ஆசிய நாடுகளில்தான் அதிக பிராட்பேண்ட்--பிராட் பேண்ட் ஹெல்ப் லைன்--எம்.பி.3 பிளேயர் வாங்கலாமா….--எக்ஸெல் தொகுப்பில்ஒர்க் ஷீட்டுகளை இடம் மாற்ற--பைல்களைப் பாதுகாப்பாக மறைத்து வைத்திட….--கம்ப்யூட்டர் கேள்வி – பதில்களும்

ஆசிய நாடுகளில்தான் அதிக பிராட்பேண்ட்

இன்டர்நெட்டுக்காக பிராட் பேண்ட் இணைப்பு பெறுவது ஒரு நாட்டின் முன்னேற்றத்திற்கான குறியீடு என உறுதி செய்யப்பட்டுள்ளது. தகவல் தேடல் மற்றும் பகிர்ந்து கொள்ள இன்றைய உலகில் இது அடிப்படையான ஒரு தேவையாகும்.

அவ்வகையில் உலக நாடுகளில் ஆசிய நாடுகளில்தான் அதிக அளவில் இன்டர்நெட்டி ற்கான பிராட்பேண்ட் இணைப்பு பயன்படுத்தப்படுகிறது என்று அண்மைக் காலத்தில் எடுக்கப்பட்ட ஓர் ஆய்வு தெரியப்படுத்துகிறது. இவற்றில் முதல் இரண்டு நாடுகளாக இடம் பெற்றிருப்பது தென் கொரியா மற்றும் ஹாங்காங் நாடுகள் தான். 2007 ஆம் ஆண்டில் தென் கொரியாவில் 93 சதவிகித மக்கள் பிராட் பேண்ட் இணைப்பு வைத்திருந்தனர். இது வரும் 2012 ஆம் ஆண்டில் 97 சதவிகிதமாக உயரும் என்று எதிர்பார்க்கப்படுகிறது. இந்த பட்டியலில் அடுத்து நெதர்லான்ட்ஸ் மற்றும் ஹாங்காங் முறையே 74 மற்றும் 76 சதவிகிதம் கொண்டு இடம் பிடித்துள்ளன. 74 சதவிகிதம் கொண்டிருந்தாலும் இரண்டாவது இடத்தில் நெதர்லாண்ட்ஸ் இருக்கக் காரணம் வரும் 2012ல் இந்த நாட்டின் பிராட்பேண்ட் பயன்பாடு 82 சதவிகிதமாக உயரும் என்று எதிர்பார்க்கப்படுவதுதான்.

ஹாங்காங் அப்போது 81 சதவிகித உயர்வை எட்டும் என்றும் கணிக்கப்பட்டுள்ளது. இவற்றை அடுத்து கனடா, அமெரிக்கா, ஜப்பான், ஸ்விட்சர்லாந்து, சிங்கப்பூர், பிரிட்டன் மற்றும் தைவான் ஆகிய நாடுகள் உள்ளன. மிகச் சிறிய இடத்தில் அதிக மக்கள் வாழும் நாடுகளில் அதிக பிராட்பேண்ட் இணைப்பு தரப்பட்டுள்ளதனை இங்கு கவனிக்க வேண்டும். மேலும் தென் கொரியாவிலும் ஹாங்காங்கிலும் இன்டர் நெட் பிராட்பேண்டிற்கான அடிப்படைக் கட்டமைப்பினை அமைத்திட அங்குள்ள அரசுகள் செலவழிக்கின்றன என்பதுவும் குறிப்பிடத் தக்கது. இதில் சிங்கப்பூரின் வளர்ச்சியும் பாராட் டத்தக்கது. சென்ற ஆண்டு 57 சதவிகித இணைப் பில் இருந்தது 2012ல் 75 சதவிகித உயர்வைக் கொள்ளும் என்று கண்டறியப் பட்டுள்ளது.

இந்த நாடுகளில் இன்டர்நெட் இணைப்பு என்பது ஏறத்தாழ உச்ச கட்ட வளர்ச்சியை அடைந்துவிட்டன. குறிப்பாக தென் கிழக்கு ஆசிய நாடுகளில் இவை மக்களை ஆட்டிப் படைக்கின்றன. இன்டர்நெட்டுக்கு மக்கள் அடிமையாகிவிட்டனர் என்றே சொல்ல வேண்டும். எனவே தான் இங்கு இன்டர்நெட் சர்வீஸ் வழங்கும் நிறுவனங்கள் தங்கள் வாடிக்கையாளர்களுக்கு புதிய வழிகளில் இன்டர்நெட் இணைப்பு வழங்குவது எப்படி என்று தொடர்ந்து சிந்தித்து செயல் வழிகஷ்ளை மேற்கொண்டு வருகின்றனர்.

ஆனால் இந்தியாவைப் போல வளர்ந்து வரும் நாடுகளில் இந்த சந்தை வேறு இலக்குகளில் வளர்ந்து வருகிறது. இங்கு வாடிக்கையாளர்களின் எண்ணிக்கையை உயர்த்துவதுதான் முக்கிய இலக்காக உள்ளது. அவர்களுக்கு ஓர் அடிப்படை இன்டர்நெட் வசதியைத் தருவதனை ஒரு பெரிய சாதனையாக இங்குள்ள நிறுவனங்கள் எண்ணுகின்றன. தற்போது உலக அளவில் பன்னாடுகளில் 2007 ஆம் ஆண்டு 32 கோடியே 30 லட்சம் பேர் பிராட்பேண்ட் இணைப்புகளில் இருந்தனர். இது 2012ல் 49 கோடியே 90 லட்சமாக உயரும் என்று எதிர்பார்க்கப்படுகிறது.

குடும்ப மரத்தை உருவாக்குவோமா!

தமிழ் நாட்டில் சில பாரம்பரியத்தைச் சேர்ந்தவர்கள் தங்கள் பெயருக்கு முன்னால் பல முன்னெழுத்துக்களை போட்டுக் கொள்வார்கள். தந்தை, பாட்டனார், முப்பாட்டனார், கொள்ளுத் தாத்தா என பின்னோக்கிய காலத்தில் முன்னோக்கி செல்வார்கள். இப்படியே எத்தனை தலைமுறையை நாம் அறிந்து கொள்ள முடியும். யாராவது அதிக வயதில் வாழும் தாத்தாவை பேச வைத்து அறிந்து கொண்டால் தான் முடியும்.

அவர் கூறுவதையும் எழுதி வைத்தால் தானே நாம் நம் சந்ததிக்குக் கொடுக்க முடியும். இதனால் பெரிய பயன் இல்லை என்றாலும் நான் இந்தக் குடும்ப மரத்தைச் சேர்ந்தவன். அதன் ஒரு கிளையிலிருந்து வந்தவன் தான்நீ என்று இன்னொருவருடன் உறவு கொள்ள முடியும். இந்த குடும்ப மரத்தின் கிளைகளை எழுதி வைத்திட ஒரு இணைய தளம் உதவுகிறது. http://www.tribalpages.com என்ற முகவரியில் உள்ள தளம் சென்று இங்கு உங்கள் குடும்ப மரத்தை உருவாக்கலாம். அதில் போட்டோக் களை பதிக்கலாம்.

குடும்பத்திற்கென ஒரு இணைய தளத்தை உருவாக்கி அதனை இந்த தளம் தரும் இலவச சர்வரில் போட்டு வைக்கலாம். மற்றவர்கள் அமைத்துள்ள குடும்ப பாரம்பரியத்தைப் பார்த்து நாமும் அவ்வாறு அமைக்கலாம். இவ்வாறு அமைக்கப்பட்ட குடும்ப பரம்பரையின் உறுப்பினர்களை சர்ச் இஞ்சின் மூலம் தேடி அறியலாம். இந்த இணைய தளம் குறித்த செய்திகளை அவ்வப்போது அறிந்து கொள்ளவும் தனி பிரிவு உள்ளது. செய்திகளை தகவல்களை பகிர்ந்து கொள்ள மெசேஜ் போர்டு தரப்பட்டுள்ளது. இந்த தளத்தில் பதிவது குறித்த தொழில் நுட்ப செய்திகளுக்கும் தனியாக மெசேஜ் போர்டு தரப்பட்டுள்ளது. முதலில் இந்த தளத்தில் பதிந்து கொண்டு பின் தகவல்களை இலவசமாகப் பதியலாம்.

பிராட் பேண்ட் ஹெல்ப் லைன்

பிராட் பேண்ட் ஹெல்ப் லைன்

பிராட் டேண்ட் இன்டர்நெட் இணைப்பு பெறுவது எதிர்பார்த்த அளவில் உயரவில்லை என்றாலும் தொடர்ந்து பலரும் இதற்கு மாறிக் கொண்டுதான் இருக்கின்றனர். பிராட் பேண்ட் இணைப்பிற்கு மாறியபின் அதற்கு அடிமையாகி தினந்தோறும் சில தளங்களைப் பார்க்காவிட்டால்,இமெயில்களை செக் செய்யாவிட்டால், நண்பர்களுடன் அரட்டையில் இறங்காவிட்டால் பைத்தியம் பிடித்தது போல் ஆகிவிடுகின்றனர்.

எனவே தான் திடீரென பிராட் பேண்ட் இணைப்பு கிடைக்காவிட்டால் எரிச்சல், கோபம்,ஏன் இரத்த அழுத்தமும் எகிறத் தொடங்குகிறது. 100 நாள் சரியாக இணைப்பு கிடைத்தபின்னர் ஏதேனும் ஒரு நாளில் இணைப்பு கிடைக்கவில்லை என்றால் உடனே “இணைப்பினை தரும் இன்டர்நெட் சர்வீஸ் புரவைடர் சுத்த மோசம்;

அடுத்த முறை வேறு ஒரு நிறுவனத்திற்கு மாறினால் தான் இவர்களுக்கெல்லாம் பொறுப்பு வரும்’ என்று எண்ணத் தொடங்கி விடுகின்றனர். உடனே இவர்கள் அழைப்பது அந்நிறுவனம் வழங்கும் 24 மணி நேர சேவையைத்தான். எந்நேரமும் சேவை வழங்கும் இவர்களின் தொடர்பு கிடைத்தவுடன் தனக்கு எப்படி இணைப்பு கிடைக்கவில்லை; எப்போது இணைப்பு கிடைக்கவில்லை என்று தொடங்கி இன்று கட்டாய வேலை இருக்கிறது, இப்படி செய்கிறீர்களே என்று போய் இறுதியில் நமக்குப் பொறுமையாகப் பதில் சொல்லும் அவர்களிடம் பொறுமை இழந்து கத்தவோ திட்டவோ தொடங்கி விடுகின்றனர். ஏன் இந்த கோபம்? இயந்திரங்கள் செய்யும் தவறுக்கு பாவம் அவர் என்ன செய்வார்? என்றெல்லாம் இங்கு நாம் யோசிக்க மறந்து விடுகிறோம். இது போன்ற நேரத்தில் நாம் எப்படி நடந்து கொள்ள வேண்டும் என்று பார்ப்போமா?

1.முதலில் திட்டுவதையோ குறை கூறுவதையோ நிறுத்தவும். நாம் தொடர்பு கொண்டு பேசிக் கொண்டிருப்பவர் நமக்கு உதவத்தான் இருக்கிறார் என்ற எண்ணம் எப்போதும் இருக்க வேண்டும்.

நம் கம்ப்யூட்டரில் என்ன பிரச்னை, இணைப்பில் என்ன பிரச்னை என்று அறிய அவர் தொடக்கத்திலிருந்து பிரச்னையை அறிந்து கொள்ள சில கேள்விகள் கேட்கலாம்; அவை சிறுபிள்ளைத்தனமாக உங்களுக்குத் தோன்றலாம். ஆனால் அவையெல்லாம் உங்களுக்குத் தெரியும் என்று அவருக்கு எப்படி தெரியும்? எனவே உரக்கப் பேசக் கூடாது என்று முடிவெடுத்து பொறுமையுடன் சேவை மைய உதவியாளரிடம் பேச்சு கொடுக்கவும்.

2. சேவை உதவி மையத்தைத் தொடர்பு கொள்ளுமுன் சில அடிப்படைத் தகவல்களைத் தர தயார்ப்படுத்திக் கொள்ளுங்கள். உங்களுடைய கம்ப்யூட்டர் இயக்கத் தொகுப்பின் பதிப்பு (விண்டோஸ் / விஸ்டா / சர்வீஸ் பேக்) பிரவுசர் பெயர், பதிப்பு, புதிதாக இன்ஸ்டால் செய்த தொகுப்பின் பதிப்பு எண், உங்கள் பிரச்னை குறித்து சுருக்கமான தொகுப்பு, ஏதாவது பிழைச் செய்தி கிடைத்திருந்தால் அதன் டெக்ஸ்ட், பிழைச் செய்திக்கான கோட் எண் இருந்தால் அந்த எண் போன்றவற்றை தெரிந்து வைத்துக் கொள்ளுங்கள்.

இவை அனைத்தையும் ஒரு வேளை உங்களால் முன்னரே தெரிந்து கொள்ள இயலவில்லை என்றால் எதை அறிய முடியவில்லை என்பதனை தெளிவாக சேவை மைய உதவியாளரிடம் கூறி அதனை எப்படி பெறுவது என்பதையும் கேட்டுத் தெரிந்து கொள்ளுங்கள்.

3. தேவையில்லாத தகவல்களைக் கூற வேண்டாம். எடுத்துக் காட்டாக போன மாதம் இதே போல பிரச்னையை அந்த ஊரில் இருக்கும் என் தம்பிக்கு வந்தது போன்ற தகவல் எல்லாம் தருவதில் பயன் இல்லை.

4. பிரச்னை குறித்து இமெயில் அனுப்புகிறீர்களா? அப்படியானால் உங்கள் இமெயில் முகவரியினைச் சரியாக அமைத்து அனுப்புகிறீர்களா? என்பதனை உறுதி செய்து கொள்ளவும். அந்த இமெயில் முகவரிக்கு வரும் கடிதங்களை ரெகுலராக நீங்கள் பார்க்கும் பழக்கமுடையவராக இருக்க வேண்டும். அடுத்து உங்கள் போன் எண் தந்தால் உங்கள் ஊர் எஸ்.டி.டி. கோட் மற்றும் அந்த எண் உங்கள் அலுவலக எண் என்றால் எப்படி உங்கள் தொடர்பைக் கேட்டுப் பெறுவது என்பதனைத் தெளிவாகக் கூறவும்.

5. சேவை மைய உதவியாளரிடம் விவாதத்தில் ஈடுபட வேண்டாம். இது எந்த பலனையும் அளிக்காது. மேலும் இரண்டாவது முறை மையத்தினைத் தொடர்பு கொள்ள வேண்டிய சூழ்நிலை ஏற்பட்டால் தயங்காமல் தொடர்பு கொள்ளவும். இந்த முறை வேறு ஒருவர் உங்களுடன் தொடர்பு கொண்டால் உடனே முன்பு தொடர்பு கொண்ட நபருடன் தான் பேசுவேன் என்று கட்டாயப் படுத்த வேண்டாம். மீண்டும் புதியவரிடம் எந்த சூழ்நிலையில் நீங்கள் பிரச்னையைச் சந்தித்தீர்கள் என்று தெளிவாக விளக்கவும்.

6. உதவியாளர் சொல்வது புரியவில்லை என்றால் உடனே விளக்கம் கேட்கவும். அவர் சொல்வதற்கு மேலாக எதுவும் செய்திட வேண்டாம். அவர் வேகமாக ஏதாவது கூறினாலோ அல்லது செயல்படச் சொன்னாலோ மெதுவாகச் செயல்படுமாறு கேட்டுக் கொள்ளவும். நிச்சயமாய் உதவுவார்கள். கம்ப்யூட்டர் மற்றும் இன்டர்நெட் போன்ற டிஜிட்டல் சாதனங்களில் எந்த வேளையிலும் பிரச்னை ஏற்படலாம். நாம்தான் பொறுமையாக அவற்றை அணுகி தீர்க்கும் வழிகளைக் காண வேண்டும்.

எம்.பி.3 பிளேயர் வாங்கலாமா….

மிக பிரபலமான மியூசிக் சாதனமாகவும் அனைவரும் பயன்படுத்தும் ஒரு எளிதான டிஜிட்டல் பொருளாகவும் இன்று அனைவரிடமும் காணப்படுவது எம்பி3 பிளேயராகும். இவற்றில் பல்வேறு மாடல்கள் பலவகை வசதிகளுடன் இன்று மார்க்கட்டில் கிடைக்கின்றன. ஒரு எம்பி3 பிளேயரை வாங்குவது என்று முடிவெடுத்தால் அதில் என்னவெல்லாம் இருக்க வேண்டும் என்று பார்ப்போமா!!

மெமரி: ஒரு எம்பி3 பிளேயரில் மிக முக்கியமாக நாம் பார்க்க வேண்டியது மெமரியாகும். எனவே எந்த அளவிற்கு அதிக மெமரி உள்ளதோ அதுவே சிறப்பானதாகும். இதனால் நாம் அதிகமான எண்ணிக்கையில் பாடல்களைப் பதிந்து வைத்துப் பயன்படுத்தலாம்.

ஆடியோ – வீடியோ பார்மட்: ஒரு எம்பி3 பிளேயர் அதிகமான எண்ணிக்கையில் ஆடியோ –வீடியோ பார்மட்டுகளை சப்போர்ட் செய்தால் அது நமக்கு கூடுதல் வசதியைத் தரும். இதனால் சப்போர்ட் செய்யாத பார்மட்டுகளை வேறு பார்மட்டுகளுக்கு மாற்ற வேண்டும் என்கிற சூழ்நிலைக்கு நாம் ஆளாக வேண்டியதில்லை. அதற்கான சாப்ட்வேர் தொகுப்புக்கு அலைய வேண்டாம். தற்போது புழக்கத்தில் உள்ள எம்பி3 பார்மட் என்று எடுத்துக் கொண்டால் MP3, WMA, FLAC, Ogg Vorbis மற்றும் WAV ஆகியவற்றைக் கூறலாம். வீடியோ பார்மட் என நாம் பார்க்கையில் பழக்கத்தில் உள்ளவை MPEG1, MPEG4, DivX, XviD மற்றும் WMV ஆகும். இவற்றுடன் ஆடியோ ஈக்குவலைசர் மற்றும் பேண்ட்ஸ் இருந்தால் ஒலி வெளிப்பாடு நாம் விரும்பிய வகையில் இருக்கும்.

செயல்பாடுகள்: ஒரு எம்பி3 பிளேயர் என்னவெல்லாம் கொண்டுள்ளது; எப்படியெல்லாம் செயல்படுகிறது என்று பார்க்க வேண்டும். Functionality என ஆங்கிலத்தில் இதனை அழைப்பார்கள். இந்த வகையில் பெரும்பாலான எம்பி3 பிளேயர்கள் நாம் விரும்பும் வசதிகளோடு சில கூடுதல் வசதிகளையும் கொண்டிருக்கும். ஆனால் அனைத்தையும் நாம் பயன்படுத்துவதில்லை. இருப்பினும் எப்போதாவது இவற்றைப் பயன்படுத்துவோம் என்ற வகையில் கூடுதல் வசதிகளைக் கொண்டதையே வாங்க வேண்டும்.

கூடுதல் வசதிகள்: டெக்ஸ்ட் வியூவர், பிக்சர் வியூவர், வீடியோ பிளேயர், எப்.எம். ரேடியோ மற்றும் வாய்ஸ் ரெகார்டர் ஆகியவை இன்றைய எம்பி3 பிளேயரில் கிடைக்கும் கூடுதல் வசதிகள். இவை இருப்பது அதன் பயன்பாட்டினைக் கூடுதலாக்கும். இந்த வரிசையில் பிளே லிஸ்ட் உருவாக்க வசதி அனைவருக்கும் பயன்படும். அதிகமான எண்ணிக்கையில் பாடல்கள் இருக்கையில் நாம் ஒவ்வொரு பாடலுக்கும் தேடித்தேடி அவற்றைத் தேர்ந்தெடுத்து பயன்படுத்த முடியாது.

நாம் பாடல் கேட்கும் ஆர்வத்தினையே இது கெடுத்துவிடும். பிளே லிஸ்ட் மூலம் நாம் அவ்வப்போது கேட்க வேண்டிய பாடல்களின் பட்டியலை உருவாக்கி பயன்படுத்தலாம். இதனை எத்தனை முறை வேண்டுமானாலும் மாற்றி அமைத்துக் கொள்ளலாம். இன்னொரு முக்கிய வசதி நேரடியாக ரெகார்ட் செய்யக்கூடிய திறன். எப்.எம்.ரேடியோ, வீடீயோ அல்லது வேறு ஆடியோ சாதனங்களிலிருந்து இணைப்பு மூலம் பெறக்கூடிய ஆடியோ அலைகளை அதே பார்மட்டில் அப்படியே ரெகார்ட் செய்து கொள்ளக் கூடிய வசதி பல நேரங்களில் நமக்குப் பிரியமான பாடலை நாம் பதிவு செய்து கொள்ள உதவும்.

பேட்டரி: வழக்கமான பென் டார்ச் லைட் பேட்டரிகளைக் (AA Alkaline) காட்டிலும் லித்தியம் அயன் பேட்டரிகள் வெகுநாட்கள் உழைக்கக் கூடியவை. கூடுதல் நாட்கள் பயன் தரக் கூடிய பேட்டரிகள் இருப் பது தங்கு தடையற்ற பயன் பாட்டினைக் கொடுக்கும்.

முழுமையான பாடல்: ஒரு பாடல் இசைக்கப்படுகையில் அதில் பயன்படுத்தப்பட் டுள்ள அனைத்து இசைக்கருவிகளிலிருந்து வெளிப்படும் ஓசைகளும் நமக்குக் கேட்க வேண்டும். ஏதாவது ஒரு நிலையில் ஒலிக்கப்படும் இசை தெளிவாக நம்மை அடையவில்லை என்றால் அந்த பிளேயரில் பயன்படுத்தப்படும் ஹெட்செட் சரியாக இல்லாமல் இருக்கலாம். ஹெட்செட் நல்லதாக இருந்து ஒலி சரியாகக் கேட்க முடியாத நிலை இருப்பின் அது எம்பி3 பிளேயரின் தரக் குறைவையே காட்டுகிறது.

தோற்றம்: ஒவ்வொரு எம்பி3 பிளேயரும் ஸ்டைலாகத் தோற்றம் அளிப்பதனையே நாம் விரும்புவோம். மேலும் ஸ்டைலாக இருப்பது மட்டுமின்றி அதன் மீது கீறல்கள் ஏற்படா வண்ணம் மேல் பூச்சு இருக்க வேண்டும். எப்போதும் சிறிய எடை குறைந்த எம்பி3 பிளேயர்கள் ஸ்டைலான தோற்றத்தையும் பயனுள்ள அமைப்பையும் கொண்டிருக்கும்.

தேடிக் காணல்: ஒரு எம்பி3 பிளேயரில் உள்ள பாடல்களை நாம் எளிதில் தேடி அறியக் கூடிய வசதி தரப்பட்டிருக்க வேண்டும். ஜாக் டயல், டச் ஸ்கிரீன் போன்றவை பாடல்களைத் தேடுவதை எளிமையாக்குகின்றன. மற்றவை மூலம் தேடுவது சற்று சிரமமான செயலாகவும் அதிக நேரம் எடுக்கும் வேலையாகவும் இருக்கும். இவ்வகையில் ஆப்பிள் நிறுவனத்தின் எம்பி3 பிளேயர்கள் சிறந்த எடுத்துக் காட்டாகும்.

வாரண்டி: பொதுவாக எம்பி3 பிளேயர்களுக்கு ஓராண்டு வாரண்டி தரப்படுகிறது. சில பிளேயர்கள் 3 ஆண்டு வாரண்டியுடன் வருகின்றன. கூடுதல் வாரண்டி தரும் பிளேயர்களை வாங்குவது நமக்கு அதிக பாதுகாப்பானது. அதற் கென சற்று கூடுதலாக பணம் செலுத்துவதனைப் பொருட்படுத்தக் கூடாது.

விலையும் வசதிகளும்: டிஜிட்டல் சாதனம் ஒன்றை வாங்குகையில் நமக்கென ஒரு பட்ஜெட் இருக்கும். அதே சமயத்தில் அவ்விலைக்குள்ளாக அதிக பட்ச வசதிகளும் அதிக நாள் உழைக்கக் கூடிய சாதனத்தையும் வாங்க வேண்டும். சில பிளேயர்கள் குறைந்த விலையில் சிறப்பாக இயங்கும் தன்மை கொண்டிருக்கும்.வெறுமனே பாடல் மட்டும் கேட்க வேண்டும் என எண்ணினால் அவற்றையே வாங்குவது சிறந்தது. சில அனைத்து கூடுதல் வசதிகளையும் கொண்டிருக்கும். எனவே நமக்குத் தேவையான வசதிகள் எவை என்று முடிவு செய்து அவற்றைத் தரும் எம்பி3 பிளேயர்களில் சிறந்த தொழில் நுட்பத்தினைப் பயன்படுத்தும் பிளேயராகத் தேர்ந்தெடுத்து வாங்கலாம்.

பிளாஷ் / ஹார்ட் டிரைவ்: எம்பி3 பிளேயர்களில் இருவகை டிரைவ் தரப்படுகின்றன –– பிளாஷ் மெமரி அடிப்படையிலான டிரைவ் மற்றும் ஹார்ட் டிரைவ். இந்த இரண்டிற்கும் இடையேயான வேறுபாடு அதன் கொள்ளளவுதான்.

பிளாஷ் மெமரி அடிப்படையிலான டிரைவ்கள் அதிக பட்சம் 8 ஜிபி அளவில் மெமரி கொண்டிருக்கும். ஹார்ட் டிரைவ்களில் 80 ஜிபி வரை மெமரி இருக்கும். ஆனால் ஹார்ட் டிரைவ் கொண்டவை சற்று பெரியதாக வடிவமைக்கப்பட்டிருக்கும். எனவே இவற்றைப் பொதுவாக யாரும் விரும்புவதில்லை. இவ்வகையில் நாம் பார்க்க வேண்டியது பைல் ட்ரான்ஸ்பர் வசதிதான். யு.எஸ்.பி. போர்ட் மூலம் பிற சாதனங்களை இணைத்து பைல்களை இரண்டிற்கும் இடையே பரிமாறிக் கொள்ள முடிகிறதா என்று கவனிக்க வேண்டும்.

இந்த வசதி இருந்தால் நம்மால் எளிதில் பாடல்கள் அடங்கிய பைல்களை பிற சாதனங்களிலிருந்து மாற்றிப் பயன்படுத்த முடியும். அண்மைக் காலத்தில் பல புதிய வடிவமைப்புகளில் எம்பி3 பிளேயர்கள் வந்துள்ளன. மேஜையில் அழகுக்காக வைக்கப்படும் பொருட்களின் வடிவிலும் பொம்மைகளாகவும் இவை தோற்றமளிக்கின்றன. ஏன், பெரிய ஹெட்செட்டிற்குள்ளாக அமைந்த எம்பி3 பிளேயர்கள் தற்போது பிரபலமாகி வருகின்றன. இவற்றில் உங்கள் பட்ஜெட் டிற்குள் கூடுதலாக வசதிகளைத் தரும் எம்பி3 பிளேயர்களைத் தேர்ந்தெடுத்து வாங்கிப் பயன் படுத்துங்கள்.

எக்ஸெல் தொகுப்பில்ஒர்க் ஷீட்டுகளை இடம் மாற்ற

எக்ஸெல் தொகுப்பில் உருவாக்கப்பட்ட ஒர்க் ஷீட்களை அதன் ஒர்க் புக்கில் இடம் மாற்றி வைக்கலாம். வேறு ஒர்க் புக்கிற்குக் கொண்டு செல்ல வேண்டும் என்றாலும் அப்படியே கொண்டு செல்லலாம். அதற்கான வழிகளை இங்கு பார்க்கலாம். அதே ஒர்க் புக்கில் ஒர்க் ஷீட்டின் இடத்தை மாற்ற அதற்கான ஷீட் டேபில் கிளிக் செய்திடவும். கிளிக் செய்தவாறே மவுஸை விடாமல் இழுக்கவும். இழுத்து வந்து எந்த இடத்தில் ஒர்க் புக்கினை வைத்திட வேண்டுமோ அந்த இடத்தில் வைத்திட வும். அப்படி இழுக்கையில் எக்ஸெல் சிறிய முக்கோணம் ஒன்றைக் காட்டும். எந்த இடத்திற்கு ஒர்க் புக் இழுத்துச் செல்லப்படுகிறது என்பதைக் காட்டும். இன்னொரு ஒர்க்புக்கிற்கு எப்படி ஒர்க் ஷீட்டை இழுத்துச் செல்வது என்று பார்ப்போம்.

1. ஒர்க் ஷீட்டிற்கான ஷீட் டேபில் ரைட் கிளிக் செய்திடவும்.
2. இப்போது கிடைக்கும் மெனுவில் Move அல்லது Copy  என்பதை தேர்ந்தெடுக்கவும்.
3. இதில் To Book என்ற டிராப் டவுண் லிஸ்ட் கிடைக்கும். இதில் புதிய ஒர்க் புக்கும் உருவாக்கலாம்.
4. புதிய ஒர்க் புக்கில் உள்ள ஷீட்களில் எந்த ஷீட்டுக்கு முன்னாலும் பின்னாலும் இதனை விட்டுவிடலாம். அல்லது Move தேர்ந்தெடுத்து முடிக்கலாம்.
5. செய்வதற்குப் பதிலாக காப்பி செய்திடத் திட்ட மிட்டால் Create a Copy Check Box என்பதில் கிளிக் செய்து செயல்படவும்.
6. அதன்பின் ஓகே கிளிக் செய்து வெளியேறவும்.

வேர்ட் ஷார்ட் கட்….

வேர்ட் தொகுப்பிற்கென பல ஷார்ட் கட் கீ தொகுப்புகள் உருவாக்கப்பட்டுள்ளன. ஆனால் நமக்கு அடிக்கடி பயன்படுத்தக் கூடியதாக ஒரு சில உள்ளன. வாசகர்கள் அவற்றை அவ்வப்போது வெளியிடுங்கள் என்று கேட்டு கடிதங்கள் எழுதுகின்றனர். எனவே கீழே தரப்பட்டுள்ளவற்றை நீங்கள் முன்பு இம்மலரில் படித்திருந்தாலும் இதனையும் மனதில் கொள்ள படித்து வையுங்கள்; பயன்படுத்துங்கள்.

Alt + F10 – விண்டோவினை அதன் முழு அளவிற்கு மாற்றுகிறது

Alt + F5 – விண்டோவினை பழைய வழக்கமான நிலைக்குக் கொண்டு வரும்.

Ctrl + Shift + A தேர்ந்தெடுக்கப்பட்ட டெக்ஸ்ட் முழுவதையும் கேப்பிடல் எழுத்துக் களாக மாற்றுகிறது. இதனை Shift+F3 என்ற கீகளூம் மேற் கொள்ளும்.

Shift + F2– தேர்ந்தெடுக்கப்பட்ட டெக்ஸ்ட்டை கிளிப் போர்டுக்குக் கொண்டு செல்லாமல் காப்பி செய்கிறது. காப்பி செய்ததனை பேஸ்ட் செய்திட என்டர் அழுத்தினால் போதும்.

Ctrl+ Backspace பின்புறமாக ஒரு சொல்லை அழித்திடும். ஆனால் இது காப்பி செய்யப்பட மாட்டாது.

Ctrl+W, Ctrl+F4 – இந்த இரண்டு கீ இணைப்புகளும் அப்போது பணியாற்றிக் கொண் டிருக்கும் பைலை சேவ் செய்திடவா என்று ஒரு டயலாக் பாக்ஸ் மூலம் கேட்டுவிட்டு பின் அழுத்தும் கட்டத்திற்கேற்றபடி பைலை மூடும்.

Alt + Ctrl + S பணியாற்றிக் கொண்டிருக்கும் விண்டோவினை படுக்கை வாக்கில் பிரிக்கும் கோடு கிடைக்கும். பின் அந்த கோட்டினை நகர்த்தி விண்டோவைப் பிரித்துப் பயன்படுத்தலாம்.

Ctrl + Shift + D தேர்ந்தெடுக்கப்பட்ட டெக்ஸ்ட்டின் கீழாக இரு கோடுகள் இடப்படும். இதனை நீக்குவதற்கு மீண்டும் இதே கீகளைப் பயன்படுத்தலாம்.

F5 அல்லது Ctrl+G செயல்பட்டுக் கொண்டிருக்கும் ஆவணத்தில் குறிப்பிட்ட பக்கத்திற்குச் சென்று சொற்களைத் தேடி அவற்றிற்குப் பதிலாக வேறு சொற்களை அமைத்திட இந்த கீகளைப் பயன்படுத்தலாம்.

Ctrl+H  ஒரு குறிப்பிட்ட டெக்ஸ்ட்டைக் கண்டுபிடித்து அதற்குப் பதிலாக நாம் தேர்ந்தெடுக்கும் அல்லது அமைக்கும் டெக்ஸ்ட்டை ஒட்டும்.

Ctrl+F2 அனைத்து பக்கங்களின் அச்சு தோற்றத்தைக் காட்டும்.

Alt F, I  பணியாற்றிக் கொண்டிருக்கும் ஆவணத்தின் பிராபர்ட்டீஸ் பார்க்க இந்த கீகளை வரிசையாக அழுத்தவும்.

Shift + F5 ஆவணத்தில் முன்பு டெக்ஸ்ட்டை செருகிய இடத்திற்கு உங்கள் கர்சரை எடுத்துச் செல்லும். இது போல மூன்று முந்தைய இடத்திற்கு எடுத்துச் செல்லும். அதன்பின் மீண்டும் பழைய இடத்திற்கு வந்துவிடும். இது மிகவும் பயனுள்ள ஒரு ஷார்ட் கட். இதனால் ஒரு ஆவணத்தைத் திறந்திடுகையில் அதனை முன்பு பயன் படுத்துகையில் எந்த இடத்தில் எடிட் செய்து கொண்டிருந்தீர்களோ அந்த இடத்திற்கு இந்த கீகளைப் பயன்படுத்திச் சென்று விடலாம்.

Ctrl + >
தேர்ந்தெடுக்கப்பட்ட டெக்ஸ்ட்டின் எழுத்து அளவை அதிகரிக்கச் செய்திடும். அளவு 12க்குப் பின் மெனுவில் இருப்பது போல இரண்டு இரண்டாகக் கூட்டும். (கவனம் கொள்ள வேண்டியது என்னவென்றால் இரண்டாவது கீயை அமைக்க ஷிப்ட் கீயை அழுத்த வேண்டியதிருக்கும்.)

Ctrl + ]
இது முந்தைய கீ அழுத்துதலில் இருந்து சற்று வேறுபட்டது. இந்த கீகள் தேர்ந்தெடுக்கப்பட்ட டெக்ஸ்ட்டின் எழுத்து அளவை ஒவ்வொரு பாயிண்ட்டாக அதிகரிக்கச் செய்திடும்.

Ctrl + Shift + H  தேர்ந்தெடுக்கப்பட்ட டெக்ஸ்ட்டினை மறைத் திடும். மீண்டும் அழுத்த அவை கிடைத்திடும்.

Alt + Shift + D  நீங்கள் உருவாக்கிடும் ஆவணத்தில் ஒரு இடத்தில் அன்றைய தேதியை டைப் செய்திட விரும்புகிறீர்கள். அதற்காக அந்த தேதியை டைப் செய்திட வேண்டியதில்லை. பலருக்கு தேதி நினைவிலும் இருக்காதே. இதற்காக இந்த கீகளைப் பயன்படுத்துங்கள். அன்றைய தேதி அழகாக வந்து உட்கார்ந்துவிடும்.

Alt + Shift + T மேலே சொன்னது போல ஓர் ஆவணத்தில் அப்போதைய நேரத்தை அமைத்திட இந்த கீகளை அழுத்துங்கள். நேரம் அழகாக டைப் செய்யப்பட்டுவிடும்.

Ctrl + Shift + W  வேர்ட் டாகுமெண்ட்டில் அடிக் கோடிட கீயை அழுத்தினால் அது சொற்களுக்கு இடையே உள்ள இடைவெளியிலும் கோடிடுகிறது. அது போல அல்லாமல் சொற்களுக்கு அடியில் மட்டும் கோடு போட இந்த கீகளைப் பயன்படுத்தவும்.

Alt + F11  வேர்ட் தொகுப்பில் பணியாற்று கையில் விசுவல் பேசிக் எடிட்டிங் என்விரோன்மெண்ட்டுக்கு மாற வேண்டுமா? இந்த கீகளைப் பயன்படுத்தவும்.

Alt V, H  ஆவணத்தின் ஹெடர் பகுதியில் உள்ள தலைப்பை எடிட் செய்திட அந்த இடத்திற்குச் செல்ல இந்த கீகளைப் பயன்படுத்தவும்.

Shift + F7  ஒரு சொல் சார்ந்த பிற சொற்களைக் காட்டும் நூலுக்கு தெசாரஸ் என்று ஆங்கிலத்தில் பெயர். ஆங்கில சொல் ஒன்றுக்கு சார்ந்த சொல் வேண்டும் என்றால் இந்த கீகளை அழுத்தவும்.

ஆப்பராவில் ஸ்பெல் செக்கர்

கேள்வி: நான் ஆப்பரா பிரவுசர் பயன்படுத்துகிறேன். என்னுடைய கம்ப்யூட்டரில் இதில் ஸ்பெல் செக்கர் இல்லை. இதனை மறுபடியும் பதிய வேண்டுமா? அல்லது வேறு வழிகள் உள்ளனவா? விளக்கவும்.

பதில்: உண்மையைச் சொல்ல வேண்டும் என்றால் நான் ஆப்பரா பயன்படுத்தவில்லை. உங்களுக்காக ஆப்பரா பிரவுசரை இன்ஸ்டால் செய்து பயன்படுத்திப் பார்த்தேன்.

பல இணையதளங்கள் மற்றும் மெயிலிங் லிஸ்ட்களில் இது குறித்த தகவல்களைத் தேடிப் பார்க்கையில் ஆப்பரா தொகுப்பில் ஸ்பெல்லிங் செக் செய்திடும் வசதி இல்லை எனவே தனியாக ஒன்றைத்தான் இதற்கென நீங்கள் டவுண்லோட் செய்திட வேண்டும். அப்படிப் பார்க்கையில் GNU Aspell என்ற டிக்ஷனரி புரோகிராம் ஆப்பராவிடம் இணைந்து செயலாற்றுவது தெரிந்தது. இது இலவசமாகக் கிடைக்கிறது. இதனையும் இதனுடன் சார்ந்த டிக்ஷனரிகளையும் நீங்கள் இன்ஸ்டால் செய்திடுங்கள். அப்போதுதான் முழுமையாக இது ஸ்பெல் செக் செய்திடும்.

இதனைப் பெற நீங்கள் http://aspell.net/win32 என்ற முகவரியில் உள்ள தளத்திற்குச் செல்ல வேண்டும். என்று இருக்கும் இடத்தில் கிளிக் செய்து இன்ஸ்டால் செய்திடவும். அதன்பின் டிக்ஷனரி என்று இருக்கும் இடத்தில் கிளிக் செய்து அதனையும் இன்ஸ்டால் செய்திடவும். எல்லாம் முடிந்த பின்னர் கம்ப்யூட்டரை ரீ பூட் செய்ய வேண்டும். பின் ஆப்பரா, டிக்ஷனரி இருப்பதை உணர்ந்து, நீங்கள் Check Spelling ஆப்ஷன் கொடுக்கையில் தானாக ஸ்பெல்லிங் செக் செய்து காட்டும்.

பைல்களைப் பாதுகாப்பாக மறைத்து வைத்திட….

பைல்களைப் பாதுகாப்பாக மறைத்து வைத்திட….

நம் செயல்பாடுகளை எல்லாருக்கும் காட்டிக் கொண்டிருக்க முடியாது. நாம் கையாளும் தகவல்கள் பல நமக்கு மட்டுமே தெரிந்ததாக இருக்க வேண்டும் என பல நிலைகளில் நாம் முடிவெடுக்கிறோம். ஆனால் கம்ப்யூட்டர் பயன்பாட்டில் ஒரே கம்ப்யூட்டரைப் பலர் பயன்படுத்தும் நிலை உள்ளது. இந்த சூழ்நிலையில் நம் தகவல்களை எப்படி பாதுகாப்பாகப் பிறர் கண்களுக்குத் தெரியாமல் மறைப்பது எப்படி என்று பார்க்கலாம்.

இது போன்ற மறைத்து வைக்க வேண்டிய செயலை மேற்கொள்ள பல சிறிய அப்ளிகேஷன் புரோகிராம்கள் கிடைக்கின்றன. இவற்றை தேர்ட் பார்ட்டி புரோகிராம் என அழைக்கிறார்கள். இவற்றைப் பயன்படுத்துவது நூறு சதவிகிதம் பாதுகாப்பு எனச் சொல்ல முடியாது.

எனவே விண்டோஸ் இயக்கம் தரும் பாதுகாப்பு வழியை இங்கு காணலாம்.இந்த செயலை மேற்கொள்ள நமக்கு கிடைக்கும் கட்டளை Attrib  என்பதாகும். இந்த சொல் ஒரு பொருளுக்கு நாம் அமைக்கும் பண்பினைக் குறிக்கிறது. இங்கு ஒரு பைலுக்கு நாம் அளிக்கும் பண்பே அது. படிக்க மட்டும், மறைத்து வைக்க மற்றும் சிஸ்டம் பயன்படுத்த (Read only, Hidden and System attributes) என மூன்று வகைகளில் பொதுவாக பண்புகளை கொடுக்கலாம். கீழ்க்காணும் வழிகளில் செயல்பட்டு உங்கள் போல்டருக்கு இந்த பண்புகளை அளிக்கலாம். இதற்கு உங்கள் கம்ப்யூட்டரில் நீங்கள் அட்மினிஸ்ட்ரேட்டராக லாக் இன் செய்திருக்க வேண்டும். இனி மறைக்க வேண்டிய தகவல் உள்ள பைல்களை அடைத்து வைக்க ஒரு புதிய போல்டர் ஒன்றை உருவாக்கவும்.

எடுத்துக்காட்டாக D ட்ரைவில் Data என ஒரு போல்டரை உருவாக்கலாம். இதில் அனைத்து பைல்களையும் கொண்டு வரவும். மறைக் கப்பட வேண்டிய இந்த பைல்களுக்கு காப்பி பைல்கள் வேறு எங்கும் இருக்கக் கூடாது. பின் Start பட்டன் அழுத்தி ரன் பாக்ஸில் CMD என டைப் செய்திடவும். பின் Ok அழுத்த உங்களுக்கு டாஸ் இயக்க கட்டளைப் புள்ளி (command prompt)  கிடைக்கும். இங்கு நீங்கள் குறிப்பிட்ட பைல்கள் அடங்கிய போல்டரை மறைத்து வைத்திட வேண்டும் என்று திட்டமிடுகின்ற போல்டரின் பெயரை அதற்கான பாத் உடன் பின்வருமாறு டைப் செய்திட வேண்டும். இங்குள்ள எடுத்துக் காட்டின்படி அந்த கட்டளைச் சொற்கள் “attrib+s+h D:\Data” என இருக்க வேண்டும். (மேற்கோள் குறிகள் டைப் செய்யப்படக் கூடாது) இந்த கட்டளை உங்கள் Data  போல்டரை D  டிரைவில் மறைத்து வைத்திடும்.

உடனே நீங்கள் விண்டோஸ் எக்ஸ்புளோரரைத் திறந்து சோதித்துக் கொள்ளலாம். இவ்வாறு மறைத்து வைத்திருப்பதை “Show hidden files and folders” என்ற கட்டளை கொடுத்தெல்லாம் பார்க்க முடியாது. சரி, மறைத்து வைத்துவிட்டீர்கள். என்றாவது ஒரு நாள் அல்லது ஒரு நேரம் இதனை வெளியே தெரியும் படி வைக்க எண்ணலாம். அல்லது மேலும் சில பைல்களை இதன் பின் மறைத்து வைக்க எண்ணி இந்த போல்டரில் போட்டு வைக்க திட்டமிடலாம். அப்போது “attrib s h D:\Data” என டைப் செய்திட வேண்டும்.

கம்ப்யூட்டர்  கேள்வி – பதில்களும்

கேள்வி: C:/Temp, C:/Windows/Temp போன்ற போல்டர்களில் ஏராளமான பைல்கள் உள்ளன. அவற்றை அழிக்கலாமா?

பதில்: விண்டோஸ் ஆப்பரேட்டிங் சிஸ்டமும், பல அப்ளிகேஷன்களும் தங்கள் தேவைக்கேற்ப பல தற்காலிக பைல்களை உருவாக்கி இந்த போல்டர்களில் போட்டு வைத்திருக்கும்.

இந்த பைல்களை அவை பயன்படுத்திக் கொண்டிருக்கும்போது அழிக்க முடியாது; பயன்படுத்தாத பைல்களை அழிக்கலாம். கம்ப்யூட்டர் பூட்டாகும் பொழுது F8 கீயை அழுத்தி Command Prompt மெனுவைத் தேர்வு செய்து டாஸில் நுழையுங்கள். அங்கிருந்து மேற்கூறிய டைரக்டரிகளில் உள்ள பைல்களை அழியுங்கள். அதற்கான கட்டளையைச் சரியான பாத் இணைத்து கொடுக்க வேண்டும்.

கேள்வி: இன்டர்நெட் பிரவுசரில் .com என்று முடியும் தளங்களுக்கு அதன் பெயரை மட்டும் டைப் செய்து கண்ட்ரோல் + என்டர் தட்டினால் போதும் www.  மற்றும் com இணைத்துக் கொள்ளப்படும் என குறிப்பு தந்தீர்கள். அதிகம் பயன்படும் .net .org போன்ற துணைப் பெயரில் முடியும் தளங்களுக்கான ஷார்ட் கட் கீகள் உள்ளனவா? அவற்றைத் தெரிவிக்கவும்

பதில்: சரியான கேள்வி. இதனைக் கூறவில்லையே என இடித்துரைப்பது போல் உள்ளது. ஓகே, “www” and “.net” என அமைய ஷிப்ட் + என்டர் தட்டவும். அடுத்து “www” and “.org” என அமைய கண்ட்ரோல்+ஷிப்ட்+என்டர் தட்டவும்.

கேள்வி: பவர் கண்டிஷனிங் செயலை யு.பி.எஸ். மட்டுமே செயல்படுத்துமா? இது கட்டாயம் மேற்கொள்ளப்பட வேண்டும் என ஒரு ஆங்கில நூலில் படித்தேன். விளக்கம் அளிக்கவும்.

பதில்: யு.பி.எஸ். மின்சாரம் தடைபடும் சமயத்தில் தன்னிடமுள்ள பேட்டரியிலிருந்து மின்சக்தியை இணைத்துள்ள சாதனங்களுக்குத் தரும் ஓர் சாதனமாகும். பவர் கண்டிஷனிங் என்பது பொதுவான ஒரு சொல். கம்ப்யூட்டருக்கு வருகின்ற மின்சாரத்தைச் சீராக அதனுள் கொண்டு சென்றால் தான் அது ஒழுங்காக இயங்கும். இல்லை என்றால் அதன் பகுதிகளுக்கு கேடு வரும். மின்சாரம் எப்போதும் சீராக வரும் என்று சொல்ல முடியாது. ஏற்ற, இறக்கத்துடன், இரைச்சல் போன்றவற்றை சுமந்து கொண்டுதான் மின்சாரம் நமக்குக் கிடைக்கிறது.

Spikes, Surges, Brownouts, Blackouts, Noise என்பவை எல்லா சாதனங்களுக்கும், குறிப்பாக கம்ப்யூட்டர்களுக்கு கேடு விளைவிப்பவை. இவை இல்லாமல் சீரான மின்சாரத்தை வழங்க சில சாதனங்கள் உள்ளன. அவை கொடுக்கிற பாதுகாப்பை Power Conditioning அதாவது மின்சாரத்தை நிலைப்படுத்துதல் எனக் குறிப்பிடுகின்றனர். இதனை சர்ஜ் புரடக்டர் போன்ற சாதனங்களாலும் வழங்க முடியும்.

கேள்வி: கம்ப்யூட்டர் மலரில் தந்த டிப்ஸ் படி =now() என்ற கட்டளை கொடுத்தேன். நான் பைல் தயாரித்த தேதி கிடைத்தது. ஆனால் ஒர்க் ஷீட்டில் அந்த தேதி அவ்வப்போது என்று திறக்கிறோமோ அந்த தேதிக்கு மாறுகிறது. எனக்கு பெரும்பாலும் ஒர்க்ஷீட்டில் கொடுத்த தேதி தான் வேண்டும். அதற்கு என்ன செய்வது? கட்டளை என்ன?

பதில்: நீங்கள் சொல்வது சரிதான். =now() என்ற கட்டளைக்கு அன்றாட தேதி மாறத் தான் செய்திடும். தயாரிக்கும் நாளுடைய தேதி வேண்டும் என்றால் அந்த செல்லில் கண்ட்ரோல் மற்றும் செமிகோலன் கீகளை அழுத்துங்கள். அன்றைய தேதி கிடைக்கும். பின் இது மாறாது.

கேள்வி : நார்டன் 360 பயன்படுத்தி என் கம்ப்யூட்டரில் வைரஸ்களை அழித்தேன். ஆனால் குறிப்பிட்ட நாளுக்குப் பின் அது இயங்கவில்லை. டாலரில் பணம் கட்டச் சொல்லி செய்தி வருகிறது. தேதியை மாற்றி அன் இன்ஸ்டால் செய்து பார்த்தும் வேலை நடைபெறவில்லை. வேறு வழி இருக்கிறதா? அல்லது இதே போன்ற வேறு இலவச சாப்ட்வேர் தொகுப்பு இருக்கிறதா?

பதில்: நீங்கள் குறிப்பிடும் நார்டன் 360 இலவசமாக 15 நாட்களுக்குத் தான் கிடைக்கும். அதன் பின் நீங்கள் தேதியை மாற்றினாலும் செயல்படாது. இந்த முயற்சியை விட்டுவிடுங்கள். இலவச ஆண்டி வைரஸ் தொகுப்பு வேண்டும் என்றால் AVG AntiVirus Free Edition எனஅழைக்கப்படும் ஆண்டி வைரஸ் தொகுப்பை இறக்கிப் பயன்படுத்தலாம். பயன்படுத்த எளிதானது; இதனுடைய அப்டேட் அன்றாடம் இலவசமாக வழங்கப்படுகிறது. இதனை இயக்க கம்ப்யூட்டரில் அதிக இடமும் தேவைப்படாது. இதனைப் பெற http://free.grisoft.com என்ற முகவரியில் உள்ள இணைய தளத்தை அணுகவும்.

கேள்வி: எக்ஸெல் தொகுப்பில் அன்றைய தினத்தை இன்ஸெர்ட் செய்திடும் குறிப்பு தந்த நீங்கள் வேர்டில் ஏன் தரவில்லை? தருமாறு வேண்டுகிறேன். (நான் வேர்ட் 2003 வைத்து உபயோகப்படுத்தி வருகிறேன்.)

பதில்: பலமுறை கம்ப்யூட் டர் மலரில் இதற்கான தகவல் தரப்பட்டுள்ளது. இருந்தாலும் இதோ இன்னொரு முறை தருகிறேன். நீங்கள் பயன்படுத் தும் வேர்ட் 2003 தொகுப்பில் இந்த வசதி மிகவும் விஸ்தாரமாகக் கொடுக்கப்பட்டுள்ளது. டாகுமெண்ட்டைத் திறந்து கொண்டு எங்கு தேதி மற்றும் நாளினை இடைச் செருக வேண்டுமோ அங்கு கர்சரை நிறுத்தவும். பின் மெனுவில் Insert என்னும் பிரிவை அழுத்தி அதில் “Date and Time” என்று தரப்பட்டிருப்பதனைக் கிளிக் செய்திடவும்.

இப்போது Avail able Format  என்ற பிரிவில் 16 வகையான பார்மட்டுகள் இருக்கும். நேரத்தைக் கூட அமைக்கலாம். அருகேயே என்று ஒரு பிரிவு இருக்கும். நீங்கள் தமிழ் மொ ழிக்கான செட்டிங்ஸ் அமைத்திருந்தால் தமிழிலும் நாள், கிழமை,நேரம் கிடைக்கும். இவற்றைத் தேர்ந்தெடுத்து ஓகே செய்தால் அந்த பார்மட் படி நாள், தேதி, நேரம் அமைக்கப்படும். இதில் இன்னொரு வசதியும் உள்ளது. Upadate Auto matically என்று இருப்பதைக் கிளிக் செய்தால் நீங்கள் ஒவ்வொரு முறை டாகுமெண்ட்டைத் திறந்து எடிட் செய்து மீண்டும் மூடும்போது தேதி, கிழமை நேரம் தானாக மாற்றப்படும்.