கூகுள் தேடுதல் சில வழிகள்--குவிந்த ஐகான்களை கிளீன் செய்க --சர்ஜ் புரடக்டர் – கவனிக்க வேண்டிய அம்சங்கள்போட்டோ ஷாப் அழகாய்க் கத்துக்கலாம்--தற்காலிக இமெயில் முகவரிகள்

கூகுள் தேடுதல் சில வழிகள்

தேடுதல் பிரிவில் இன்று ஒப்பாரும் மிக்காரும் இன்றி இயங்கும் இஞ்சின் கூகுள் சாப்ட்வேர் ஆகும். இந்த தேடுதலிலும் விரைவாக நாம் விரும்பும் தேடுதலை மட்டும் மேற்கொள்ளும் சாதனமாக கூகுளை மாற்றிக் கொள்ளலாம். அதற்கான சில நடைமுறை வழிகளைப் பார்க்கலாம். 1. மிகச் சரியாக நாம் விரும்பும் சொற்கள் உள்ள இடங்களை மட்டும் கண்டறிய அந்த சொற்களை டபுள் கொட்டேஷன் (“ ”) குறிகளுக்குள் கொடுக்க வேண்டும். எடுத்துக் காட்டாக  Women who love football  என்று கொடுத்தால் 3 கோடியே 46 லட்சம் இடங்களில் உள்ளதாகக் காட்டுகிறது. இதே சொற்களை கொட்டேஷன் குறிப்புகளுக்குள் கொடுத்தால் “Women who love football”  என்று கொடுத்தால் 45,500 இடங்களில் உள்ளதாக முடிவு தெரிவிக்கிறது. இரட்டை மேற்குறிகள் கொடுப்பதன் மூலம் தேவையற்ற முடிவுகளை நாம் நீக்குகிறோம்.

2.“இப்படி ஏதாவது இருந்தால் கொடு”: என்று சில வேளைகளில் தேட வேண்டியதிருக்கும். நாம் என்ன தேடப் போகிறோம் என்பது நமக்கு முழுமையாகத் தெரியாத போது இந்த தேடல் வழி நமக்குத் தேவையாகிறது. இதற்கு ஆஸ்டெரிஸ்க் (*) என்ற நட்சத்திரக் குறியைப் பயன்படுத்தலாம். இது ஒரு காலி இடத்தையும் அதில் எந்த சொல் இருந்தாலும் பரவாயில்லை என்ற பொருளையும் தருகிறது. எடுத்துக் காட்டாக ஒரு ஆற்றின் பெயர் தெரியவில்லை. ஆனால் அதன்மேல் கட்டப் பட்ட பாலம் குறித்து ஒரு கவிதை உள்ளது நினைவில் உள்ளது. எனவே அந்த கவிதையைத் தேடுகையில் வேறு ஆறுகளின் பெயர்கள் வந்தாலும் பரவாயில்லை என்ற எண்ணத்துடன் “the bridge on the river*”  என்று தரலாம். நிச்சயமாய் உங்கள் நினைவிற்கு உடனே வர மறுக்கும் அந்த பெயர் பட்டியலில் கிடைக்கும்.

3. குறிப்பிட்ட வெப் சைட் டில் மட்டும் தேட: ஏதேனும் ஒரு குறிப்பிட்ட சொல் உங்களைக் கவர்ந்திருக்கும். அது புதுவித சொல்லாய் இருக்கலாம். ஆனால் இணையப் பக்கத்தில் அது எங்கு இருக்கிறது என்று தெரியாமல் இருக்கலாம். ஆனால் அந்த வெப் சைட்டில் தான் உள்ளது என்று நினைவில் இருக்கலாம். எனவே அந்த வெப் சைட்டில் மட்டும் தேடும்படி கட்டளை கொடுக்கலாம். எடுத்துக் காட்டாக சிம்பனி என்ற சொல் நோக்கியாவிற் கென யுனிவர்சல் என்னும் நிறுவனத்தின் வெப்சைட்டில் பயன்படுத்தப் பட்டிருக்கலாம். இதனை “symphony” site: www.univercell.in என்று கொடுத்துத் தேடக் கட்டளை கொடுத்தால் அந்த தளத்தில் மட்டும் தேடி அந்த சொல் எங்கிருக்கிறது என்று காட்டும். இதே போல ஒரு குறிப்பிட்ட தளம் இல்லாமல் மற்றவற்றில் மட்டும் தேடவும் இந்த கட்டளையைச் சற்று மாற்றிக் கொடுக்கலாம். எடுத்துக் காட்டாக நீங்கள் யாஹூ மெசஞ்சர் தொகுப்பை யாஹூ இணையதளம் இல்லாத வேறு தளங்களில் கண்டு டவுண்லோட் செய்திட முடிவெடுக்கிறீர்கள்.

அப்போது “Yahoo messenger” site: yahoo.com  என்று கட்டளை கொடுக்கலாம். இதில் தரப்பட்டுள்ள மைனஸ் (–) அடையாளம் கூகுள் தேடல் சாதனத்தை சொல்லுக்கான முடிவுகளை குறிப்பிட்ட தளத்திலிருந்து மட்டும் தராதே; மற்ற தளங்களில் இருந்து தா என்று கூறுகிறது. இதே போல வெப்சைட்களில் குறிப்பிட்ட வகை தளங்களில் இருந்து மட்டும் தேடு என்றும் வரையறை செய்திடலாம். எடுத்துக் காட்டாக   essay on American history,”     என்பதனைத் தேடி அறிய விரும்புகிறீர்கள். இதனை கல்வி சார்ந்த   (.edu)   தளங்களில் மட்டும் தேடி அறிய என்ற வகையான தளங்களில் மட்டும் தேட விரும்பினால் “Essay on American history” site:.edu  எனக் கட்டளை கொடுக்கலாம்.

4. ஒரு பொருள் தரும் சொற்களைத் தேட: ஒரு சொல் மட்டுமின்றி அந்த சொல்லின் பொருள் தரும் பிற சொற்கள் உள்ள தளங்களையும் தேடி அறிய விரும்பினால் அதற்கான கட்டளைச் சொல்லும் உள்ளது. டில்டே (“~”)  என ஒரு குறியீடு உள்ளது.
எழுத்துக்களுக்கு மேல் உள்ள எண்கள் கீகளுக்கு முன்னால், எண் 1க்கு முன்னால், இந்த கீ இருக்கும். இன்னும் சொல்லப்போனால் இது உள்ள கீதான் கீ போர்டில் முதல் கீயாகும். ஷிப்ட் அழுத்தி இந்த கீயை அழுத்தினால் டில்டே குறியீடு கிடைக்கும். இதனை எந்த சொல்லுக்கான அதே பொருள் தரும் சொற்களைத் தேடுகிறோமோ அந்த சொல்லுக்கு முன் தர வேண்டும். இந்த சொல்லுக்கும் குறியீட்டிற்கும் இடையே இடைவெளி இருக்கக் கூடாது. எடுத்துக் காட்டாக  cover  என்ற சொல்லை (“~cover”) எனக் கொடுத்தால் அந்த சொல் தரும் பலவகை பொருள் உள்ள மற்ற சொற்கள் உள்ள தளங்களும் பட்டியலிடப்படும்.

5. கூகுள் தேடல் தளக் கட்டத்தில் ஒரு சொல்லுக்கான பொருள் அறியவும் கட்டளை அமைக்கலாம். எடுத்துக் காட்டாக   modem  என்ற சொல்லுக்கான பொருள் அறிய விரும்பினால் “define:modem”  எனத் தர வேண்டும். இதற்கு இன்னொரு வழியும் உள்ளது.  “what is” என்ற சொற்களை பொருள் தேடும் சொல் முன்னால் சேர்த்துத் தரலாம். ஆனால் பொருள் தருவது மட்டுமின்றி கூகுள் அச்சொல் இடம் பெறும் மற்ற தளங்களின் பட்டியலையும் தரும்.

குவிந்த ஐகான்களை கிளீன் செய்க

நம் டெஸ்க் டாப்பில் ரீசைக்கிள் பின் என்னும் குப்பைத் தொட்டி இருந்தாலும் நம்மில் பலர் டெஸ்க் டாப்பையே குப்பைத் தொட்டி போல பயன்படுத்துவார்கள். ஐகான்கள் பல தேவையற்ற நிலையில் குவிந்து கிடக்கும். பயன்படுத்தாமலேயே பல ஐகான்கள் இருக்கும். பல புரோகிராம்களை இன்ஸ்டால் செய்கையில் அவை அவற்றை இயக்க பல ஐகான்களை உருவாக்கும். சில புரோகிராம்கள் துணையாக வேறு கூடுதல் வசதிக்கான ஐகான்களையும் உருவாக்கி வைக்கும். இவற்றை நாம் பயன்படுத்துவது அரிது. இருந்தாலும் அப்படியே வைத்திருப்போம்.

விண்டோஸ் எக்ஸ்பி இது போல பயன்படுத்தாத ஐகான்கள் இருந்தால் அதற்கென ஒரு மெசேஜைக் காட்டி இவற்றை எல்லாம் எடுத்துவிடவா என்று கேட்கும். அப்போதும் நாம் அந்த செயல்பாட்டினைத் தடுத்துவிடுவோம். பயன்படுத்துகிறோமோ இல்லையோ அவை அப்படியே இருக்கட்டும் என விட்டுவிடுவோம். இதனை எப்படி சரி செய்திடலாம். ஐகான்களும் வேண்டும்; ஆனால் திரையும் சுத்தமாகக் காட்சி அளிக்க வேண்டும். இதற்கு ஒரு வழி உள்ளது. டெஸ்க் டாப்பிலேயே ஒரு புதிய போல்டர் ஒன்றை உருவாக்குங்கள்.

இது மிக எளிது. ஐகான்கள் இல்லாத இடத்தில் திரையில் கர்சரைக் கொண்டு சென்று ரைட் கிளிக் செய்திடுங்கள். கிடைக்கும் மெனுவில் New   கிளிக் செய்து பின் Folder   என்பதைத் தேர்ந்தெடுங்கள். New Folder    என்ற பெயரில் போல்டர்  உருவாகும். இப்போது இந்த போல்டரின் மீது ரைட் கிளிக் செய்து கிடைக்கும் மெனுவில் Rename  என்பதைக் கிளிக் செய்தால் போல்டரின் ஐகான் கீழாக உள்ள பெயரில் கர்சர் நிற்கும். இதில் Unused Icons   என டைப் செய்து என்டர் தட்டுங்கள். புதிய போல்டர் “Unused Icons”   என்ற பெயரைக் கொண்டிருக்கும். பின் இந்த போல்டரைத் திறந்து நீக்க வேண்டிய ஐகான்களை ஒவ்வொன்றாகத் தேர்ந்தெடுத்து புதிய போல்டரில் விட்டு விடுங்கள். இவற்றில் ஏதாவது ஐகானை அழுத்தி புரோகிராம் ஒன்றினை இயக்க வேண்டும் என்றால் போல்டரைத் திறந்து ஐகானில் கிளிக் செய்திடலாம்.

சர்ஜ் புரடக்டர் – கவனிக்க வேண்டிய 

அம்சங்கள்

யு.பி.எஸ். உடனே வாங்க முடியாதவர்கள் அடுத்ததாகத் தங்கள் கம்ப்யூட்டருக்குப் பாதுகாப்பு என எண்ணுவது சர்ஜ் புரடக்டர் என்னும் சாதனத்தைத்தான். யு.பி.எஸ். உடன் ஒப்பிடுகையில் இது சற்று விலை குறைவு. எனவே வாசகர்களிடமிருந்து வரும் கடிதங்களில் கணிசமானவை இது குறித்த கேள்விகளோடு வருகின்றன. சர்ஜ் புரடக்டரை வாங்குகையில் என்ன அம்சங்களைக் கவனித்துப் பார்க்க வேண்டும் என இங்கு பார்க்கலாம்.

மின்சாரம் சீராக இல்லாமல் அடிக்கடி வோல்டேஜ் ஏற்றத்தாழ்வு ஏற்படும்போது கம்ப்யூட்டரில் குறிப்பாக மதர்போர்டிலும் மற்ற துணை சாதனங்களிலும் உள்ள சிறியசர்க்யூட் போர்டுகளில் பாதிப்பு ஏற்படலாம். எலக்ட்ரிக்கல் சர்க்யூட்களில் சூடு பரவலாம்; மிகப் பெரிய அளவில் மின்சாரம் உயருகையில் சிறிய வெடிப்பு ஏற்படலாம்; குறைவான நிலையில் ஏற்றத்தாழ்வு ஏற்பட்டால் சர்க்யூட்களில் நிரந்தரமாக பாதிப்பு ஏற்படலாம்.பல சமயங்களில் இது போன்ற ஏற்றத்தாழ்வு அடிக்கடி ஏற்பட்டு, அதனால் கம்ப்யூட்டரில் எதிர்பாராத மற்றும் விநோதமான செயல்பாடுகள் ஏற்படலாம். திடீரென செயலின்றி உறைந்து போதல், ரீ பூட் ஆதல் மானிட்டரில் இதுவரை கண்டிராத கோலங்கள் என எது வேண் டுமானாலும் நடக்கலாம். இவை எல்லாம் இப்படித்தான் நடக்கும் என்று எதிர்பார்த்துக் கூறமுடியாதவையாகும். இன்ன வகையில் நடக்கும் என்று கால அல்லது விளைவுகளையும் வரையறை செய்திட இயலாது. அதற்காக கம்ப்யூட் டரில் ஏதாவது எதிர்பாராத செயல்பாடுகள் இருந்தால் (உடனே அது சர்க்யூட் கோளாறு என்று முடிவு செய்துவிடாதீர்கள். மைக்ரோசாப்ட் விண்டோஸ் அதைக் காட்டிலும் கெட்டிக் காரத்தனமாக இது போன்ற செயல்களைச் செய்ய வல்லது.)

நம்மில் பலர் வெளியே இடி மற்றும் மின்னலுடன் கூடிய மழை பெய்தால் உடனே டிவி, கம்ப்யூட்டர், பிரிட்ஜ் போன்ற சாதனங்களுடன் உள்ள மின் இணைப்புகளை எடுத்துவிடுவோம். இவற்றால் மின்சார சப்ளையில் மாற்றம் ஏற்பட்டு சர்க்யூட்களுக்குப் பாதிப்பு ஏற்படும் என்றார். லும் கம்ப்யூட்டரில் பாதிப்பு ஏற்பட இது தேவையில்லை. வீட்டில் உள்ள பிரிட்ஜ், மைக்ரோவேவ் அடுப்பு, ஏர்கண்டிஷனர், எலக்ட்ரிக் அடுப்பு, ஏன் ஹேர் டிரையர் இயக்கம் கூட கம்ப்யூட்டரின் சர்க்யூட்டில் பாதிப்பு ஏற்படுத்தக் கூடியவைகளே. இந்த சாதனங்களைத் தவிர மின்சார டிரான்ஸ் பார்மர்களிலிருந்து அதிக மின்சாரம் இழுப்பதால் (எடுத்துக் காட்டாக அனைவரும் ஏர் கண்டிஷனர் பயன்படுத்தினால்) ஏற்படும் ஏற்றத் தாழ்வுகளும் பிரச்னையை ஏற்படுத்தலாம்.
பவர் சர்ஜ் புரடக்டர் வாங்குகையில் குறைந்த விலையில் பிளாட்பாரத்தில் கிடைக்கிறதே என எதனையும் வாங்க வேண்டாம். இவற்றின் வடிவம் தான் சர்ஜ் புரடக்டர் போல இருக்கும். உள்ளே அதன் செயல்பாடுகள் எதுவும் இல்லாமல் சாதாரண எக்ஸ்டென்ஷன் பாக்ஸ் போலவே இருக்கும். எனவே இதற்கென பெயர் பெற்ற நிறுவனங்கள் தயாரிக்கும் சர்ஜ் புரடக்டரையே வாங்கவும். இன்றையச் சந்தையில் பல ஐ.எஸ்.ஐ. அத்தாட்சி பெற்ற சர்ஜ் புரடக்டர்கள் கிடைக்கின்றன. விலை ரூ.450 முதல் ரூ.900 வரை இருக்கலாம்.

சர்ஜ் புரடக்டரில் அது இயங்காத போது எரியக் கூடிய சிகப்பு விளக்கு இருக்க வேண்டும். அப்போதுதான் நாம் கவனமாக இருக்க முடியும். அடுத்ததாக விற்பனை செய்யப்படும் கடைகளில் சர்ஜ் புரடக்டரைச் சோதனை செய்து காட்டும் சிறிய சாதனம் ஒன்றை வைத்திருப்பார்கள். அவர்களே மின்சக்தியில் ஏற்றத் தாழ்வுகளை ஏற்படுத்தி எப்படி சர்ஜ் புரடக்டர்கள் இவற்றைத் தடுக்கின்றன என்று காட்டுவார்கள். அவற்றை நம்பி வாங்கலாம். சர்ஜ் புரடக்டர்களில் ப்யூஸ் இருக்கிறதா என்று பார்க்கவும். பிரச்னை என்று வந்தால் உடனே ப்யூஸ் கட் ஆகும். அதனால் மின்சக்தி ஏற்றத்தாழ்வு உள்ளே சாதனத்திற்குச் செல்லாது. உடனே அதனைச் சரி செய்து மீண்டும் பயன்படுத்தலாம்.  சர்ஜ் புரடக்டரிலிருந்து மின்சாரம் பல சாதனங்களுக்குச் செல்லும் வகையில் 5 ஆம்பியர் ப்ளக் அவுட்லெட் தரப்பட்டிருக்கும். இது அளவோடு 3 அல்லது 5 இருக்க வேண்டும். அனைத்திற்கும் தனித்தனியே ஸ்விட்ச் இருப்பது நல்லது. சர்ஜ் புரடக்டருக்கு வாரண்டி எவ்வளவு காலம் என்பதனையும் அதற்கான அட்டை அல்லது ரசீது கேட்டுப் பெறவும்.

போட்டோ ஷாப் அழகாய்க் 

கத்துக்கலாம்

கற்றுக் கொண்டதைக் கற்றுக் கொடுப்போம் என்ற உயர்ந்த நோக்கத்தை இலக்காய்க் கொண்டு அடோப் போட்டோ ஷாப்பின் அனைத்து நுணுக்கங்களையும் மிகச் சிறப்பாக ஆப்ஜெக்ட் விளக்கங்களோடு தமிழில் தந்துள்ளது எக்ஸ்ட்ரீம் ட்ரெய்னிங் நிறுவனம். இதனை உருவாக்கியவர் மோகன் பாபு.

படங்களை வரைவது, அழகாக தத்ரூபமாக அமைப்பது, மனதிற்குப் பிடித்த வகைகளில் படங்களை மாற்றுவது ஆகிய பணிகளுக்கு இன்றைய கம்ப்யூட்டர் உலகில் டெக்னீஷியன்கள் விரும்பிப் பயன்படுத்துவது அடோப் போட்டோஷாப் தொகுப்பாகும். இதனைக் கசடறக் கற்றவர்களுக்குச் சென்ற இடமெல்லாம் சிறப்பு. ஏனென்றால் அச்சுத் தொழில், போட்டோ எடிட்டிங் வேலை, படங்களை அமைக்கும் பணி ஆகியவை இன்று பல வகையான செயல்பாடுகளில் தேவையாய் உள்ளன. வீடியோவிற்கான காட்சிகளை அமைப்பதற்கும் இந்த பணிகள் தேவைப்படுகின்றன. ஆனால் இந்த அப்ளிகேஷன் சாப்ட்வேர் தொகுப்பைக் கற்றுக் கொள்வது எப்படி? இதற்கென உள்ள பயிற்சி வகுப்புகளுக்குச் சென்றால் அங்கே கூட்டமாகத்தான் கற்றுக் கொள்ள முடியும்.

பிறரின் முன்னால் நம் சந்தேகங்களைத் தெளிவுபடுத்திக் கொள்வதற்குக் கூச்சப்படுபவர்க்கு இந்த வகுப்புகள் அவ்வளவாகப் பயன்படாது. இத்தகைய மனப்பாங்கு உள்ளவர்கள் மட்டுமின்றி அடோப் போட்டோஷாப் கற்றுக் கொள்ள முயற்சிப்பவர் அனைவருக்கும் அதன் அனைத்து நுணுக்கங்களையும் பக்கத்தில் ஓர் அண்ணன் போல, நண்பன் போல கற்றுக் கொடுக்கிறது எக்ஸ்ட்ரீம் ட்ரெய்னிங் நிறுவனம் வழங்கியுள்ள இந்த சிடி. உங்கள் கம்ப்யூட்டரில் அடோப் போட்டோ ஷாப் தொகுப்பு இல்லாமலேயே அதனைக் கற்றுக் கொள்ளும் வகையில் இந்த சிடி தயாரிக்கப்பட்டுள்ளது. எந்த பிரிவைக் கற்றுக் கொள்ள வேண்டுமோ அதன் மெனு நம் கண் முன் விரிகிறது. கூடவே அந்த பிரிவைப் பயன்படுத்தி ஏதேனும் ஒரு அடோப் ஆப்ஜெக்ட் பைல் செயல்படுத்தப்பட்டு காட்டப்படுகிறது.

உங்கள் நண்பர் அருகே இருந்து சொல்லிக் கொடுத்தால் எப்படி உங்களிடம் பேசி சொல்லிக் கொடுப்பாரோ அதே போல தோழமையுடன் விளக்கம் தருவது இந்த சிடியின் சிறப்பு. அடோப் போட்டோ ஷாப் கற்றுக் கொண்டவர்கள் கூட அதனைப் பயன்படுத்துகையில் ஏற்படும் சந்தேகங் களுக்கு இந்த சிடியைப் போட்டு தெளிவு செய்து கொள்ளலாம். இதன் அண்மைக் கால பதிப்பு அடோப் போட்டோஷாப் சி.எஸ்.3 தொகுப்பாகும். இந்த தொகுப்பை  மையப்படுத்தித்தான் இந்த பயிற்சி சிடி தயாரிக்கப்பட்டுள்ளது. இதனைத் தயாரித்த மோகன்பாபு பாராட்டுக்குரியவர். இதன் விலை ரூ.249 எனக் குறியிடப்பட்டுள்ளது. மேலும் தகவல்களுக்கு extremetraining@ gmail.com என்ற மின்னஞ்சல் முகவரிக்கு எழுதிக் கேட்டுக் கொள்ளலாம்.

தற்காலிக இமெயில் முகவரிகள்
நமக்கு தொல்லை தரும் வகையில் தொடர்பே இல்லாமல் பல இமெயில்கள் வருகின்றன. அதற்காக நாம் விரும்பும் புரோகிராம்களை டவுண்லோட் செய்திட முயற்சிக்கையில், பொருள்களை ஆன்லைனில் வாங்கிட விரும்புகையில், பயணங்களுக்கான டிக்கட்களை புக் செய்திட எண்ணுகையில் இமெயில் முகவரிகளைத் தராமல் இருக்க முடியாது.

அடிக்கடி இன்டர்நெட் சைட்டுகளில் உங்கள் இமெயில் முகவரிகளைத் தருகிறீர்களா? பொருட்கள் வாங்குகையில், ஏதேனும் புரோகிராம்களை டவுண்லோட் செய்து இறக்குகையில் அந்த செயல்பாட்டை முடித்துவைக்க நிச்சயமாய் உங்கள் இமெயில் முகவரி கேட்கப்படும். பின் அந்த முகவரிக்கு ஒரு லிங்க் அனுப்பப்பட்டு அதனைப் பெற்று நீங்கள் கிளிக் செய்தாலே அப்போது மேற்கொண்ட செயல்பாடு முற்றுப் பெறும். எனவேதான் நாம் நம் இமெயில் முகவரிகளைத் தர வேண்டியுள்ளது. இதனால் நம்முடைய இமெயில் முகவரிகள் பல தளங்களில் பதியப்படுகிறது. ஒரு சிலர் இது போல இமெயில் முகவரிகளைப் பெற்று வர்த்தக ரீதியாகச் செயல்பட்டு ஸ்பேம் மெயில் அனுப்பும் நிறுவனங்களுக்கு விற்றுவிடுகின்றனர்.

இதனால் நமக்கு தொல்லை தரும் வகையில் தொடர்பே இல்லாமல் பல இமெயில்கள் வருகின்றன. அதற்காக நாம் விரும்பும் புரோகிராம்களை டவுண்லோட் செய்திட முயற்சிக்கையில், பொருள்களை ஆன்லைனில் வாங்கிட விரும்புகையில், பயணங்களுக்கான டிக்கட்களை புக் செய்திட எண்ணுகையில் இமெயில் முகவரிகளைத் தராமல் இருக்க முடியாது. இந்த சிக்கலுக்கு என்னதான் தீர்வு? தற்காலிகமாக இமெயில் முகவரிகளை அமைத்துக் கொள்வதுதான். இதற்கென்றே சில தளங்கள் உள்ளன. இந்த தளங்களை கூகுள் சர்ச் இஞ்சின் மூலம் தேடிக் கண்டுபிடித்துப் பயன்படுத்திக் கொள்ளலாம். நான் தேடிய போது சில தள முகவரிகள் கிடைத்தன. அவை:   Mytrashmail, ExplodeMail, Mailinator, Temporaryinbox  மற்றும்  Maileater  இவற்றில் ஒரு தளத்திற்குச் சென்றால் அவை தற்காலிக இமெயில் முகவரியைத்தரும். சிறிது காலம் பயன்படுத்திய பின்னர் விட்டுவிடலாம். அல்லது இந்த தளத்தில் இமெயில் முகவரியை உருவாக்கி அதற்கு வரும் மெயில்களை உங்கள் நிரந்தர இமெயில் முகவரிகளுக்கு பார்வேர்ட் செய்திடும் பணியையும் இந்த தளங்கள் மேற்கொள்கின்றன. இதனால் ஸ்பேம் போன்ற கூட்ட மெயில்களிலிருந்து நாம் தப்பிக்கலாம்.