிரச்னைகளைச் சந்தித்திருப்பீர்கள். செல்களை நகர்த்துவது அவ்வளவு எளிதானது அல்ல என்று உணர்ந்திருப்பீர்கள்.

புதிய தொகுப்பைப் பயன்படுத்துபவருக்கும் இவ்வகையில் சில வசதிகள் தரப்பட்டுள்ளன. அதனைப் பயன்படுத்தினால் இந்த காப்பி மற்றும் பேஸ்ட் வேலை சிறப்பாகவும் எளிதில் பின்னர் எடிட் செய்யக் கூடிய வகையிலும் அமைவதைப் பார்க்கலாம். வழக்கம்போல எக்ஸெல் ஒர்க் ஷீட்டில் செல்களைத் தேர்ந்தெடுத்து காப்பி செய்திடுங்கள். பின் வேர்டில் நீங்கள் எங்கு இந்த செல்களை ஒட்ட வேண்டும் என எண்ணுகிறீர்களோ அங்கு சென்று கர்சரை வைத்திடுங்கள்.

பின் Edit   மெனு சென்று Paste Special   பிரிவில் கிளிக் செய்திடுங்கள். கிடைக்கும் மெனுவில் Microsoft Excel Worksheet Object  என்பதில் கிளிக் செய்திடுங்கள். செல்கள் அனைத்தும் அழகான டேபிளாக ஒட்டப்பட்டுவிடும். இதில் என்ன ஸ்பெஷல் ஒட்டு உள்ளது என்று கேட்கிறீர்களா? இப்போது அந்த டேபிளில் உள்ள டேட்டா எதிலாவது டபுள் கிளிக் செய்திடுங்கள். உடனே இந்த டேபிள் எக்ஸெல் டேபிளாக மாறும். அதில் வழக்கம்போல் எக்ஸெல் தொகுப்பில் மேற்கொள்ளப்படும் அனைத்து எடிட்டிங் வேலைகளையும் மேற்கொள்ளலாம். பின் மீண்டும் அந்த டேபிளுக்கு மேலாக கர்சரை எடுத்துச் சென்று கிளிக் செய்தால் வேர்ட் அட்டவணையாக டேட்டா கிடைத்துவிடும்.

பார்முலா பிரிண்ட்

இந்த வேலையை கம்ப்யூட்டரில் மேற்கொண்டாலும் (வேர்ட் டாகுமெண்ட், எக் ஸெல் ஒர்க் ஷீட் போன்றவை)
அதனை பிரிண்ட் எடுத்து புரூப் பார்ப்பவரா நீங்கள்! அப்படியானால் எக்ஸெல் ஒர்க் ஷீட்டில் பார்முலாக்களை எப்படி பார்ப்பீர் கள்? பார்முலாவின் முடிந்த வேல்யூ தானே பிரிண்ட்டில் கிடைக்கும். பார்முலாவை பிரிண்ட் செய்திட எப்படி செட் செய்யலாம் என்பதனைப் பார்ப்போம். முதலில் Tools  மெனு சென்று அதில் Options  என்ற பிரிவில் கிளிக் செய்திடவும். பின் கிடைக்கும் விண்டோவில் என்ற View  டேபில் என்டர் தட்டவும். இந்த விண்டோவில் விண்டோ ஆப்ஷன்ஸ் என்ற பிரிவில் பார்முலாஸ் என்று கொடுக்கப்பட்டிருப்பதற்கு எதிராக கிளிக் செய்திடவும். இங்கு ஓகே கிளிக் செய்தவுடன் நீங்கள் உங்கள் ஒர்க் ஷீட்டிற்குத் திரும்புவீர்கள். அங்கே பார்த்தால் உங்கள் பார்முலாவிற்கான வேல்யூ இருந்த இடத்தில் பார்முலா இருக்கும். இனி பிரிண்ட் செய்தால் பார்முலா மட்டும் கிடைக்கும். நீங்கள் அதன் தவறுகளைத் திருத்திவிட்டுப் பின் மீண்டும் பார்முலாவில் உள்ள டிக் அடையாளத்தை எடுத்துவிட்டால் மீண்டும் வேல்யூக்களோடு பிரிண்ட் எடுக்கலாம்.

பயர்வால்கள் எப்படி செயல்படுகின்றன?

உங்களுக்கும் இன்டர்நெட்டுக்கும் இடையே ஒரு பாதுகாப்பு அரணாக இயங்க வேண்டுவதே பயர்வால் தொகுப்பின் தன்மையாகும். இது உங்கள் கம்ப்யூட்டருக்குள் வர முயற்சிக்கும் வைரஸ்களை தடுக்கும் செயலை முழுமையாக மேற்கொள்ளவில்லை.  குறிப்பிட்ட சில போர்ட்டுகள் மூலம் வரும் வைரஸ்களை மட்டுமே இதனால் தடுக்க முடியும்.

இன்டர்நெட்டில் நம் கம்ப்யூட்டரை இணைத்து செயல்படுகையில் அது பல்லாயிரக்கணக்கான கம்ப்யூட்டர்கள் இணைந்த நெட் வொர்க்குடன் இணைந்து செயல்படுகிறது. இதனால் இந்த நெட்வொர்க்கில் உள்ள அனைத்து கம்ப்யூட்டர்களில் இருந்தும் உங்கள் கம்ப்யூட்டரைத் தொடர்பு கொள்ள சந்தர்ப்பம் கிடைக்கிறது. இதனைப் பயன்படுத்தித்தான் பல விஷமிகள் நம் கம்ப்யூட்டரில் உள்ள தகவல்களைத் திருட முயற்சிக்கிறார்கள். அல்லது வைரஸ் புரோகிராம்களை அனுப்பி நம் கம்ப்யூட்டரில் நாசம் விளைவிக்கிறார்கள். இந்த முயற்சியில் ஈடுபடுவோர் எப்போதும் சற்றும் மனம் தளராத விக்கிரமாதித்தன் போல தொடர்ந்து செயல்படுகின்றனர்.

இவர்களிடமிருந்து நம் கம்ப்யூட்டரை மூன்று வழிகளில் பாதுகாக்கிறோம்.

1. வைரஸை அண்டவிடாமலும் அப்படி வந்துவிட்டால் அவற்றை நீக்கும் செயலையும் மேற்கொள்ளும் ஆண்டி வைரஸ் எனப்படும் புரோகிராம்கள். 2. உள்ளே இது போன்ற எந்த நாசம் விளைவிக்கும் புரோகிராமினையும் புகவிடாமல் தடுக்கும் பயர்வால் புரோகிராம்கள், மற்றும் 3.ஸ்பைவேர் அழித்தல். இந் த மூன்று வகை புரோகிராம்களும் இன்றைக்கு ஒரு கம்ப்யூட்டருக்குத் தேவை. இதன் முக்கியத்துவம் ஒன்றுக்கொன்று வேறுபடலாம். இங்கு பயர்வால்கள் என்ன செய்கின்றன என்று பார்க்கலாம்.

உங்களுக்கும் இன்டர் நெட்டுக்கும் இடையே ஒரு பாதுகாப்பு அரணாக இயங்க வேண்டுவதே பயர்வால் தொகுப்பின் தன்மையாகும். இது உங்கள் கம்ப்யூட்டருக்குள் வர முயற்சிக்கும் வைரஸ்களை தடுக்கும் செயலை முழுமையாக மேற்கொள்ளவில்லை. குறிப்பிட்ட சில போர்ட்டுகள் மூலம் வரும் வைரஸ்களை மட்டுமே இதனால் தடுக்க முடியும்.

பயர்வால் தொகுப்பைப் பொறுத்தவரை இரண்டு வகை உண்டு:

ஹார்ட்வேர் பயர்வால் மற்றும் சாப்ட்வேர் பயர்வால். அதிகம் புழங்கப்படும் ஹார்ட்வேர் பயர்வால் ரௌட்டராகும் (router) . ஒரு சிறிய நெட்வொர்க்கில் இது கம்ப்யூட்டருக்கும் மோடத்திற்கும் இடையே இணைக்கப்படும். உங்களுக்கு இன்டர்நெட் தொடர்பினைத் தரும் இன்டர்நெட் சர்வீஸ் புரவைடர் நிறுவனம் உங்கள் கம்ப்யூட்டருக்கென ஒரு ஐ.பி. முகவரியினைத் தரும். இது தெரிந்தால் யாரும் இதன் மூலம் உங்கள் கம்ப்யூட்டருக்குள் புகுந்து தகவல்களைத் திருட முடியும். இந்த ரௌட்டர் அதனை மற்றவர்களிடமிருந்து மறைத்து வேறு ஒரு முகவரியை இணைக்கப்பட்ட கம்ப்யூட்டருக்குத் தருகிறது. இதன் மூலம் கம்ப்யூட்டரில் எளிதாக நுழையக் கூடிய போர்ட்களை ரௌட்டர் மூடிவிடுகிறது. சாப்ட்வேர் பயர்வால் சிறிது மாறாகச் செயல்படுகிறது. இதில் சில நன்மைகளும் உள்ளன; பிரச்னைகளும் உள்ளன. ஹார்ட்வேர் பயர்வால் கம்ப்யூட்டருக்கு வெளியே அமைக்கப்படும்

சாதனம். சாப்ட்வேர் பயர்வால் கம்ப்யூட்டரில் இன்ஸ்டால் செய்யப்படும் புரோகிராம். எது எப்படி இருந்தாலும் உங்கள் கம்ப்யூட்டருக்கு ஏதாவது ஒரு பயர்வால் கட்டாயம் தேவை. சாப்ட்வேர் பயர்வால் உங்கள் கம்ப்யூட்டரில் எம்.எஸ். ஆபீஸ் தொகுப்பு போல ஒரு அப்ளிகேஷன் புரோகிராமாக இயங்குகிறது. இதனால் நீங்கள் இன்டர்நெட் தொடர்பில் இருக்கையில் புராசசர் வேகம் சற்று குறையலாம். சாப்ட்வேர் பயர்வால் ரௌட்டர் செய்வது போல ஐ.பி.முகவரி மாற்றம் எதனையும் மேற்கொள்ளாது. சாப்ட்வேர் பயர்வால் செயல்படுவது ஒரு நண்பரை வாட்ச்மேனாக வைத்திருப்பது போல. இன்டர்நெட்டில் பிரவுஸ் செய்கையில் எந்த புரோகிராமினை நாம் இன்டர்நெட்டில் தொடர்பு கொண்டாலும் உடனே சிறிய பாக்ஸ் ஒன்றை உருவாக்கி இந்த ஐ.பி. முகவரியிலிருந்து இந்த புரோகிராம் உங்கள் கம்ப்யூட்டரில் நுழைந்திட முயற்சிக்கிறது. இதனை அனுப்பவா? என்று கேட்கும். நீங்கள் அனுமதித்தால் தான் அதனை அனுமதிக்கும்.

இது கெடுதலான புரோகிராமிற்கு மட்டுமல்ல. நீங்கள் தொடர்பு கொள்ள விரும்பும் அனைத்து புரோகிராம்களுக்கும் இந்த செய்தி கிடைக்கும். ஒரு முறை ஒரு புரோகிராமினை அறிந்து கொண்டு அதனை நீங்கள் அனுமதிப்பதையும் பதிந்து கொண்டு அடுத்த முறை அதே வெப் சைட்டை நீங்கள் தொடர்பு கொள்கையில் உங்களைக் கேட்காமலேயே அனுமதிக்கும்படியும் இதனை செட் செய்திடலாம். வேறு எவராவது அவர்களின் புரோகிராம் மூலம் உங்கள் கம்ப்யூட்டருக்குள் திருட்டுத் தனமாக நுழைய முயற்சிக்கையில் இந்த ஐ.பி. முகவரியிலிருந்து ஒருவர் உங்கள் கம்ப்யூட்டருக்குள் முயற்சிக்கிறார் என்று எச்சரிக்கைச் செய்தியினை பயர்வால் வழங்கும். அப்படிப்பட்ட நேரத்தில் அதனைக் குறித்து வைத்துக் கொண்டு உங்களுக்கு இன்டர்நெட் இணைப்பு தரும் நிறுவனத்தைத் தொடர்பு கொண்டு இந்த முகவரியிலிருந்து ஒருவர் என்னுடைய கம்ப்யூட்டருக்குள் வர முயற்சிக்கிறார் என நீங்கள் தெரிவிக்கலாம். பயர்வால் என்பது இன்டர்நெட் பயன்படுத்தும் அனைவருக்கும் தேவயான ஒன்று. எனவே இணையத்தில் இலவசமாகக் கிடைக்கும் பயர்வால் ஒன்றை டவுண்லோட் செய்து பயன்படுத்துவது நல்லது. அல்லது நிறுவனங்கள் விற்பனை செய்திடும் பயர்வால் ஒன்றை வாங்கிப் பயன்படுத்தலாம். விண்டோஸ் எக்ஸ்பி தொகுப்பில் பயர்வால் ஒன்று இணைக்கப்பட்டுள்ளது. ஆனால் இது ஒரு சிறிய அளவில் தான் இயங்குகிறது.

பில் கேட்ஸின் புதிய தளம்

மைக்ரோசாப்ட் நிறுவனத்தை நிறுவி, உலகின் முதல் பணக்காரராகத் தன்னையும், சாப்ட்வேர் துறையில் முதல் நிறுவனமாக மைக்ரோசாப்ட் நிறுவனத்தையும் நிலைப்படுத்திய பில் கேட்ஸ் சென்ற ஜூன் 27ல் தன் தலைமைப் பதவியிலிருந்து தானாக வெளியேறினார்.

ஹார்வேர்ட் பல்கலைக் கழகத்தில் மேற்கொண்டிருந்த படிப்பை பாதியில் விட்டு வெளியேறி, வீடுகளுக்கும் சிறிய அலுவலகங்களுக்கும் கம்ப்யூட்டரை ஓர் இன்றியமையாத சாதனமாக உருவாக்க மைக்ரோசாப்ட் நிறுவனத்தை நிறுவி, உலகின் முதல் பணக்காரராகத் தன்னையும், சாப்ட்வேர் துறையில் முதல் நிறுவனமாக மைக்ரோசாப்ட் நிறுவனத்தையும் நிலைப்படுத்திய பில் கேட்ஸ் சென்ற ஜூன் 27ல் தன் தலைமைப் பதவியிலிருந்து தானாக வெளியேறினார்.

தர்ம சிந்தனையுடன் மற்றவருக்கு உதவும் பணிகளில் ஈடுபடப் போவதாக அறிவித்துள்ளார். படிப்பை பாதியில் விட்ட தன் பழைய மாணவர் பில் கேட்ஸுக்கு ஹார்வேர்ட் பல்கலைக் கழகம் பின்னாளில் கவுரவ டாக்டர் பட்டம் அளித்து தன்னை உயர்த்திக் கொண்டது குறிப்பிடத்தக்கது.

1955 ஆம் ஆண்டு அக்டோபர் 28ல் பிறந்தவர் பில் கேட்ஸ். இன்று உலகச் சாதனையாளர்களில் ஒருவராக விளங்குவதற்குக் காரணம் அவருடைய தீர்க்கமான எதிர்கால இலக்குகளும் அவற்றை ஈடேற்ற அவர் எடுத்த முயற்சிகளும் தான். தன் 13 ஆவது வயதில் பெர்சனல் கம்ப்யூட்டர்களுக்கான புரோகிராமினை எழுதினார். 1975ல் தன் இளம்பிராய நண்பர் பால் ஆலனுடன் சேர்ந்து மைக்ரோசாப்ட் நிறுவனத்தை நிறுவினார். தன் எதிர்காலக் கனவான மைக்ரோசாப்ட் நிறுவனத்தை வளப்படுத்தவே ஹார்ட்வேர்ட் பல்கலையிலிருந்து வெளியேறினார். அப்போதே ஒவ்வொரு வீட்டிலும், அலுவலகத்திலும், பெர்சனல் கம்ப்யூட்டர் தனி ஒரு மனிதனுக்கும் சமுதாயத்திற்கும் துணையாக இருந்து மாபெரும் மாறுதலை உண்டு பண்ணும் என்று உறுதியாக நம்பி அதற்கான வழிகளைக் கண்டறிவதில் இறங்கினார்.

முதலில் ஐ.பி.எம். நிறுவனத்துடன் ஒப்பந்தம் மேற் கொண்டு அந்நிறுவனத்தின் கம்ப்யூட்டர் இயங்குவதற்குத் தேவையான டாஸ்  (MSDOS Microsoft Disk Operating System)   இயக்கத் தொகுப்பினை வழங்கினார். தான் விற்பனை செய்திடும் ஒவ்வொரு கம்ப்யூட்டருக்கும் ஐ.பி.எம். மைக்ரோசாப்ட் நிறுவனத்திற்குப் பணம் செலுத்தியது. இதன் மூலம் சாப்ட்வேர் சந்தையில் தனி ஆளாக முதல் இடத்தைப் பிடித்தது மைக்ரோசாப்ட். அது இன்றும் தொடர்கிறது.

1983ல் வேர்ட் தொகுப்பினை மைக்ரோசாப்ட் வெளியிட்டது. அப்போதே விண்டோஸ் இயக்கத் தொகுப்பு தயாரிப்பிற்கான அறிவிப்பு வெளியானது. 1985ல் விண்டோஸ் வெளியானது. பின் 10 ஆண்டுகள் கழித்து விண்டோஸ் 95 பலத்த ஆரவாரத்திற்கிடையே வெளியானது. தொடர்ந்து இன்டர்நெட் எக்ஸ்புளோரர் பதிப்பு 2 வெளியானது. 1999ல் பில் கேட்ஸ் எழுதிய  Business @ the Speed of Thought என்ற நூல், கம்ப்யூட்டர் தொழில் நுட்பம் வர்த்தக நிறுவனங்களின் பிரச்னைகளைத் தீர்க்கும் என்று உலகிற்கு எடுத்துச் சொல்லியது. 60 நாடுகளில் 25 மொழிகளில் இன்றும் இந்த நூல் விற்பனையாகிறது.

பலர் பலவிதமாகக் குற்றங்க ளை, குறைகளைத் தெரிவித்தாலும், பல்வேறு இயக்கத் தொகுப்புகள் பெர்சனல் கம்ப்யூட் டர்களுக்கெனத் தோன்றி சிலரால் பயன்படுத்தப்பட்டாலும், விண்டோஸ் இயக்கத் தொகு ப்பு இன்றும் உலகின் பெரும் பான்மையான கம்ப்யூட்டர்களில் பயன்படுத்தப்படுகிறது. அதன் வளர்ச்சியில் ஒரு மைல் கல்லாக அக்டோபர் 25, 2001ல் விண்டோஸ் எக்ஸ்பி தொகுப்பு வெளியானது. 2003ல் கரங்களில் வைத்துப்பயன்படுத்தும் சிறிய கம்ப்யூட்டர்களுக் கும் மொபைல் போன்களுக்குமான ஆப்பரேட் டிங் சிஸ்டமான விண்டோஸ் மொபைல் தொகுப்பு வெளியானது. எக்ஸ்பாக்ஸ் 360 என்ற பெயரில் விளையாட்டுகளுக்கான ஒரு பொழுது போக்கு சாதனத்தை உருவாக்கி மைக்ரோசாப்ட் அளித்தது. 2007 ஜனவரி 13ல் விண்டோஸ் விஸ்டா மற்றும் ஆபீஸ் 2007 வெளியானது. மைக்ரோசாப்ட் நிறுவனம் உருவாகி வளரும்போதே பில் கேட்ஸ் சமுதாய நலப் பணிகளுக்காக பில் அண்ட் மெலிண்டா கேட்ஸ் பவுண்டேஷன் என்ற பெயரில் ட்ரஸ்ட் ஒன்றை உருவாக்கினார்.

எய்ட்ஸ் நோய்க்கு எதிரான பிரச்சாரம், ஏழ்மை நாடுகளுக்கு உதவி, கம்ப்யூட்டர் கல்வி அளித்தல் எனப் பல்வேறு பிரிவுகளில் அனைத்து நாடுகளுக்கும் இந்த ட்ரஸ்ட் உதவி வருகிறது. அவருடைய  நிறுவனத்தைப் போலவே இந்த தர்ம ஸ்தாபனமும் மிகப் பெரிய அளவிளான நிதியுடன் அமைக்கப்பட்டுள்ளது. 2006 ஜூன் 15ல் பில் கேட்ஸ் மைக்ரோசாப்ட் நிறுவனத்திலிருந்து படிப்படியாக விலகி சமுதாய நலப் பணிகளில் ஈடுபடப்போவதாக அறிவித்தார். ஜூன் 27ல் அந்த முடிவினைச் செயல்படுத்தினார். இருந்தாலும் தொடர்ந்து மைக்ரோசாப்ட் நிறுவனத்தின் செயல்படா தலைவராகத் தொடர்ந்து பணியாற்றுவார். தொழில் நுட்ப திட்டங்களில் அவ்வப்போது தன்னை ஈடுபடுத்திக் கொள்வார் என்றே தெரிகிறது. அவரை வாழ்த்துவோம்.

இனி அடுத்த வளர்ச்சி எப்படி?

சாதாரண கம்ப்யூட்டரில் தொடங்கி இன்று பிராட்பேண்ட் பயன்படுத்தும் நாள் வரை வந்துவிட்டோம். இனி அடுத்த வளர்ச்சி எப்படி இருக்கும்? என்ற கேள்விக்கு பில் கேட்ஸ் கூறியது: இன்று கம்ப்யூட்டரால் பார்க்க முடியவில்லை; பேச இயலவில்லை; நாம் பேசுவதைக் கேட்க முடியவில்லை. அடுத்த 5 அல்லது 10 ஆண்டுகளில் அவை பார்க்கும், பேசும், நாம் பேசுவதைக் கேட்டுச் செயல்படுத்தும். இன்னும் சொல்லப் போனால் இந்த செயல்களில் மனிதர்களைக் காட்டிலும் சிறப்பாகவே ஈடுபடும்.

மேக் ஆப்பரேட்டிங் சிஸ்டம்

மேக் கம்ப்யூட்டரைப் பொறுத்தவரை அந்த கம்ப்யூட்டர் எப்படி செயல்படுகிறது என்று பார்ப்பதைக் காட்டிலும் அது எப்படி நம்மை மகிழ்விக்கிறது என்று உணர்வதே ஒரு பெரிய விஷயம். நீங்கள் முற்றிலும் கம்ப்யூட்டருக்குப் தியவர் என்றாலும் மேக் கம்ப்யூட்டரை ஒன்றிரண்டு வாரத்தில் கற்றுக் கொள்ளலாம். வெறும் கருப்பு திரையில் எழுத்துக்கள் மட்டுமே டாட் மேட்ரிக்ஸ் பிரிண்டர் அச்சு போல தோன்றி இயங்கியது டாஸ் ஆப்பரேட்டிங் சிஸ்டம்

இதன் பின் வந்த விண்டோஸ் இயக்கம் கிராபிக்ஸ் பயன்படுத்தி கம்ப்யூட்டர் பயன்பாட்டினை அடியோடு தலைகீழாகப் புரட்டி போட்டது. ஆனால் எந்தவித ஆரவாரமும் இன்றி விண்டோஸ் வருவதற்கு முன்பே கிராபிகல் யூசர் இன்டர்பேஸ் தொகுப்பினை மிக அழகாகப் பயன்படுத்திய ஆப்பரேட்டிங் சிஸ்டம் தான் மேக்.  1984ல் இது முதலில் அறிமுகப்படுத்திய போது சிஸ்டம் சாப்ட்வேர் என்றுதான் அழைக்கப்பட்டது. இதனைத் தயாரித்து வழங்கிய ஆப்பிள் நிறுவனம் வேண்டுமென்றே இது குறித்து அவ்வளவாக விளம்பரப்படுத்தாமலும் தகவல்களை அளிக்காமலும் இருந்தது. இதற்குக் காரணம் டாஸ் சிஸ்டத்துடன் ஒப்பிடுகையில் மேக் சிஸ்டம் மிக மிக எளியதாகவும் பயன்படுத்து பவர்களின் துணைவனாகவும் பயனாளர்களால் உணரப்பட வேண்டும் என ஆப்பிள் நிறுவனம் விரும்பியது. இந்த சிஸ்டம் படிப்படியாக மேம்படுத்தப்பட்டு தற் போது மேக் ஓ.எஸ். டென்  (Mac OS X) பயன்பாட்டில் உள்ளது. இது பவர் பி.சி. மற்றும் இன்டெல் பிராசசர்களில் இயங்கக் கூடியது. அனைத்து மேக் இன் டோஷ் கம்ப்யூட்டர்களில் இது பதிக்கப்பட்டு தரப்படுகிறது. வாடிக்கையாளர்களால் பயன்படுத்தப்படுகிறது.

இனி மேக் ஓ.எஸ். டென் தரும் பல வசதிகளைப் பார்க்கலாம்.

1.மேக் சிஸ்டம் இன்றைக்கு கம்ப்யூட்டரை மக்கள் எப்படி வீடுகளிலும் அலுவலகங்களிலும் பயன்படுத்துகிறார்களோ அதன்படி அமைக்கப்பட்டுள் ளது. எந்த இடத்திலும் வயர்லெஸ் நெட்வொர்க் மற்றும் நெட்வொர்க் மூலமாக இன்டர்நெட் இணைப்பு பெற முடியும்.
2. சில சாதனங்களை இணைக்க கான்பிகர் செய்திடும் நிமிடங்கள் அல்லது பல மணித்துளிகளை இதில் செலவழிக்க வேண்டியதில்லை. டிஜிட்டல் கேமரா, மொபைல் போன், எக்ஸ்டெர்னல் டிரைவ் என எதனையும் உடனே இந்த சிஸ்டம் ஏற்றுக் கொள்கிறது.

3. தற்போது வடிவமைக்கப்பட்டு நவீன தொழில் நுட்பத்துடன் கிடைக்கும் இன்டெல் பிராசசர்களுடன் விண்டோஸ் சிஸ்டம் மட்டுமே செய்யக் கூடிய செயல்களை ஒரு மேக் அதிசயத்தக்க வேகத்தில் செய்து முடிக்கும்.
4. இப்போது வரும் கம்ப்யூட்டர்களில் கேமரா இணைந்தே பதிக்கப் பட்டு வருகிறது. ஆனால் மேக் கம்ப்யூட்டர்களில் மட்டுமே அதில் உள்ள ஐ–சேட் என்னும் சாப்ட்வேர் தொகுப்பின் மூலம் நான்கு வழி வீடியோ அரட்டை வசதியினைத் தருகிறது. உங்களுடைய திரையை உலகில் உள்ள எவருடனும் பகிர்ந்து கொண்டு இயங்கலாம்.
5. மேக் சிஸ்டம் தானாகத் தன்னை மேம்படுத்திக் கொள்ளும். ஆப்பிள் நிறுவன சாப்ட்வேர் தொகுப்புகளை இணையத்திலிருந்து இறக்கிப் பயன்படுத்தத் தரும்.
6. மற்ற சிஸ்டங்களைப் போல மேக் வைரஸ்களாலும் பிற கெடுதல் விளைவிக்கும் புரோகிராம்களாலும் பாதிக்கப்படுவதில்லை. எனவே எந்த தடையும் இல்லாமல் நீங்கள் கம்ப்யூட்டரில் செயலாற்றலாம். மேக் தரும் பெற்றோர்களுக்கான  (parental controls)  கட்டுப்பாடு வசதி மூலம் உங்கள் குழந்தைகள் பாதுகாப்பாக இணையத்தில் பிரவுஸ் செய்திடலாம்.
7. விண்டோஸில் இயங்குபவர்கள் மேக் சிஸ்டத்திற்கு மாற விரும்பினால் அவர்கள் கேட்கும் முதல் கேள்வி எம்.எஸ்.ஆபீஸ் பைல்களை என்ன செய்வது? மேக் சிஸ்டம் அவற்றை ஏற்றுக் கொள்ளுமா? ஆம், மேக் சிஸ்டத்திற்கான எம்.எஸ்.ஆபீஸ் உள்ளது. மேக் சிஸ்டத்தில் உருவாக்கப்படும் வேர்ட், பவர்பாய்ண்ட் மற்றும் எக்ஸெல் பைல்களை விண்டோஸிலும் இயக்கலாம்.
மற்ற பிரபலமான அப்ளிகேஷன் சாப்ட்வேர் தொகுப்புகளும் மேக் சிஸ்டத்திற்கென உள்ளன. இல்லை, மேக் சிஸ்டத்தில் விண்டோஸ் மட்டுமே நான் இயக்க வேண்டும் என விரும்பினால் தற்போது வரும் ஒவ்வொரு புதிய மேக் கம்ப்யூட்டருடன் பூட் கேம்ப் என்ற சாப்ட்வேர் இணைக்கப்படுகிறது. இதன் மூலம் மேக் கம்ப்யூட்டரை விண்டோஸ் உள்ள கம்ப்யூட்டர் போல இயக்கலாம். இரண்டையும் அருகருகே இயக்க விரும்பினால் பேரலல்ஸ் டெஸ்க் டாப் அல்லது வி.எம். வேர் ப்யூஷன் என்ற சாப்ட்வேர் தொகுப்பை வாங்கிப் பயன்படுத்தலாம்.
8. விண்டோஸ் நெட் வொர்க்குடன் எந்த மேக் கம்ப் யூட்டரும் இணைந்து செயல் படும். நெட்வொர்க் கில் உள்ள எந்த கம்ப்யூட்டருடனும் பைல்களை பங்கிட்டுக் கொள்ளலாம். இணையத்தில் பிரவுஸ் செய்திடலாம். இமெயில் அனுப்பலாம்; பெறலாம்.
9. அனைத்து மேக் கம்ப்யூட்டர்களும் வை–பி இணைப்பு கொண்டுள்ளன. எனவே ஓரிடத்தில் வை–பி இணைப்பு இருந்தால் அதனை உடனே மேக் கம்ப்யூட்டர் காட்டும். இணைப்பும் பெறலாம்.
10. நீங்கள் மேக் அல்லாத ஒரு பெர்சனல் கம்ப்யூட்டரை வாங்குகையில் ஹார்ட் வேர் சாதனங்கள் ஒரு நிறுவனத்தால் தயாரிக்கப்பட்டதாக இருக்கும்; சாப்ட்வேர் தொகுப்புகள் இன்னொரு நிறுவனத்திடமிருந்து வந்திருக்கும். ஆனால் மேக் கம்ப்யூட்டர்களைத் தரும் ஆப்பிள் நிறுவனம் ஹார்ட்வேர் மற்றும் சாப்ட்வேர் இரண்டையும் தானே தயாரித்து வழங்குகிறது. அதனால் இரண்டும் மேட் பார் ஈச் அதர் ஜோடி போல திறனுடன் இயங்குகின்றன. இதனால் மேக் கிராஷ் ஆவதும் ப்ரீஸ் ஆவதும் கிடையாது. மேக் சிஸ்டம் வைரஸ்களை கடுமையாக எதிர்த்து நிற்பதால் நீங்கள் எந்த தயக்கமும் இன்றி கம்ப்யூட்டரைப் பயன்படுத்தலாம்.
11. மேக் கம்ப்யூட்டரைப் பழகுவது எளிதா? இந்த கேள்விக்கு என்ன பதிலைத் தரலாம்? ஆம், எளிதுதான். மேக் கம்ப்யூட்டரைப் பொறுத்தவரை அந்த கம்ப்யூட்டர் எப்படி செயல்படுகிறது என்று பார்ப்பதைக் காட்டிலும் அது எப்படி நம்மை மகிழ்விக்கிறது என்று உணர்வதே ஒரு பெரிய விஷயம். நீங்கள் முற்றிலும் கம்ப்யூட்டருக்குப் புதியவர் என்றாலும் மேக் கம்ப்யூட்டரை ஒன்றிரண்டு வாரத்தில் கற்றுக் கொள்ளலாம்.
12. மேக் கம்ப்யூட்டர் விண்டோஸில் இயங்கும் பெர்சனல் கம்ப்யூட்டரைக் காட்டிலும் விலை கூடுதலாக இருக்குமா? மேக் கம்ப்யூட்டருடன் வரும் கூடுதல் சாப்ட்வேர் தொகுப்புகள், பாதுகாப்பு கவசங்கள், எதனையும் இணைத்து இயக்கத் தயாராய் உள்ள சிஸ்டம் ஆகியவற்றைக் கருத்தில் கொண்டால் அப்படி ஒன்றும் விலை கூடுதல் இல்லை.
13. விண்டோஸ் கம்ப்யூட்டரில் இயங்கும் அனைத்து பிரவுசர்களும், (பயர்பாக்ஸ், ஆப்பரா, சீ மங்க்கி, பிளாக் ) மேக் சிஸ்டத்தில் இயங்கும் –– இன்டர்நெட் எக்ஸ்புளோரர் தவிர. மேக் சிஸ்டத்திற்கென தயாரிக்கப்பட்டு வழங்கப்படும் சபாரி / வெப்கிட் இப்போது பலரால் விரும்பிப் பயன்படுத்தப்படும் நிலையை அடைந்து கொண்டிருக்கின்றன.

மேக் கம்ப்யூட்டர் குறித்து அறிந்து கொண்டீர்களா? பழக ஆசையா? ஏன் வாங்கிப் பயன்படுத்தலாம். பின் நிச்சயம் வேறு சிஸ்டத்திற்கு மாற மாட்டீர்கள்.

சிஸ்டம் டிப்ஸ்

மை கம்ப்யூட்டருக்கு புதிய வழி

நாம் எல்லாரும் அடிக்கடி பயன்படுத்தும் கம்ப்யூட்டர் பிரிவு மை கம்ப்யூட்டர் ஆகும். ஏனென்றால் இதன் மூலமே நாம் நம் ஹார்ட் டிஸ்க்கை அணுகுகிறோம். சிடி மற்றும் இயக்கி எடுக்கக் கூடிய பிளாஷ் டிரைவ்களையும் அணுகுகிறோம். மை கம்ப்யூட்டர் போல்டரைப் பெற டெஸ்க் டாப்பில் உள்ள அதன் ஐகானைக் கிளிக் செய்கிறோம்.

அல்லது இன்னும் சற்று சுற்று வழியாக ஸ்டார்ட் பட்டனில் ரைட் கிளிக் செய்து கிடைக்கும் மெனுவில் எக்ஸ்புளோர் சென்று பின் அதனைக் கிளிக் செய்து கிடைக்கும் விண்டோஸ் எக்ஸ்புளோரர் விண்டோவில் பெறுகிறோம். இந்த வேலையெல்லாம் வேண்டாம்; எனக்குத் திரை யிலேயே ஒரு மெனு வர வேண்டும்.

அதன் மூலம் மை கம்ப்யூட்டர் பெற வேண்டும் என விரும்புகிறீர்களா! அதற்கான வழியும் உள்ளது. நீங்கள் செய்ய வேண்டியது எல்லாம் ஸ்டார்ட் மெனு செல் லுங்கள். அங்கு கிடைக்கும் இரட்டை மெனுவில் வலது பக்கம் பார்வையைச் செலுத்துங்கள். அங்கு மை கம்ப்யூட்டர் என்று ஒரு பிரிவு இருக்கும். இதில் கிளிக் செய்தால் நேராக மை கம்ப்யூட்டர் போல்டருக்குச் செல்வீர்கள். இந்த மெனுவிலேயே மை மியூசிக், மை பிக்சர்ஸ், மை நெட்வொர்க் பிளேசஸ் என்ற போல்டர்களுக்கும் வழி இருப்பதனை நீங்கள் பார்க்கலாம்.

என்ன புரோகிராம் என்ற அறிவிப்பு

கம்ப்யூட்டரில் டூல்பார் அல்லது டெஸ்க்டாப்பில் ஐகான் மீது உங்களுடைய மவுஸ் கர்சரைக் கொண்டு சென்றால் உடனே புரோகிராம் பெயர் சிறிய மஞ்சள் கட்டத்தில் கிடைக்கும். சில புரோகிராம்களுக்கு நாம் மேலும் சில குறிப்புகளை எழுதி வைத்து நமக்கு நினைவூட்டும் படி செய்திடலாம். எடுத்துக் காட்டாக என்னிடம் பிராட்பேண்ட் இணைப்பு இருந்தாலும் அது காலை வாரிவிடும் பட்சத்தில் டெலிபோன் வழியே இணைப்பிற்கான வழியையும் ஏற்படுத்தி ஐகானை உருவாக்கி வைத்திருக்கிறேன். அதனைப் பயன்படுத்தும் முன் சிபியுவின் பின்புறம் இருந்து வரும் டெலிபோன் இணைப்பிற்கான கேபிளை டெலிபோனுடன் இணைக்க வேண்டும்.

இதனை அடிக்கடி மறந்து போவோம். எனவே இந்த புரோகிராம் ஐகான் மீது கிளிக் செய்திட கர்சரைக் கொண்டு சென்றவுடன் Fix the Telephone line first என்ற செய்தி வரும்படி அமைத்துக் கொண்டேன். இதே போல பல புரோகிராம்களுக்கு எச்சரிக்கை செய்தியினைப் போட்டு வைக்கலாம். இதனை ஏற்றுக் கொள்ளும் புரோகிராம்களை இயக் குகையில் நமக்கு ஒரு நினைவூட்டல் கிடைக்கும் அல்லவா! இதனை எப்படி ஏற்படுத்துவது எனப் பார்ப்போம்.

எந்த புரோகிராமிற்கு இந்த செய்தி இணைப்பு வேலை நடைபெற வேண்டுமோ அந்த புரோகிராமின் ஐகான் மீது கர்சரைக் கொண்டு செல்லவும். பின் ரைட் கிளிக் செய்தால் கிடைக்கும் மெனுவில் Properties என்பதைத் தேர்ந்தெடுக்கவும். பின்னர் கிடைக்கும் விண்டோவில் கீழாக Comment என்ற பிரிவில் உங்களுக்கு நினைவூட்ட வேண்டிய செய்தியை டைப் செய்து வைக்கவும். பின் ஓகே கிளிக் செய்து வெளியேறினால் அந்த ஐகான் மீது கர்சரைக் கொண்டு செல்லும் போதெல்லாம் அந்த செய்தி உங்களுக்குக் காட்டப்படும்.

பக்கங்களை வேகமாக நகர்த்த

உங்களிடம் ஸ்குரோலிங் வீல் உள்ள மவுஸ் உள்ளதா? அப்படியானால் இந்த டிப்ஸை அவசியம் நீங்கள் படிக்க வேண்டும். டாகுமெண்ட்டில் ஒரு இடத்தில் உள்ள நீங்கள் 12 பக்கங்கள் முன்னரோ பின்னரோ உள்ள இடத்திற்குச் செல்ல விரும்புகிறீர்கள்.

என்ன செய்கிறீர்கள்? வேகமாக பக்கம் தாண்டிச் செல்லும் முயற்சிகளில் ஈடுபடுகிறீர்கள். சைட் பாரில் உள்ள கட்டத்தினை அழுத்தி இழுக்கப் பார்க்கிறீர்கள். என்ன ஆகிறது? நீங்கள் எதிர்பார்த்த இடத்திற்கும் முன்னாலோ பின்னாலோ டாகுமெண்ட் செல்கிறது.

இங்கே தான் மவுஸின் ஸ்குரோல் வீல் நமக்கு உதவுகிறது. ஏதேனும் ஒரு இடத்தில் மவுஸை வைத்து அதன் வீலை அழுத்திப் பிடிக்கவும். இதை அழுத்தியவுடன் இரு அம்புக் குறிகள் கொண்ட பெரிய கர்சர் ஒன்று தெரியும். இப்போது வீலை அழுத்தியவாறே மவுஸை முன்புறம் லேசாகத் தள்ளினால் அந்த திசையில் டெக்ஸ்ட் நகரத் தொடங்கும். எதிர்த்திசையில் லேசாக இழுத்தால் உடனே டெக்ஸ்ட் சுழல்வது நிற்கும்.

பின் மீண்டும் எதிர்புறமாக இழுத்தால் டெக்ஸ்ட் வேகமாக நகரத் தொடங்கும். எந்த இடத்தில் டெக்ஸ்ட் வேண்டுமோ அங்கு மவுஸின் வீலை விட்டுவிட்டால் டெக்ஸ்ட் செல்வது நின்றுவிடும். இந்த ட்ரிக் அனைத்து புரோகிராம்களிலும் வேலை செய்யாது என்றாலும் பல இமெயில் புரோகிராம்களிலும், வேர்டிலும் மற்றும் சில இணைய தளங்களிலும் செயல்படுகிறது.

பைல் பிரிவியூ: அவசரமாக ஒரு பைலை தேடுகிறீர்கள். அது வேர்ட் டாகுமெண்ட் அல்லது பிரசன்டேஷன் பைலாக இருக்கலாம். ஆனால் என்ன பெயரில் பைலை சேவ் செய்தோம் என்று நினைவில் இல்லை. நாளும் நினைவில் இல்லை. என்ன செய்யலாம்? விண்டோஸ் எக்ஸ்புளோரரில் டைரக்டரியைத் திறந்து வைத்து சந்தேகப்படும் பைல்கள் ஒவ்வொன்றையும் திறந்து மூடி பின் அடுத்த பைலை திறந்து மூடி செயல்களை மேற்கொள்ள முடியுமா? எவ்வளவு சுற்றும் வேலை இது.

பைல் அருகில் கர்சரைக் கொண்டு சென்றாலே அதன் உள்ளே இருக்கும் விஷயங்களை சிறு போட்டோ போல காட்டும் வசதி இருந்தால் எவ்வளவு நல்லது. இருக்கிறது அந்த வசதி. பைல் பிரிவியூ என்று இதனை அழைக்கின்றனர். அதனை செட் செய்திடும் வழியைப் பார்ப்போம். முதலில் File  மெனு சென்று அதில் Open விண்டோவினைத் திறக்கவும். இந்த விண்டோ கிடைத்தவுடன் நீங்கள் அதில் காட்டப்படும் பைல்களின் பட்டியலைத்தானே பார்க்கிறீர்கள். இப்போது அந்த விண்டோவின் வலது பக்க ஓரத்தில் பாருங்கள். அதில் Views  என்று ஒரு பட்டன் இருக்கும்.

இதில் கிளிக் செய்து திறந்தால் நிறைய ஆப்ஷன்ஸ் கிடைக்கும். இதில் Preview என்பதில் கிளிக் செய்து கிடைக்கும் விண்டோவைப் பெறவும். இப்போது விண்டோ இரு பகுதியாகப் பிரிந்து காட்டப்படுவதனைப் பார்க்கலாம். ஒரு பக்கம் பைல் பட்டியலுடன் நீங்கள் தேர்ந்தெடுத்த பைலின் பெயர் தேர்ந்தெடுத்த நிலையில் இருக்கும். வலது பக்கம் உள்ள கட்டத்தில் அந்த பைலின் உள்ளே என்ன இருக்கிறது என்பது காட்டப் படும். இதன் முதல் பக்கம் தெரிந்தாலும் அருகே உள்ள அம்புக் குறியை அழுத்தி கீழே சென்று பைலில் உள்ளதைப் பார்க்கலாம்.

இதுதான் நீங்கள் தேடும் பைல் என்றால் உடனே அதனைக் கிளிக் செய்து திறந்து எடிட் செய்திடலாம்.இல்லை என்றால் கர்சரை பைல் பட் டியலில் அடுத்த பைலுக்கு எடுத்துச் செல்லுங்கள். அந்த பைலின் பிரிவியூ கிடைக்கும். இந்த தேடல் எளிதாகத் தெரி கிறதா? நேரம் மிச்சமாகிறதா! அப்படியே வைத்துக் கொள்ளுங்கள்.

சீரியல் நம்பர் டைப் செய்கிறீர்களா? புதியதாக சாப்ட்வேர் புரோகிராம் ஒன்றினை விலை கொடுத்து உங்களுடையதாக்கிக் கொண்டுள்ளீர்கள். இதனை கம்ப்யூட்டரில் பதியும் போது அல்லது முதல் முதலாகப் பயன்படுத்தும்போது வரிசை எண்ணை பதியும்படி அந்த புரோகிராம் கேட்கும். உடனே நம் லாக் கீ பேடிலிருந்து எண்களை டைப் செய்திடக் கூடாது. எழுத்துகளுக்கு மேலுள்ள கீகளிலிருந்துதான் டைப் செய்திட வேண்டும். ஏனென்றால் சில வேளைகளில் கீபேடில் உள்ள எண்களுக்கான கீகளை அழுத்துகையில் அதனை வேறு ஒன்றின் குறியீடாகக் கம்ப்யூட்டர் எடுத்துக் கொண்டு பதிவு செய்திடும் எண்ணை ஏற்றுக் கொள்ளாது.

இணைய தளத்திற்கான ஷார்ட் கட் : உங்களுக்குப் பிடித்த இணைய தளங்களுக்கு ஷார்ட் கட் ஐகான் இருந்து அவற்றைக் கிளிக் செய்தால் நேரடியாக நீங்கள் அந்த தளத்திற்குச் சென்றால் எப்படி இருக்கும்? அப்படிச் செய்ய முடியுமா?
முடியும். இன்டர்நெட் எக்ஸ்ப்ளோரர் தொகுப்பில் உங்களுக்குப் பிடித்த இணைய தளத்தைப் பார்க்கையில் தளத்தின் முகவரிக்கு அருகே சிறிய ஆங்கில எழுத்தான “e” இருக்கும் அல்லவா?

இப்போது உங்கள் பிரவுசர் விண்டோவைச் சிறியதாக்கி அதன் பின் அந்த சிறிய “e” எழுத்து உள்ள கட்டத்தை இழுத்து வந்து டெஸ்க்டாப்பில் உள்ள காலியிடத்தில் விட்டுவிட்டால் அதுதான் உங்களுக்குப் பிடித்த தளத்தின் ஷார்ட்கட். இந்த ஐகான்களின் மீது கிளிக் செய்தால் பிரவுசர் திறக்கப்பட்டு நீங்கள் தளத்திற்கு அழைத்துச் செல்லப்படுவீர்கள்.

கீ லாக்கர்களிடமிருந்து தப்பிக்க: கீ லாக்கர் என்பது நாம் டைப் செய்திடும் கீகள் என்ன என்னவென்று அப்படியே காப்பி செய்து பைலாக உருவாக்கித் தரும் சாப்ட்வேர் ஆகும். எனவே இந்த புரோகிராம் இருக்கும் ஒரு கம்ப்யூட்டரில் நாம் இன்டர் நெட் மற்றும் நிதி பரிவர்த் தனைகளை மேற்கொண்டால் நம்முடைய பாஸ்வேர்டுகள் மற்றவருக்குத் தெரிந்துவிடும் அல்லவா? இதிலிருந்து தப்பிக்க ஒரு வழி உள்ளது.

பாஸ்வேர்ட் டைப் செய்திடுகையில் இடையே பாஸ்வேர்டில் இல்லாத எழுத்துக்களையும் டைப் செய்து விடுங்கள். பின் மவுஸ் மூலம் அந்த தேவையற்ற எழுத்துக் களை நீக்கிவிடுங்கள். கீ லாக்கர் புரோகிராம்கள் டைப் அடிக்கும் கீகளை மட்டுமே நினைவில் கொள்ளும். இது போல தேவையற்ற கீகளை அழுத் துகையில் எடுத்துக் கொள்ளும்; ஆனால் அவற்றை மவுஸ் மூலம் அழிக்கையில் எடுத்துக் கொள்ளாது. எனவே நம் பாஸ் வேர்ட்களை மற்றவர்கள் இதன் மூலம் அறிந்து கொள்ள முடியாது.

பைலின் பாத் தெரிய: ஒரு பைல் எங்கு உள்ளது என்று கூற அதற்கான பாத் (path) சரியாகத் தரப்பட வேண்டும். இதனை எப்படி அமைப்பது? அல்லது பாத் –இன் முழு வழியை எப்படி எழுதுவது என்று தெரியாமல் பலர் இருக்கின்றனர். இதனை மிக எளிதாகக் கண்டு பிடிக்கலாம். ஸ்டார்ட் அழுத்தி பின் ரன் விண்டோவினைத் திறக்கவும்.

விண்டோஸ் எக்ஸ்புளோரரையும் திறந்து குறிப்பிட்ட பைலை மவுஸால் இழுத்து வந்து ரன் விண்டோவில் விடவும். பைல் அங்கேயேதான் இருக்கும். ஆனால் பைலின் பெயர் முழு path உடன் காட்டப்படும். இதனை அப்படியே காப்பி செய்து எங்கு பைல் குறித்து பாத் காட்ட வேண்டுமோ அங்கு பேஸ்ட் செய்துவிடலாம்.