வேர்ட் – தெரிந்ததும் தெரியாததும்…--பிரிண்ட் லே அவுட்டில் டெக்ஸ்ட் ஓட்டம்--பைல்கள் ஏன் காப்பி ஆகின்றன?--எம்பி4 பைல்கள்--தேசிய கீதங்களுக்கான வெப்சைட்--சிஸ்டம் ரெஸ்டோர் சில குறிப்புகள்

வேர்ட் – தெரிந்ததும் தெரியாததும்…

* வேர்டில் ஒரு டாகுமெண்ட் பைலில் ஒரு சொல் எங்கிருக்கிறது என்று தேடிக் கொண்டிருக் கிறீர்களா? தொடர்ந்து அதே சொல்லைத் தேட Find and Replace விண்டோவினை திறந்தே வைத்திருக்க வேண்டியதில்லை. ஜஸ்ட் ShiftF4 அழுத்தினால் போதும். தொடர்ந்து அந்த சொல் தேடப்பட்டு முடிவுகள் உங்களுக்குக் கிடைக்கும்.

* டாகுமெண்ட் ஒன்ற எடிட் செய்கையில் Format | Change Case பயன்படுத்தி எழுத்துக்களின் தன்மையை மாற்றுகிறீர்களா! இந்த டயலாக் பாக்ஸில் உங்களுக்கு ஐந்து ஆப்ஷன்ஸ் கிடைக்கும். இருந்தும் உங்களுக்குப் பயன்படுவது uppercase, lowercase மற்றும் title case என்ற மூன்று தான். இதனை ShiftF3  என்ற கீகளை அழுத்துவதன் மூலம் பெறலாம்.

* வேர்ட் டாகுமென்ட் ஒன்றில் எத்தனை சொற்களை நீங்கள் அமைத்திருக்கிறீர்கள் என்று தெரியவேண்டுமா? தொடர்ந்து அவ்வப் போது இதனை செக் செய் திட வேண்டுமா? இதற்கு View | Toolbars என்று சென்று அதில் Word Count என்ப தனைத் தேர்ந்தெடுக்கவும். இந்த டூல்பாரை அப்படியே மவுஸால் அழுத்திப் பிடித்து ஏற் கனவே இருக்கும் டூல்பாரின் வலது பக்கத் திற்குக் கொண்டு சென்று உங்கள் திரையின் மேலாக விட்டுவிடவும். வேர்ட் கவுண்ட் டூல் பார் அங்கேயே இருக்கும்.

எத்தனை சொற்களை நீங்கள் பயன்படுத்தி இருக்கிறீர்கள் என்று காட்டும் விண்டோவினை யும் நீங்கள் உங்களுக்குத் தேவையான அளவிற்கு மாற்றலாம். இதற்கு Tools | Customize | Toolbars என்று சென்று கிடைக்கும் விண்டோவை மாற்றி அமைத்துக் கொள்ளலாம். கஸ்டமைஸ் டயலாக் பாக்ஸில் இருக்கும் போது அளவை மாற்றும் பணியை மேற் கொள்ளலாம். இனி எப்போது சொற்களின் எண்ணிக்கை தெரியவேண்டும் என்றாலும் டூல்பாரில் உள்ள Recount  பட்டனில் கிளிக் செய்து கிடைக்கும் விண்டோவில் தெரிந்து கொள்ளலாம்.

* வேர்டில் டேஷ் கோடு மூன்றை டைப் செய்தால் வேர்ட் உடனே அதனை பெரிய திக்கான கோடாக மாற்றி விடும். இதனை நீக்கும் வழியும் உடனே கிடைக்காது. இந்த செயல்பாடு வேர்ட் புரோகிராமில் பதியப்படும் போதே அமைக்கப்பட்டு விடுகிறது. இதனை நீக்க Format | Borders and Shading என்று செல்லவும். பின் Borders டேப்பில் கிளிக் செய்து None என்பதைத் தேர்ந்தெடுத்து ஓகே கிளிக் செய்து வெளியே வரவும்.

* வேர்ட் சில பார்மட்டிங் பணிகளைத் தானாக மேற் கொள்ளும். இவற்றில் மிகவும் பயனுள்ள பணி + மற்றும் –– (ப்ளஸ் மற்றும் ஹைபன்) அடையாளங் களை பயன்படுத்தி டேபிள் களை உருவாக்குவதுதான். ஒரு + அடையாளத்தை டைப் செய்து பின் சில ஹைபன் அடையாளத்தை டைப் செய்திடுங்கள்.

மீண்டும் + அடையாளம் டைப் செய்து மீண்டும் ஹைபன் அடை யாளங்களை அமைத்திடுங்கள். பின் என்டர் தட்டினால் டேபிள் ரெடி. பின் இதனை வழக்கம்போல் டேபிளில் என்ன மாற்றங்கள் மற்றும் டேட்டாவை அமைப்பீர் களோ அதே போல் அமைத்துக் கொள்ளலம்.

* வேர்ட் ஸ்ப்ரட் ஷீட் அல்ல. ஆனாலும் சில எளிய கணக்குகளை உங்களுக்காக மேற்கொண்டு விடைகளைத் தரும். அவை என்னவென்று பார்ப்போமா!
முதலில் டேபிளில் தேவையான செல்களை அமைத்துக் கொள்ளுங்கள். ஒரு படுக்கை வரிசையில் உள்ள எண்களை கூட்டித் தெரிய வேண்டும் என வைத்துக் கொள்வோம். வரிசையாக எண்களை அமைத்துக் கொள் ளுங்கள். வலது பக்கம் உள்ள செல்லைக் காலியாக விடுங்கள். இப்போது அந்த காலியாக உள்ள செல்லில் கிளிக் செய்திடுங்கள். பின்  Table | Formula  தேர்ந்தெடுக்கவும். வேர்ட் உங்களுக்குத் தரும் ஆப்ஷன்களில் =SUM(LEFT) என்று இருக்கும். இதனைத் தேர்ந்தெடுத்தால் கூட்டல் ரெடி.

சரி, நெட்டு வரிசையில் உள்ள எண்களைக் கூட்ட வேண்டுமா? வரிசையாக எண்களை அமைத்து பின் கீழாக உள்ள செல்லைக் காலியாக வைத்துக் கொண்டு அதில் கிளிக் செய்து பின் Table | Formula தேர்ந்தெடுக்கவும். இப்போது கிடைக்கும் ஆப்ஷன்களில் =SUM(ABOVE) என்பதனைத் தேர்ந்தெடுத்தால் விடை ரெடி. சில வேளைகளில் மேலே உள்ள எண்களை மாற்றலாம். அப்போது மீண்டும் விடை உள்ள செல்லில் கர்சரைக் கொண்டு சென்று F9. அழுத்தவும். அப்டேட்டட் டோட்டல் கிடைக்கும்.

இதோ சில நினைவில் வைக்க வேண்டிய ஷார்ட் கட் கீகள்

ShiftF3: இந்த கீகளை அழுத்தினால் தேர்ந்தெடுக்கப்பட்ட சொற்களில் lowercase, initial capitals, and uppercase என மாற்றங்களை மேற்கொள்ள முடியும்.

F4: நீங்கள் மேற்கொண்ட கடைசி வேலையை மீண்டும் ஏற்படுத்தும். இது எதுவாக வேண்டுமானலும் இருக்கலாம். தேடுதல், டைப் செய்தல், பார்மட் செய்தல் என எந்த பணியாக இருந்தாலும் அது மீண்டும் மேற்கொள்ளப்படும்.

ShiftF4: இறுதியாக மேற்கொண்ட (Find) சொல் தேடும் பணி மீண்டும் மேற்கொள்ளப்படும்.

ShiftF5: கடைசியாக மாற்றங்கள் ஏற்படுத்திய இடத்திற்கு நீங்கள் எடுத்துச் செல்லப்படுவீர்கள். இது பைலை மூடித் திறந்தாலும் மேற்கொள்ளப்படும். எடுத்துக் காட்டாக ஒரு டாகுமென்ட் பைலின் 73 ஆவது பக்கத்தில் சிறிய மாற்றம் ஒன்றை மேற்கொண்டு பின் பைலை மூடிவிடுகிறீர்கள். பின் சில நாட்கள் கழித்து அதனைத் திறக்கிறீர்கள். எதுவரை திருத்தங்கள் மேற்கொண்டோம் என்று தெரியவில்லை. கவலையே வேண்டாம். ShiftF5 கீகளை அழுத்தினால் போதும். கர்சர் நீங்கள் பைலை மூடிய இடத்தில் நிற்கும்.

CtrlF6: திறந்திருக்கும் டாகுமெண்ட்களிடையே செல்ல இந்த கீகள் பயன்படும்.

F7: ஸ்பெல் செக்கர் திறக்கப்படும்.

F12: Save அண் டயலாக் பாக்ஸ் திறக்கப்படும்

வேர்ட் வீட்டில் பர்னிச்சர் மாற்றலாமா!

வேர்ட் தொகுப்பில் மேலாக மெனு பட்டன்கள் பைல் என்பதில் தொடங்கி வரிசையாக அதற்கான ஐகான்களுடன் அமைந்திருப்பதனை நாள்தோறும் பார்த்து பழகி பயன்படுத்தி வருகிறீர்கள். சில வேளைகளில் இந்த குறிப்பிட்ட டூல் பார் பட்டன் இதன் பக்கத்திலேயே இருந்தால் நன்றாக இருக்குமே ! என்று எண்ணியிருக்கலாம்.

குறிப்பாக நீங்கள் அடிக்கடி எழுத்துவகையை மாற்றி அமைப்பவர் என்றால் பாண்ட், அளவு ஆகிய விண்டோக்களை வேறு ஒரு மெனுவிற்கு அருகில் அமைத்திருக்கலாமே என்று எண்ணுகிறீர்களா! அல்லது இன்ஸெர்ட் பக்கத்தில் பார்மட் இருந்தால் நன்றாக இருக்குமே என்று விரும்புகிறீர்களா! இவ்வாறு வேர்ட் வீட்டில் உங்கள் பர்னிச்சர்களை இடம் மாற்ற திட்டமிடுகிறீர்களா! நீங்கள் விரும்பும்படி செய்திடத்தானே கம்ப்யூட்டர் இருக்கிறது.

முதலில் Alt கீயை அழுத்திப் பிடித்துக் கொள்ளுங்கள். இனி நீங்கள் இடம் மாற்ற விரும்பும் மெனு பட்டனை உங்கள் மவுஸால் கிளிக் செய்து அப்படியே இழுத்து நீங்கள் விரும்பும் புதிய இடத்திற்குச் செல்லுங்கள். அப்போது பாய்ண்ட்டர் ஒரு செங்குத்து பாராக மாறி இருப்பதனைப் பார்ப்பீர்கள். புதிய இடத்திற்குச் சென்றவுடன் மவுஸை விட்டுவிடுங்கள். நீங்கள் விரும்பிய வகையில் வேர்ட் வீட்டில் பர்னிச்சர் மாறி இருப்பதனைப் பார்ப்பீர்கள்.

பிரிண்ட் லே அவுட்டில் டெக்ஸ்ட் ஓட்டம்

வேர்ட் தொகுப்பு பயன்படுத்துபவர்கள் வேர்ட் தரும் வியூவில் தங்களுக்கென ஒரு வியூவினைத் தங்கள் பேவரிட் வியூவாகக் கொண்டு செயல்படுவார்கள். மற்ற வியூ குறித்து என்ன சொன்னாலும் இதுதான் எனக்கேற்றது என்று அதனையே பயன்படுத் துவார்கள். நார்மல்வியூ, பிரிண்ட் லே அவுட் வியூ, வெப் லே அவுட் வியூ என இந்த வியூக்களில் நீங்கள் பிரிண்ட் லே அவுட் வியூ பயன்படுத்துகிறீர்களா! உங்களுக்கும் மற்றவர் களுக்கும் இந்த குறிப்பு பயன்படும். பிரிண்ட் லே அவுட் வியூவைப் பொறுத்த வரை நீங்கள் என்ன பார்க்கிறீர்களோ அந்த வியூதான் பிரிண்ட் எடுக்கையில் கிடைக்கும்.

இதையே ஆங்கிலத்தில் ”What you see is what you get,” என்று கூறுவார்கள். இந்த தன்மைக் காகவே இந்த வியூவினைப் பெரும்பான்மை யானவர்கள் பயன்படுத்து கின்றனர். எந்த காரணத்திற்காக நீங்கள் இதனை விரும்பினாலும் இந்த வியூ சில சிறப்பம் சங்களைக் கொண்டுள்ளது. இதன் மூலம் நம் டெக்ஸ்ட் எப்படி டாகுமெண்ட் வழியே சென்று அமைகிறது என்று இதன் மூலம் கண்காணிக்கலாம். டேபிள்கள் உடைகின் றனவா? ஒரே கருத்தைக் கூறும் பாராக்கள் பிரிகின்றனவா? என்று பார்த்து நாம் அதற்கேற்ப டாகுமெண்ட்டை அமைத்திட முடியும். இன்னொரு வகை வியூவிற்குச் செல்ல வேண்டும் என எண்ணினால் என்ன செய்கிறீர்கள். ஒரு வகை வியூவிலிருந்து இன்னொன்றுக்கு மாறுவது என்பதுவும் எளிதுதான். திரையின் கீழாக இடது ஓரத்தில் உள்ள வியூ கட்டங்களில் தேவையான கட்டத்தின் மீது கிளிக் செய்தால் போதும்.

ஆனால் பிரிண்ட் லே அவுட் வியூவிலேயே இந்த வசதி உள்ளது. மேலே மற்றும் கீழே உள்ள மார்ஜின் இடத்தை திருத்தி அமைத்து பிற வியூவகையிலும் காணலாம். இதற்கு உங் களுடைய கர்சரை மெதுவாக இரு பக்கங் களைப் பிரிக்கும் கோட்டின் அருகே கொண்டு செல்லவும். ஒரு இடத்தில் கர்சர் இரு புறம் காட்டும் அம்புக் குறியாக மாறும். அப்போது சிறிய செய்தி ஒன்று கிடைக்கும். அதில் “Hide White Space” எனத் தரப்பட் டிருக்கும். வேர்ட் 2007ல் “Double Click to Hide White Space” என்று கிடைக்கும். இந்த இரண்டு அம்பு கர்சர் இருக்கையில் கிளிக் செய்திடவும். மந்திரம் போட்டது மாதிரி பக்கங்களுக் கிடையே ஒரு கெட்டியான கோடு ஒன்று கிடைக்கும். இப்போது மேலே கீழே பார்த்தால் அங்கு உள்ள மார்ஜின் ஸ்பேஸ் நீக்கப்பட்டிருக் கும். மீண்டும் மார்ஜின் வேண்டுமா? கவலைப் படாதீர்கள். கருப்பாகச் செல்லும் கோட்டில் மீண்டும் கர்சரைக் கொண்டு செல்லுங்கள்.

அப்போது “Show White Space” என்று செய்தி கிடைக்கும். இப்போது கிடைக்கும் இரண்டு அம்புக்குறியைக் கவனித்தீர்கள் என்றால் அவை வெளிப்புறமாக திசை காட்டும் வகையில் இருக்கும். இங்கு ஒரு கிளிக் செய்தால் மீண்டும் உங்கள் டாகுமெண்ட் பிரிண்ட் லே அவுட் வியூவிற்குச் செல்லும்.

பைல்கள் ஏன் காப்பி ஆகின்றன?

சில வேளைகளில் பைலை இழுத்துச் சென்று பிறிதொரு இடத்தில் வைக்க இழுக்கையில் அந்த பைலுக்கான காப்பி பைல்கள் உருவாவதைப் பார்க்கலாம். பல வாசகர்கள் இதனைக் குறிப்பிட்டு எழுதி இது எதனால் ஏற்படுகிறது? பைலை இழுக்கையில் மேற்கொள்ள வேண்டிய வழிகள் என்ன வென்று கேட்டுள்ளனர்.

பைலை மவுஸ் பிடித்து இழுக்கையில் ஒரே சீராக இழுத்துக் கொண்டே வர வேண்டும். இவ்வாறு இழுக்கையில் இடையே சிறிது நொடிகள் இடைவேளை வந்தாலும் உடனே காப்பி பைலை உருவாக்கும் முயற்சியில் விண்டோஸ் ஈடுபடுகிறது.

அதாவது அப்போது ஒரு பைலை அதன் போல்டரில் கண்டுபிடித்து அதே போல்டரில் அதற்கான காப்பி பைலை உருவாக்க நாம் முயற்சிப்பதாக விண்டோஸ் இயக்கம் எடுத்துக் கொள்கிறது. இதனை எப்படி தவிர்ப்பது எனப் பார்க்கலாம். ஒரு போல்டர் அல்லது டைரக்டரியில் உள்ள நீங்கள் காப்பி செய்ய விரும்பும் பைலைக் கிளிக் செய்திடுங்கள். பின் கண்ட்ரோல் கீயை அழுத்தியவாறே வைத்திருக்கவும். இவ்வாறு அழுத்தியவாறே பைல் பட்டியலில் ஆரோவினை அழுத்தி செல்லவும்.

இவ்வாறு அழுத்துகையில் பைல்கள் அனைத்தும் தேர்வு செய்யப்படும். இவற்றின் வண்ணம் வேறாக மாறுவதனை நீங்கள் பார்க்கலாம். நீங்கள் தேர்ந்தெடுக்க விரும்பும் இன்னொரு பைலின் இடத்தை அடைகிறீர்கள். அப்போது ஸ்பேஸ் பாரை அழுத்தவும். இவ்வாறு அனைத்து பைல்களும் தேர்ந்தெடுக்கப்பட்டவுடன் கண்ட்ரோல் கீயை அழுத்தியவாறே சி கீயை அழுத்தவும். இப்போது தேர்ந்தெடுக்கப் பட்ட பைல்கள் அனைத்தும் காப்பி ஆகிவிடும். இனி இவற்றை எந்த டைரக்டரி அல்லது போல்டரில் ஒட்ட வேண்டுமோ அங்கு ஒட்டலாம்.

எம்பி4 பைல்கள்

பலரும் எம்பி 4 பைல் என்பது எம்பி3 பைலின் மேம்படுத்தப்பட்ட ஒரு வடிவம் என்றே எண்ணிக் கொண்டிருப்பது தெரிய வந்தது. எம்பி 4 பற்றிய சிறு குறிப்பு இதோ. எம்பி 4 பைல் என்பது சுருக்கப்பட்ட வீடியோ பைலாகும். வீடியோ பைலின் ஒரிஜினல் அளவு மிகப் பெரியதாக இருக்கும் என்பதால் அதனைச் சுருக்கி எடுத்துச் சென்று பின் இயக்குகையில் விரித்து இயக்கும் வகையில் இந்த வடிவம் உருவாக்கப்படுகிறது.

எனவே சுருக்கமாக எம்பி3 என்பது ஆடியோ பைல் என்றும் எம்பி4 என்பது வீடியோ பைல் என்றும் நினைவில் கொள்ளலாம். எம்பி 4 என்பதை MPEG4 AVC என்றும் கூறுவார்கள். இதில் AVC என்பது advanced video coding என்பதன் சுருக்கமாகும்.

எம்பி4 பைல்கள் வீடியோ சம்பந்தப்பட்டது என்பதால் அவை எம்பி3 மியூசிக் மற்றும் ஆடியோ பைல்களைக் காட்டிலும் சிறிது சிக்கலானவை. இருந்தாலும் சில சிறப்பு உத்திகளைப் பயன்படுத்தி அவை சுருக்கப்படுகின்றன. பல்வேறு நிலைகளில் இவை மேற்கொள்ளப்படுகின்றன. நகரும் காட்சிகள் மற்றும் வெவ்வேறான அலைவரிசைகள் என அனைத்தையும் இந்த சுருக்கு வேலைகளில் கையாள வேண் டியுள்ளது. பல நிலைகளில் இந்த பைல்களில் சுருக்கும் வேலை யும் விரிக்கும் வேலையும் மேற் கொள்ளப்படுகிறது. இதனை ஆங்கிலத்தில் codec என்று சொல்வார்கள்.

நீங்கள் எண்ணலாம்? எம்பி3 பிளேயர் என்று இருக்கையில் எம்பி4 பிளேயர் என்று ஏன் தனியாக இல்லை என்று. இந்த லேபல் தான் பிரபலமாக வில்லையே தவிர இத்தகைய பிளேயர்களும் இருக்கத்தான் செய்கின்றன. எலக்ட்ரானிக் கடைகளில் கேட்டால் தருவார்கள். இதனை வாங்கி டிவி அல்லது கம்ப்யூட்டருடன் இணைத்து பயன்படுத்தலாம். எம்பி3 பிளேயரைப் போல இதுவும் எளிது தான்.

மற்ற தொழில் நுட்பங்களைப் போல எம்பி4 தொழில் நுட்பத்திலும் சில நிறைகள் மற்றும் குறைகள் உள்ளன. எம்பி4 மூலம் வீடியோ காட்சிகள் 1 Mbps வேகத்தில் காட்டப்படுகின்றன. இதற்கு உங்களிடம் பிராட்பேண்ட் இணைப்பு இருக்க வேண்டும். எம்பி4 பிளேயர் இதே வேகத்தில் பதிந்த பைல்களை கம்ப்யூட் டருக்கும் டிவிக்கும் அனுப்புகிறது. எம்பி4 பிளேயரில் எம்பி3 பைல் களை யும் இயக்கலாம். குறைகள் என எடுத்துக் கொண்டால் இதிலும் திருட்டுத்தனமாக நகல் எடுக்கும் வேலை எளி தாக மேற்கொள்ளப்படுகிறது. இன்டர்நெட்டில் கிடைக்கும் இன்றைய மூவிக்களே இதற்கு சாட்சி. இருந்தாலும் இதனைத் தடுக்க தொழில் நுட் பத்தைத் தொடர்ந்து வளப்படுத்தி வரு கின்றனர்.

தேசிய கீதங்களுக்கான வெப்சைட்

நம் நாட்டின் தேசிய கீதம் நமக்குத் தெரியும். அதே போல ஒவ்வொரு நாட்டிற்கும் ஒரு தேசிய கீதம் இருக்குமே. அவற்றை அறிந்து கொள்ள என்றாவது முயற்சி செய்திருக்கிறீர்களா! வெளி நாட்டிற்கு விடுமுறைக்கு அல்லது அலுவல் காரணமாகச் செல்கிறீர்கள். அந்நாட்டின் தேசிய கீதத்தை அறிந்துகொண்டு செல்வது எவ்வளவு நல்ல செயலாக இருக்கும். அது கிடக்கட்டும் விடுங்க.

நம் நாட்டின் தேசிய கீதத்தின் டெக்ஸ்ட் சரியாக உங்களுக்குத் தெரியுமா? இந்த கேள்விகளுக்கெல்லாம் பதில் கூறும் வகையில் இணைய தளம் ஒன்று இயங்குகிறது. இதன் முகவரி http://david.nationalanthems.net/index.html. இதில் ஏறத்தாழ 400 நாடுகளின் தேசிய கீதங்கள் பதியப்பட்டுள்ளன. ஒவ்வொரு தேசிய கீதத்தின் சரித்திரப் பின்னணி தரப்படுகிறது. MIDI வடிவிலான பாடல் பைல் பதியப்பட்டு கிடைக்கிறது. பாடல் எந்த மொழியில் இருந் தாலும் அதன் மொழி பெயர்ப்பு ஆங்கிலத்தில் தரப்படுகிறது.

இந்த தளத்தை ஏற்படுத்தியவர் தான் ஓர் ஆராய்ச்சியாளராகத்தான் இந்த தளத்தை ஏற்படுத்தியதாகவும் எந்த நாட்டிற்கும் முன்னுரிமை தந்து இதனை அமைக்கவில்லை என்றும் அறிவித்துள்ளார். தவறுகள் இருந்தாலும் மாற்றங்கள் தேவைப்பட்டாலும் உடனே தொடர்பு கொண்டு தெரிவித்தால் அதற்கான முயற்சிகள் எடுக்கப்படும் என்றும் கூறியுள்ளார். இதில் காணப்படும் தேசிய கீதங்களின் நாடுகளுக்கான பட்டியல் இந்த தளத்தின் இடது பக்கம் அட்டவணையாகத் தரப்பட்டுள்ளது. இதில் நாட்டின் பெயரைக் கிளிக் செய்தால் தேசிய கீதம் அந்நாட்டு மொழியிலும் ஆங்கிலத்தில் அதன் மொழியாக்கமும் தரப்பட்டுள்ளது. உடன் தேசிய கீதம் இசைக்கப்படும் பாடலின் டிஜிட்டல் பைலுக்கான லிங்க் உள்ளது.

இதனைக் கிளிக் செய்து பாடப்படுவதனை கேட்கலாம். அல்லது கம்ப்யூட்டரில் சேவ்செய்து எப்போது வேண்டுமானாலும் கேட்டுக் கொள்ளலாம். இதே தளத்தில் தேசிய கீதங்கள் குறித்த நூல்கள் மற்றும் சிடிக்கள் குறித்த தகவல்களும் அவற்றிற்கான லிங்க்குகளும் தரப்பட்டுள்ளன. இந்த தளத்தில் உள்ள தகவல்களை மேம்படுத்த ஆலோசனை வழங்கி அவை ஏற்றுக் கொள்ளப்படுகையில் உங்கள் பெயரும் இந்த தளத்தில் சம்பந்தப்பட்ட தேசிய கீதப் பக்கத்தில் இடம் பெரும். தளத்தைப் பாருங்கள். பிற நாடுகளின் தேசிய கீதம் எப்படி உள்ளது என்று கண்டறிந்து கொள்ளுங்கள்.

சிஸ்டம் ரெஸ்டோர் சில குறிப்புகள்

கம்ப்யூட்டர் கிராஷ் ஆனால் அல்லது ஒரு சில செயல்பாடுகளுக்கென முடங்கிப் போனால் சிஸ்டத்தில் அதற்கு முன் பதிந்த புரோகிராம்களை அல்லது மேற்கொண்ட மாற்றங்களை எண்ணிப் பார்த்து அவை ஒவ்வொன்றும் காரணமாக இருக்க முடியுமா என்று எண்ணிப் பார்த்துச் செயல்படுங்கள் என்ற குறிப்பு முன்பு தரப்பட்டது.

சில வாசகர்கள் தாங்கள் உருவாக்கியா டாகுமெண்ட்கள் மற்றும் எக்ஸெல் ஒர்க் புக்குகளில் மேற்கொண்ட மாற்றங்கள் குறித்து எழுதி இதனால் இருக்குமோ என்று கேட்டுள்ளனர். கிராஷ் ஆவதற்கான காரணங்கள் எனக் குறிப்பிட்டது சிஸ்டத்திற்கனா பைல்களைத்தான்.

அதாவது புதியதாக சிறிய ப்ளக் இன் புரோகிராம்களை நீங்கள் இணையத்திலிருந்து இறக்கி இருக்கலாம். அல்லது இணையத்தில் உலா வருகையில் உங்களுடைய விண் ஆம்ப் புரோகிராமிற்கு புதிய ஸ்கின் ஒன்று வேண்டுமா? விண் ஆம்ப் நிறுவன தளத்தில் கிடைக்கிறது என்று செய்தி பார்த்து அது என்ன என்று யோசிக்காமல் அதனை கிளிக் செய்திருக்கலாம். ஆனால் அது உங்களை மாட்ட வைத்து வைரஸைப் பரப்பும் ஒரு வழி என்று பின்னர் தான் தெரிய வரும். இது போன்ற சிஸ்டம் சார்ந்த புரோகிராம்களைத்தான் குறிப்பிடப்பட்டிருந்தது.

இவ்வாறு சிஸ்டம் சார்ந்த செயல்பாடுகளை மேற்கொள்கையில் கம்ப்யூட் டர் தன் ரெஸ்டோர் புரோகிராமில் அதற்கான நாளைக் குறித்து வைத்துக் கொள்ளும். எனவே நீங்கள் இன்ஸ்டால் செய்த குறிப்பிட்ட புரோகிராம் தான் அல்லது மாற்றம் அல்லது மேம்படுத்திய புரோகிராம் தான் என்று நீங்கள் எண்ணினால் அந்த நாளைக் குறித்துக் கொண்டு ரெஸ்டோர் வசதியைக் கையாளலாம். சிஸ்டம் ரெஸ்டோர் வசதியின் மூலம் உங்கள் கம்ப்யூட்டரை அந்த குறிப்பிட்ட நாளில் எப்படி இருந்ததோ அந்நிலைக்கு கொண்டு செல்லலாம். இன்ஸ்டால் செய்த அனைத்து புரோகிராம்களும் அதனால் ஏற்பட்ட விளைவுகளும் நீக்கப்படும். வைரஸ் ஏற்படுத்திய மாறுதல்களும் நீக்கப்படும். இதனால் கப்யூட்டர் பழைய நிலைக்கு வரும். ஆனால் இடைக்காலத்தில் நீங்கள் ஏற்படுத்திய டாகுமெண்ட்கள், பைல்கள், இமெயில் கடிதங்கள் எதுவும் மாற்றப்பட மாட்டாது.

சிஸ்டம் ரெஸ்டோர் கொண்டுவர Start, All Programs, Accessories, System Tools சென்று System Restore என்பதில் கிளிக் செய்திடவும். இதனைச் செயல்படுத்துமுன் இயங்கும் அனைத்து புரோகிராம்களையும் நிறுத்திவிட வேண்டும். ஆண்டி வைரஸ் புரோகிராம்களின் இயக்கத்தினையும் மூடிவிட வேண்டும். நீங்கள் தயாரானவுடன் “Restore my computer to an earlier time  என்ற இடத்தில் கிளிக் செய்திட வும். பின் Next என்பதில் கிளிக் செய்க. இப்போது மாதக் காலண்டர் படம் கிடைக்கும். அதில் எந்த தேதிகளில் நீங்கள் மாற்றங்கள் மேற்கொண்டீர்களோ அவை எல்லாம் போல்டாக அழுத்தமான எண்ணுடன் காட்டப்படும்.

நீங்கள் ஏற்கனவே முடிவு செய்திருந்த தேதியினைத் தேர்ந்தெடுத்து அதில் கிளிக் செய்திடவும். பின் ரெஸ்டோர் செயல்பாடு மேற்கொள்ளப்பட்டு உங்கள் கம்ப்யூட்டர் ரீஸ்டார்ட் செய்யப்படும். குறிப்பிட்ட நாளில் கம்ப்யூட்டர் எப்படி இருந்ததோ அந்நிலைக்கு கம்ப்யூட்டர் சென்று விடும். வைரஸ் பாதிப்பு இருந்தால் மட்டுமே ரெஸ்டோர் பயன்படுத்த வேண்டும் என்ப தில்லை. சில புரோகிராம்களை நாம் இன்ஸ் டால் செய்த பின்னர் அந்த மாற்றங்களினால் வேறு சில விளைவுகள் ஏற்படலாம். அல்லது அந்த புரோகிராமினைத் தொடர்ந்து பயன்படுத்த விலை கொடுக்க வேண்டி வரலாம். ஒருவர் தான் பயன்படுத்தி வந்த இமெயில் கிளையண்ட் புரோகிராம் ஒன்றுக்கு அப்டேட் பைல் ஒன்றை விளம்பரம் மூலம் பெற்று அப்டேட் செய்தார்.

பின் அதனை இயக்குகையில் அந்த புரோகிராம் ஒரு வாரம் தான் இயங்கும் என்றும் அதன்பின் இணையதளம் சென்று பணம் கட்ட வேண்டும் என்ற அறிவிப்பு கிடைத்தது. உடனே பழைய நிலையே போதும் என்று முடிவு செய்த போது பழைய நிலைக்கான இன்ஸ்டலேஷன் பைல் கிடைக்கவில்லை. அப்போது இந்த ரெஸ்டோர் வசதியைப் பயன்படுத்த பழைய நிலைக்குச் சென்றார். விண்டோஸ் எக்ஸ்பி இவ்வாறு புதிய புரோகிராம்களை இன்ஸ்டால் செய்திடுகையில் தானாக ரெஸ்டோர் பாய்ண்ட்டுகளை ஏற்படுத்திக் கொள்கிறது. இருப்பினும் நாமாக இது போன்ற புதிய மாற்றங்களை ஏற்படுத்துகையில் ரெஸ்டோர் பாய்ண்ட்டு களை ஏற்படுத்துவதும் நல்லது.

இதற்கு ரெஸ்டோர் விண்டோவில் முதல் ஸ்கிரீனில் “Create a Restore Point” என்ற இடத்தில் கிளிக் செய்திட வேண்டும். அதன்பின் Next என்பதில் கிளிக் செய்து அந்த ரெஸ்டோர் பாய்ண்ட்டுக்கு ஒரு பெயர் கொடுத்து அதன்பின் Create என்பதில் கிளிக் செய்து முடிக்கலாம். அந்த புதிய பாய்ண்ட் அன்றைய தேதி மற்றும் நேரத்துடன் அமைக்கப்படும். ரெஸ்டோர் பாய்ண்ட் பயன்படுத்த எளிது. சிஸ்டத்தில் மாற்றங்கள் ஏற்படுகிறதே என்று தயங்க வேண்டாம். கம்ப்யூட்டரில் ஏற்படும் பல தேவையற்ற மாற்றங்களிலிருந்து நம்மைக் காப்பாற்றும் நல்ல வசதி இது. எனவே இதனை தயக்கமின்றிப் பயன்படுத்துங்கள்.

திறக்க முடியாத பைல்கள்

தான் பயன்படுத்தி வந்த கம்ப்யூட்டர் சிறிது சிறிதாகப் பிரச்னை கொடுத்துப் பின் மொத்தமாய் செயல் இழந்து முடங்கிப் போனதால் புதிய கம்ப்யூட்டருக்கு மாறிய ஒரு வாசகர் தன்னால் பழைய இரு வகை பைல்களை புதிய கம்ப்யூட்டருக்கு மாறிய பின் திறக்க முடியவில்லை என எழுதியுள்ளார். அந்த பைல்கள் .odt மற்றும் .ods என துணைப் பெயருடன் உள்ளதாகக் குறிப்பிட்டுள்ளார். இந்த இரண்டு பைல்களையும் திறக்க ஓப்பன் ஆபீஸ் என்னும் புரோகிராம் வேண்டும். இது இல்லாததால் இவற்றைத் திறக்க முடியவில்லை.

இந்த ஆபீஸ் புரோகிராம் இலவசமாக http://download.openoffice.org  என்ற முகவரியில் உள்ள இணைய தளத்தில் கிடைக்கிறது. புதிய கம்ப்யூட்டரில் ஆபீஸ் 2000 அல்லது ஆபீஸ் 2003 அல்லது எக்ஸ்பி இன்ஸ்டால் செய்திருந்தால் இவற்றிலும் மேலே சொன்ன வகை பைல்களைத் திறந்து பயன்படுத்தலாம். ஆனால் அதற்கு ஒரு ப்ளக்–இன் பைல் சேர்க்கப்பட வேண்டும். இந்த ப்ளக் இன் புரோகிராமினை www.sun.com/software/star/odf_plugin/index.jsp  என்ற முகவரியில் உள்ள தளத்தில் டவுண்லோட் செய்து கொள்ளலாம். இலவசம் தான். ஆனால் இந்த ப்ளக் இன் புரோகிராம் ஆபீஸ் 2007 தொகுப்புடன் இணைந்து செயலாற்றாது.