டிவிடி சிடி ஆட்டோ பிளே--நெட்டில் சில சந்தேகங்களும்… விளக்கங்களும்….--ஸ்கிரீன் சேவருக்கு பாஸ்வேர்ட் செட் செய்யலாமா?--விண்டோஸ் 7 விரைவில்….--இ மெயில் கடிதங்களை அழகாக அமைத்திட

டிவிடி சிடி ஆட்டோ பிளே

சிடி அல்லது டிவிடியை அவற்றின் ட்ரேயில் போட்டவுடன் அதில் உள்ள பைல்களைக் கம்ப்யூட்டர் தேடிக் கண்டுபிடித்து இயக்கவா என்று கேட்கும் ஆட்டோ பிளே வசதியைப் பலர் விரும்பினாலும் பல வேளைகளில் இது ஒரு தேவையற்ற ஊடுருவல் என்றே பலராலும் கருதப்படுகிறது.

இந்த வசதி இயங்குவதனைத் தடுக்கவும் இயக்கவும் விண்டோஸ் இயக்கம் நம்மிடையே கண்ட்ரோலைத் தந்துள்ளது. இதற்கான சில செட்டிங்குகளைப் பார்க்கலாமா!

விண்டோஸ் எக்ஸ்புளோரரை இயக்கி உங்கள் சிடி / டிவிடி ட்ரைவிற்கான எழுத்தைப் பார்க்கவும். பின் அதில் ரைட் கிளிக் செய்திடவும். இதில் கிடைக்கும் மெனுவில் “Properties” என்பதைத் தேர்ந் தெடுத்து கிளிக் செய்திடவும். கிடைக்கும் விண்டோவில் “AutoPlay” என்ற டேபைத் தேர்ந்தெடுக்கவும். இந்த டேப் அழுத்திக் கிடைக்கும் டயலாக் பாக்ஸில் “Music Files,” “DVD Movie,” “Mixed Content” என்ற பிரிவு களில் எந்த வகை பைல்களை நீங்கள் இயக்க கூடாது என்று முடிவு செய்கிறீர்களோ அவற்றைத் தேர்ந்தெடுக்கவும்.

மேலே குறிப்பிட்ட பைல் வகைகளுடன் வேறு சில வகைகளும் தரப்பட்டிருக்கும். வகையினைத் தேர்ந்தெடுத்தபின் அவை இயங்கவா? அல்லது தேவையில்லையா? என்ற விருப்பத்தினையும் அமைக்க வேண் டும் அல்லவா? “Actions” என்ற பிரிவில் உங்கள் விருப்பத்திற்கேற்ற ஆப்ஷனைத் தேர்ந்தெடுக்கவும். விண்டோஸ் எக்ஸ்பி இவ்வகை பைல் களை எப்போ தெல்லாம் சந்திக்கிறதோ அப்போதெல்லாம் நீங்கள் தேர்ந்தெடுத்து அமைத்த செயல் பாட்டில் இயங்கும். “Prompt me each time to choose an action” என்ற பிரிவைத் தேர்ந்தெடுத்தால் விண்டோஸ் எக்ஸ்பி அவ்வகை பைல்களை இயக்கவா என்று கேட்கும். கேட்டு உங்கள் முடிவிற்கு டயலாக் பாக்ஸ் மூலம் காத்திருக்கும்.

எனவே சிடியைப் போட்டவுடன் பைல் தானாக இயங்காது. இன்னும் சில வகை பைல்களை இந்த பட்டியலில் சேர்க்க வேண்டும் என்றால் ஒவ்வொரு வகை தேர்ந்தெடுப்பிற்குப் பின்னும் “Apply” என்பதனை அழுத்தி பின் ஓகே என்டர் தட்டவும். இந்த செட்டிங்ஸ் அமைத்தபின் நீங்கள் உங்கள் கண்ட்ரோலில் வைத்துள்ள வகை பைல் அடங்கிய சிடி ஒன்றை டிரைவில் செலுத்தி உங்கள் விருப்பம் சரியாகச் செயல்படுத்தப் படுகிறதா? என்பதனைப் பரிசோதிக்கவும்

நெட்டில் சில சந்தேகங்களும்… விளக்கங்களும்….

கேள்வி: பயர்பாக்ஸ் தொகுப்பினை இன்டர் நெட் பிரவுசிங்கிற்குப் பயன்படுத்துகிறேன். அதில் உள்ள டேப்டு பிரவுசிங் பயன்படுத் துகையில் வேறு சில புரோகிராம்கள் குறுக்கிடு கின்றன. இதனை எப்படி தடுப்பது? தயவு செய்து உதவிக் குறிப்புகள் தரவும்.

பதில்: என்னைப் போல் தான் நீங்களும். நானும் பயர்பாக்ஸ் பிரவுசர் டேப் பிரவுசிங் தந்த நாளிலிருந்து அதனை விரும்பிப் பயன்படுத்தி வருபவகளில் ஒருவன்.

விண்டோஸ் வந்த நாளில் இருந்து மல்ட்டி டாஸ்க்கிங் எனப்படும் ஒரே நேரத்தில் பலவகை செயல்பாடுகளில் ஈடுபடுவது என்பது கம்ப்யூட்டர் பயன்பாட்டில் ஒரு விரும்பத்தக்க செயலாகத்தான் உள்ளது. வேர்டில் டாகுமெண்ட் ஒன்றைத் தயாரித்துக் கொண்டிருக்கையில் விண் ஆம்ப் பாடலும், வந்த இமெயில் பார்த்தலும், அந்த இமெயில் செய்திகளில் ஒன்றில் உள்ள லிங்க் இணைய தளம் திறக்கப்படுவதும் அதே நேரத்தில் முக்கியமான தளச் செய்தி ஒன்று பிரிண்ட் செய்யப்படுவதும், ஆஹா ! எவ்வளவு குஷியாக இவ்வளவும் செய்கிறோமே என்று ஆனந்தப்படுவதில்லையா! அது போல் தான் இதுவும்.

ஆனால் சில நேரங்களில், சிலருக்கு, இது எரிச்சலாக இருக்கலாம். குறிப்பாக நீங்கள் எதிர்பாராத நேரத்தில், ஆசையாக தளம் ஒன்றில் உள்ள தகவல்களைப் படித்துக் கொண்டிருக் கையில் தேவையற்ற தளம் ஒன்று திறக்கப்படு வதும் அதில் உள்ள அனிமேஷன் நம் கவனத்தைத் திருப்புவதும் நீங்கள் விரும்பாத ஒன்றாக இருக்கலாம். எனவே இதனை எப்படி தடுக்கலாம்? முதலில் Tools, Options செல்லுங்கள்.

அடுத்ததாக Advanced என்னும் ஐ கானில் கிளிக் செய்திடுங்கள். இங்கு  Tabbed Browsing  என்னும் பிரிவில் மற்ற லிங்க்குகள் சார்ந்த தளங்கள் எப்படி திறக்கப்பட வேண்டும் என்பதனை முடிவு செய்து அதற்கேற்றபடி அமைத்திடுங்கள். புதிய விண்டோவில் திறக்கப்பட வேண்டுமா அல்லது புதிய டேப்பில் திறக்கப்பட வேண்டுமா என்பதனை அங்கு தீர்மானம் செய்திடலாம். தீர்மானித்துவிட்டு தேர்ந்தெடுத்து அமைத்து விட்டு ஓகே கிளிக் செய்து வெளியேறுங்கள்.

கேள்வி: நான் அடிக்கடி பல பாடல்களை இன்டர்நெட்டில் இருந்து எம்பி3 பைல்களாக இறக்கி வைத்திருக்கிறேன். ஆனால் சில தளங் களில் தேர்ந்தெடுத்தவுடன் பாடத் தொடங்கு கிறது. இது ஏன்?

பதில்: பாடலுக்கான லிங்க்கில் நீங்கள் இருமுறை கிளிக் செய்திருப்பீர்கள். அதனால் அது பாடத் தாடங்கியிருக்கும். சிரமமில்லாமல் ஒன்று செய்யலாம். பாடல் பைல் மீது ரைட் கிளிக் செய்திடுங்கள். மெனு ஒன்று கீழாக விரியும். அதில் Save target as என்று இருக்கும் இடத்தில் அழுத்தினால் உடனே File Save விண்டோ கிடைக்கும். இதனை நீங்கள் ஏதேனும் பெயர் கொடுத்து அதற்குரிய டைரக்டரியில் பதிந்து வைக்கலாம். டைரக்டரியைத் தேடவெல்லாம் நேரம் பிடிக்கும் என்றால் டெஸ்க்டாப்பில் அப்படியே பதிந்து பின் பாட்டிற்கேற்ப வேறு பெயர் கொடுத்து டைரக்டரியில் பதிந்து கொள்ளலாம்.

ஸ்கிரீன் சேவருக்கு பாஸ்வேர்ட் செட் செய்யலாமா?

ஸ்கிரின் சேவருக்கு பாஸ்வேர்ட் எப்படி செட் செய்வது? எதற்காக செட் செய்திட வேண்டும்? என்ற கேள்வி உங்கள் மனதில் எழுகின்றது. இதனைப் பல வாசகர்கள் கேட்டுள்ளதால் இங்கு அதற்கான தகவல்களைத் தந்துவிடு வோம்.

இது மிகவும் எளிய ஒரு வேலைதான். முதலில் ஸ்டார்ட் கிளிக் செய்து கண்ட்ரோல் பேனல் தேர்ந்தெடுத்து இயக்கத்திற்குக் கொண்டு வரவும்.

இங்கு டிஸ்பிளே ஐகானைக் கண்டு பிடித்து கிளிக் செய்திடுங்கள். (விண்டோஸ் எக்ஸ்பி பயன்படுத்துபவராக இருந்தால் கண்ட்ரோல் பேனல் கிளாசிக் வியூவில் இருப்பதனை உறுதி செய்திடல் வேண்டும். அப்போது தான் டிஸ்பிளே ஐகான் பார்ப்பதற்கும் பயன்படுத்துவதற்கும் கிடைக்கும். கிளாசிக் வியூ அமைத்திட கண்ட்ரோல் பேனலின் இடது பக்கம் இருக்கும் பிரிவில் அதற்கான லிங்க் கொடுக்கப்பட்டிருக்கும். அதனை கிளிக் செய்தால் போதும்) இனி உங்கள் முன் இருக்கும் விண்டோவில் ஸ்கிரீன் சேவர் என்ற டேபை அழுத்தவும்.

இதில் நீங்கள் பயன்படுத்த விரும்பும் ஸ்கிரீன் சேவரைத் தேர்ந்தெடுக்கவும். அப்போதே நீங்கள் எவ்வளவு நேர அவகாசத்தில் கம்ப்யூட்டரில் பணி ஏதும் இல்லை என்றால் ஸ்கிரீன் சேவர் தோன்ற வேண்டும் என்பதனையும் அங்கு செட் செய்திடலாம். நீங்கள் விண்டோஸ் 95, 98, ME, NT அல்லது 2000 பயன்படுத்துபவராக இருந்தால் “Password protected” என்று இருக்கும் கட்டத்தில் டிக் அடையாளத்தை ஏற்படுத்தவும்.

பின் ஸ்கிரீன் சேவருக்கென ஒரு பாஸ்வேர்டை அமைக்கவும். ஏற்கனவே அமைத்திருந்தால் அருகே உள்ள பட்டனைக் கிளிக் செய்து பாஸ்வேர்டை மாற்றலாம். நீங்கள் விண்டோஸ் எக்ஸ்பி பயன்படுத்துபவ ராக இருந்தால் நீங்கள் லாக் இன் ஸ்கிரீனில் என்ன பாஸ்வேர்ட் பயன்படுத்தி உள்ளே நுழைந்தீர்களோ அதனையே பயன்படுத்தலாம். ஆனால் அதுபோல எந்த பாஸ் வேர்டும் தராமல் விண்டோஸ் இயக் கத்தைப் பயன்படுத் தும் பழக்கம் உடையவராக இருந்தால் பாஸ்வேர்ட் ஒன்றை உருவாக்க வேண் டும்.

அவ்வாறு அமைத்த பின் மீண்டும் டிஸ்பிளே ஐகான் சென்று ஸ்கிரீன் சேவர் டேபை அழுத்தி அங்கு “On resume, display Welcome screen” என்று இருக்கும் இடத்தில் டிக் அடையாளம் ஏற்படுத்தவும். இந்த ஏற்பாடுகளைச் செய்துவிட்டால் நீங்கள் குறிப்பிட்ட நேரம் எந்த பணியும் மேற்கொள்ளாமல் கம்ப்யூட்டரை வைத்திருந்தால் ஸ்கிரீன் சேவர் தோன்றும். பின் அதற்கு பாஸ்வேர்ட் கொடுத்தால் தான் உள்ளே நுழைய முடியும். இதுவும் ஒரு பாதுகாப்பு வழிதான்.

விண்டோஸ் 7 விரைவில்….

மைக்ரோசாப்ட் நிறுவனம் புதிய ஆப்பரேட்டிங் சிஸ்டம் ஒன்றை வெளியிடும் முன் அது குறித்த தகவல்களைக் கசிய வைத்திடும். அல்லது வெளியிடும் முன் மிகப் பெரிய அளவில் விளம்பரம் செய்திடும். விண்டோஸ் 7 என்பது குறித்த சில தகவல்களை நீங்கள் கேட்டிருப்பீர்கள்.

கேட்காதவர்களுக்கு இதோ சில தகவல்கள். மைக்ரோ சாப்ட் நிறுவனத்தின் அடுத்த விண்டோஸ் ஆப்பரேட்டிங் சிஸ்டத்திற்கான இன்றைய பெயர் விண்டோஸ் – 7. ஆம், விண்டோஸ் விஸ்டாவிற்கு அடுத்த சிஸ்டமாக விண்டோஸ் 7 வர இருக்கிறது.
முதலில் இதற்கு வியன்னா என்றும் பிளாக் கோம் என்றும் பெயர்கள் இடப்பட்டன. இது வரும் 2010 ஆம் ஆண்டில் தான் வெளியிடப்படும் என்று சொல்லப்பட்டது.

ஆனால் இப்போது இந்த தொகுப்பு வரும் 2009 ஆம் ஆண்டிலேயே கிடைக்கும் என்று எதிர்பார்க்கப்படுகிறது. இந்த ஆப்பரேட்டிங் சிஸ்டம் குறித்து மைக்ரோசாப்ட் நிறுவனத்திட மிருந்து அதிகாரப் பூர்வமான அறிவிப்பு எதுவும் வரவில்லை என்றாலும் இந்த தொகுப்பின் 32 பிட் மற்றும் 64 பிட் என இருவகை கிடைக்கும் என்று தெரிகிறது. இந்த பதிப்பில் மற்றவற்றுடன் பகிர்ந்து பயன் படுத் தக்கூடிய சில வசதி கள் தரப்படலாம். இதில் பேக் அப் வசதிகளும் புதிய வகையிலான கண்ட் ரோல் பேனல் அம்சங்களும் கிடைக்க இருக்கின்றன. விண்டோஸ் எக்ஸ் புளோரர் தொகுப்பு 8 இத்துடன் கிடைக் கும் என்றும் எதிர் பார்க்கப்படுகிறது.

இ மெயில் கடிதங்களை அழகாக அமைத்திட

இமெயில் ஸ்டேஷனரி

இமெயில் கடிதங்களை மிகவும் அழகாகவும் படங்கள் நிறைந்ததாகவும் அமைத்திட அவுட்லுக் மற்றும் தண்டர் பேர்ட் போன்ற இமெயில் கிளையண்ட் புரோகிராம்கள் பல வசதிகளை நமக்கு அளித்துள்ளன. இதைப் பார்த்து பயன்படுத் திய சிலர் ஏன் நாம் எடுத்த போட்டோக்களை அல்லது ரசித்த படங்களைப் பயன்படுத்தக் கூடாது என்ற வினாவினை எழுப்புகின்றனர்.

ஏனென்றால் அவ்வாறு நாம் விரும்பும் படங்களை அமைக்கும்போது மெயில்கள் இன்னும் பெர்சனலாகத் தோற்றம் அளிக்கும். எடுத்துக் காட்டாக அவுட்லுக் எக்ஸ்பிரஸ் புரோகிராமில் சூரிய காந்தி பூ ஒன்று அழகாகத் தரப்படுகிறது. எனக்கு வந்த இன்னொரு மெயிலில் என் நண்பன் அதே போன்ற மிக அழகான மலரின் படம் ஒன்றை ஸ்டேஷனரியில் அமைத்து அனுப்பி இருந்தான். வேறு ஒரு நண்பர் தன் மெயிலில் உள்ள செய்திகளுகேற்ப படங்களைத் தேடி எடுத்து எடிட் செய்து அனுப்புகிறார். இவர்களின் செயலைப் பார்க்கும் போது நாம் தயாரிக்கும் படங்களை அழகாக இணைக்கலாம் என்று தோன்றியது. அதற்கான வழிகளையும் பார்க்க நேரிட்டது. இதோ அவை உங்களுக்காக. முதலில் நீங்கள் விரும்பும் படத்தை ஒரு பைலாக கம்ப்யூட் டரில் வைத்திருக்க வேண்டும்.

இதனை நீங்கள் எடுத்த டிஜிட்டல் கேமரா விலிருந்தும் பிளாஷ் டிரைவிலிருந்தும் மாற்றலாம். எப்படி இருந்தாலும் அதனை ஒரு டிஜிட்டல் பைலாக உங்கள் கம்ப்யூட்டரில் பதிந்து வைத்திட வேண்டும். அப்போது தான் அதனை இமெயில் ஸ்டேஷனரியில் பயன்படுத்த முடியும். இதை முடித்த பின் உங்கள் இமெயில் புரோகிராமினைத் திறக்கவும். கீழே தரப்படும் குறிப்புகள் தண்டர்பேர்ட், அவுட்லுக் எக்ஸ்பிரஸ் மற்றும் எம் எஸ் அவுட்லுக் ஆகியவற்றிற் கானது. யாஹூ மற்றும் ஹாட் மெயில் போன்ற வெப் அடிப்படையிலான இமெயில் புரோகிராம் கள் இது போன்ற ஸ்டேஷனரி வசதிகளைத் தருவதில்லை. ஓகே! இங்கு குறிப்புகளைப் பார்ப்போம்.

அவுட்லுக் எக்ஸ்பிரஸ்ஸில் Tools, Options சென்று Compose டேபைக் கிளிக் செய்திடவும். அடுத்து Create New என்ற பட்டனைக் கிளிக் செய்திடவும். இப்போது “New Stationery” என்ற விஸார்ட் மேலெழுந்து வரும். உடனே Next  என்பதில் கிளிக் செய்திடுக. அப்படியே அதனைத் தொடர்ந்து கிளிக் செய்து கொண்டே போகவும்.

அப்போது உங்களுடைய படங்களை நீங்கள் தேர்ந்தெடுக்கும் வாய்ப்பு கிடைக்கும். தேர்ந்தெடுத்து வைத்துக் கொள்ளுங்கள். ஒன்றுக்கு மேற்பட்ட படங்களைத் தேர்ந்தெடுக் கலாம். அப்போதுதான் நமக்கு வெரைட்டி கிடைக்கும். இப்போது Create Mail என்பதன் அருகே உள்ள சிறிய அம்புக் குறியினை அழுத்தக் கிடைக்கும் கட்டத்தில் Select Stationery என்பதில் கிளிக் செய்திடவும். பின் நீங்கள் விரும்பும் படத்தினை பட் டியலில் பார்க்கலாம். உடனே ஓகே கிளிக் செய்தால் அந்த படம் மெயிலில் பயன்படுத்தத் தயாராய் இருக்கும்.

தண்டர்பேர்ட் இமெயில் புரோகிராமில் Write பட்டனை அழுத்தினால் புதிய இமெயில் ஒன்றை தயாரிக்க நீங்கள் தயாராய் இருப்பீர்கள். இனி இமெயில் கடிதம் ஒன்றின் மெயின் பகுதியில் கிளிக் செய்திடுங்கள். பின் Format, Page Colors and Background அழுத்திடவும். பின் File மெனுவிற்குச் செல்லவும். அதன்பின் நீங்கள் பயன்படுத்த விரும்பும் படம் உள்ள பைலைத் தேர்ந்தெடுக்கவும்.

பின் Open  மற்றும் OK இல் கிளிக் செய் திடவும். இப்போது அனைத்தும் தயாராகி விட்டது. நீங்கள் விரும்பும் படத்துடன் இமெயில் கடிதத்தினைத் தயாரிக்கலாம். ஒன்றல்ல ஒன்றுக்கு மேற்பட்ட படங்களைக் கூட இதில் ஒரே மெயிலில் பயன்படுத்தலாம். இதுவே எம்.எஸ். அவுட்லுக் புரோகிரா மாக இருந்தால் முதலில் நீங்கள் எச்.டி.எம். எல். பார்மட்டில் இமெயிலை அனுப்புவ தனை உறுதி செய்திட வேண்டும். பின் புதிய இமெயில் மெசேஜ் அனுப்பு வதற்கான வழி முறைகளை மேற்கொள்ள வேண்டும்.

அதன்பின் Format, Background, Fill Effects என்றபடி செல்லவும். இதில் கிடைக்கும் டேப்களில் Picture டேப் கிளிக் செய்திடவும். பின் கிடைப் பதில் Select Picture என்ப தனைத் தேர்ந்தெடுக்கவும். இதில் நீங்கள் பயன்படுத்த விரும்பும் பட பைலைத் தேர்ந் தெடுத்து இடைச் செருகலாச் செருகலாம். அதன்பின் ஓகே கிளிக் செய்து வெளியேறலாம். அவ்வளவுதான். வழிகளைக் கற்றுக் கொண்டீர்களா! இனி நீங்களாக உங்களுக்குப் பிடித்த போட்டோ மற்றும் படங்களை இமெயிலுடன் இணைத்து உங்கள் மெயிலுக்கு ஒரு தனித்துவம் தரலாம். ஆனால் இன்னொன்றையும் கவனிக்க வேண்டும்.

முழுப் படத்தையும் நீங்கள் உங்கள் மெயிலில் வைத்திடுகையில் அதன் வண்ணங்கள் உங்கள் மெயிலில் உள்ள எழுத்துக்களைப் படிக்க இயலாத வகையில் மறைக்கலாம். அதற்காக உங்கள் கடித டெக்ஸ்ட்டை மிகவும் அழுத்தமான எழுத்து வகையில் அமைக்க வேண்டியதிருக்கும். இதுவும் பார்ப்பதற்கும் படிப்பதற்கும் சிரமமாக இருக்கலாம். எனவே படத்தினை முன்னதாகவே இளம் வண்ணத்தில் பிரைட்னஸ் குறைத்து எடிட் செய்து வைக்கலாம்.

மேலும் அனைத்து இமெயில்களுக்கும் இது போல படத்தை இணைத்தால் அது படத்தின் சிறப்பினை குறைத்துவிடும். உங்கள் நண்பர்கள் இவனுக்கு வேறு வேலை இல்லையா? என்று எண்ணத் தொடங்கலாம். எனவே குறிப்பிட்ட சில வேளைகளில் மட்டும், உங்களுடைய மற்றும் உங்கள் நண்பர்களுடைய பிறந்த நாள், திருமண நாள் வாழ்த்துக்கள், உங்கள் வெற்றி அல்லது பதவி உயர்வு குறித்த கடிதங்கள் போன்ற சில வற்றில் மட்டும் படங்களைப் பயன்படுத் துவது அதற்கு ஒரு பொருளைத் தரும்.