கணினி கேள்வி பதில்--ரைட் கிளிக் எத்தனை முறை?--எத்தனை பேவரிட் தளங்கள்--கம்ப்யூட்டரில் மின்சார சிக்கனம்--எங்கு பார்த்தாலும் சின்ன சிகப்பு எக்ஸ்--போல்டர் டூல் பார்

கணினி கேள்வி பதில்

பயர்வால் கட்டாயமா?

1. கேள்வி: விண்டோஸ் எக் ஸ்பி உள்ள கம்ப்யூட்டரில் பல மானிட்டர்களை இணைக்கலாம் என்கிறார்களே உண்மை யா? எத்தனை மானிட்டர்களை இணைக்க முடியும்?

• பதில்: 10 மானிட்டர்களை விண்டோஸ் எக்ஸ்பி கம்ப் யூட்டர் ஏற்கும். ஆனால் அவ்வளவு வீடியோ கார்டுகளை உங்கள் மதர்போர்டில் செருக இடம் உள்ளதா?

Dual port வீடியோக் கார்டுகள் கிடைக் கின்றன. ஒரு கார்டில் இரு மானிட்டர்களை இணைக்கலாம். இல்லையெனில் சாதாரண வீடியோகக் கார்டுகள் இரண்டை வாங்கி, கம்ப்யூட்டரில் செருகி, இரு மானிட்டர்களை இணைக்கலாம்.

• கேள்வி: எக்ஸெல் ஒர்க் ஷீட்டில் சில சொற்களை கீழாக அன்டர்லைன் செய்கையில் இரட்டைக் கோடுகளாக வர வேண்டும் என விரும்புகிறேன். ஆனால் எனக்கு ஒரு கோடு மட்டுமே கிடைக்கிறது. என்ன செய்ய வேண்டும்?

• பதில்: Underline லைத் தானே அழுத்தி கோட்டினை அமைக்கிறீர்கள். அப்போது ஷிப்ட் கீயை அழுத்தினால் கோடு இரண்டாக அமையும். இது மட்டுமல்ல. இன்னும் பல வகைகளில் அன்டர்லைன் கோடுகள் உங்களுக்குக் கிடைக்க Format=>Cells என கட்டளை கொடுத்து அதன் பின் கிடைக்கும் டேப்களில் Font டேபை அழுத்தவும். இங்குபல வகையான அடிக்கோடுகளை Underline என்னும் பகுதியில் காணலாம்.

• கேள்வி: படங்கள் பைல் களை உருவாக்குகையில் GIF மற்றும் JPG , வகைகளை உருவாக்குகிறோம். இவற்றில் எது சிறந்த பார்மட்?

• பதில்: இரண்டுமே சிறந்தவை தான். உங்களுடைய நோக்கத்தினைப் பொறுத்தது. படம் மிக மிகத் துல்லிதமாகவும் தெளிவாகவும் தெரிய வேண்டும் என எண்ணினால் JPG , பைல் வகையை உருவாக்கவும். இணைய தளங்களில் பயன்படுத்த வேண்டும் எனில் பக்கங்களின் அளவைக் கூடுமானவரை குறைத்திட எஐஊ பார்மட்டைப் பயன்படுத்தவும்.

• கேள்வி: கம்ப்யூட்டரில் பயர்வால் கட்டாயம் பயன்படுத்த வேண்டுமா? இணையத்தில் இலவசமாக பயர்வால் அமைக்கும் வசதியை யார் தருகிறார்கள்?

• பதில்: உங்கள் அனுமதி இல்லாமல் உங்கள் கம்ப்யூட்டருக்குள் இன்டர்நெட் இணைப்பு வழியாக யாரும் நுழையாமல் பயர்வால் பாதுகாக்கும். ஏதேனும் ஒரு பயர்வாலை அமைத்துப் பதிந்து விட்டால் உங்கள் கம்ப்யூட்டர் எந்த தளத்தை அணுகலாம் என்பதனை நிரந்தரமாகவோ அந்த நேரத்திற்கு மட்டுமோ நீங்கள் அனுமதிக்கலாம். அதே போல வெளியிலிருந்து ஒருவர் உங்கள் கம்ப்யூட்டருக்குள் நுழைய முயன்றால் இந்த எண்ணுள்ள தளத்திலிருந்து ஒருவர் உங்கள் கம்ப்யூட்டருக்குள் நுழைய முயற்சி செய்கிறார் அல்லது முயற்சி தடுக்கப் பட்டது என்று செய்தி கிடைக்கும். இவ்வகையில் இலவசமாகக் கிடைப்பதில் சிறந்தது. கீழ்க்காணும் இரு தளங்களில் கிடைக்கும் இலவச பயர்வால்கள் பதிந்து இயக்க எளிதானவை.

http://www.sunbeltsoftware.com /Kerio.cfm
http://www.zonelabs.com/store/content/company/products/znalm/freeDownload.jsp முதலில் காட்டப்பட்டுள்ள பயர்வாலில் தரப்பட்டுள்ள சில சிறப்பு வசதிகள் 30 நாட்களுக்குப் பின் மறைந்துவிடும். ஆனாலும் அடிப்படை வசதிகளுடன் தொடர்ந்து இயங்கும். கட்டணம் செலுத்தினால் கூடுதல் வசதிகளுடனும் தொடர்ந்து கிடைக்கும்.

• கேள்வி : Instant Messaging மூலம் நண்பர்களுடன் அரட்டை அடிக்கிறேன். எனக்குச் சற்றும் தொடர்பில்லாதவர்களிடமிருந்து இப்பொழுது சில நாட்களாகத் தேவையற்ற செய்திகள் வந்து கொண்டிருக்கின்றன. இவற்றை எப்படித் தடுத்து நிறுத்துவது?

• பதில்: இமெயில்கள் வழியாக வருகிற குப்பைகளை SPAM என்பார்கள். நீங்கள் குறிப்பிட்டது போல Instant Messaging மூலம் வருகிற குப்பை செய்திகளை குகஐM என்று குறிப்பிடுவார்கள். நீங்கள் Instant Message செய்வதற்கு என்ன சாப்ட்வேர் தொகுப்பினைப் பயன்படுத்தி வருகிறீர்கள் என்று குறிப்பிடவில்லை. உங்களிடம் யாஹூ மெசஞ்சர் இருந்தால் Login என்பதில் Privacy Settings என்பதனைத் தேர்வு செய்து Ignore anyone who is not on my Friends List என்பதனைக் கிளிக் செய்திடுங்கள். எம்.எஸ்.என். மெசஞ்சர் வைத்திருந்தால் Tools என்பதைக் கிளிக் செய்து, Only people on my Allow List can see my status and send me messages என்பதைத் தேர்வு செய்து ஓகே செய்திடுங்கள்.

• கேள்வி: என்னிடம் இருக்கும் பிடிஎப் டாகுமெண் ட்டின் டெக்ஸ்ட்டின் ஏதேனும் ஒரு பகுதியை செலக்ட் செய்கையில் கர்சர் சிறிய கை போன்ற உருவாக மாறுகிறது. பின் மவுஸின் இடது பட்டனை அழுத்துகையில் அது மறைகிறது. ஆனால் டெக்ஸ்ட்டைக் காப்பி செய்திட முடியவில்லை. பிடிஎப் டெக்ஸ்ட்டில் எப்படி செலக்ட் செய்து காப்பி செய்வது?

• பதில்: பிடிஎப் டாகுமெண்ட் என்பது ஒரு பக்கம் அது உருவாக்கப்பட்ட போது எப்படி இருக்க வேண்டும் என விரும்பினோமோ அதே போல அதனைப் பெறுபவருக்குக் கிடைக்க வேண்டும் என்ற அடிப்படையில் உருவாக்கப்படுகிறது. அடோப் அக்ரோபட் ரீடர் தொகுப்பில் நமக்குக் கிடைக்கும் கை போன்ற கர்சர் டெக்ஸ்ட்டை மேலும் கீழுமாக நகர்த்த உதவுகிறது. அப்படி இருக்கையில் நாம் டெக்ஸ்ட்டைத் தேர்ந்தெடுத்து காப்பி செய்திட முடியுமா என்பது உங்கள் கேள்வி. முடியும். உங்கள் கர்சரை மேலாக இருக்கும் மெனு பாரில் குஞுடூஞுஞிt கூஞுதுt என்னும் இடத்திற்குக் கொண்டு செல்லுங்கள். இப்போது கர்சர் ஒரு சிறிய நெட்டுக் கோட்டுடனும் ஒரு “T ” எழுத்துடனும் இருக்கும். “Select Text” என்ற சொற்களும் காணப்படலாம். இப்போது இதனைக் கிளிக் செய்து தேர்ந்தெடுக்க விரும்பும் டெக்ஸ்ட்டைத் தேர்ந்தெடுக்கலாம். நீங்கள் பயன்படுத்தும் அடோப் அக்ரோபட் ரீடர் இந்த வசதியைத் தரவில்லை என்றால் நீங்கள் புதிய பதிப்பினை டவுண்லோட் செய்து பயன்படுத்த வேண்டும். இது http://www.adobe.com/products/acrobat/readstep2. என்ற முகவரியில் உள்ள தளத்தில் கிடைக்கிறது.

• கேள்வி: ஆங்கிலச் சொற்கள் முழுமையும் பெரிய எழுத்துக்களாகவும் சிறிய எழுத்துக்களாகவும் மாற்றுவது குறித்து தெரியும். முதல் எழுத்தை மட்டும் பெரிய எழுத்தாக மாற்ற எந்த கீயை அழுத்த வேண்டும்?

• பதில்: மாற்ற வேண்டிய சொல்லைத் தேர்ந்தெடுத்த பின் பார்மட் (FORMAT) கிளிக் செய்து பின் அதில் CHANGE CASE என்னும் பிரிவைத் தேர்ந்தெடுத்தால் அதில் உங்களுக்குத் தேவையான வசதியைப் பெறலாம். அதாவது முழுவதும் சிறிய எழுத்துக்களாகவோ அல்லது பெரிய எழுத்துக்களாகவோ மாற்றலாம். நீங்கள் விரும்பியபடி முதல் எழுத்து மட்டும் மாற்றிட டைட்டில் கேஸ் Title Case என்பதனைத் தேர்ந்தெடுத்து கிளிக் செய்திடவும். ஆபீஸ் 2003 வைத்திருக்கிறீர்களா? அப்படியானால் SHIFT F3 என்ற கீகளைக் கிளிக் செய்து வரிசையாக இந்த விருப்பங்களை நிறைவேற்றிக் கொள்ளலாம். தலைப் பெழுத்தை மாற்றலாம். ஆனால் தலை எழுத்தை எது மாற்றும்? என்று கேட்காதீர்கள்.

• கேள்வி: வேர்டில் பைல் ஒன்றை எடிட் செய்துவிட்டு புதிய பெயரில் சேவ் செய்திட எந்த கட்டளையைக் கொடுக்க வேண்டும். எக்ஸ்புளோரர் சென்று ரீ நேம் கட்டளை கொடுத்தால் செயல்படவில்லை. என்ன வழி?

• பதில்: ஒரு பைல் திறந்திருக்கும் போது அதன் பெயரை மாற்ற முடியாது. திறந்து எடிட் செய்து பெயர் மாற்ற வேண்டும் என்றால் சேவ் அஸ் கட்டளை கொடுத்து புதிய பெயரில் இன்னொரு பைலாகத்தான் சேவ் செய்திட வேண்டும். இதே பைலுக்கு புதிய பெயர் வழங்க வேண்டும் என்றால் இதனை மூடிவிட்டு பின் அதன் போல்டரில் இருந்து செலக்ட் செய்து அதன் மேல் ரைட் கிளிக் செய்து வரும் மெனுவில் Rename என்பதைத் தேர்ந்தெடுத்து புதிய பெயர் கொடுக்கலாம். அல்லது அதன் பெயரைத் தேர்ந்தெடுத்து F2 கீயை அழுத்தி புதிய பெயர் கொடுக்கலாம்.

ரைட் கிளிக் எத்தனை முறை?

கம்ப்யூட்டர் செயல்பாட்டில் ரைட் கிளிக் என்பது நாம் அடிக்கடி பயன்படுத்தும் ஒரு வசதியாகும். டெஸ்க்டாப்பில் புதிய போல்டர் வேண்டுமா? ரைட் கிளிக் செய்து புராபர்ட்டீஸ் சென்று புதிய போல்டரைத் தயார் செய்கிறோம். பைல்களின் பெயர்கள் மீது ரைட் கிளிக் செய்து அதனை அழிக்கிறோம்; காப்பி செய்கிறோம்; சேவ் செய்கிறோம்; மறு பெயர் கொடுக்கிறோம். டெக்ஸ்ட் மற்றும் படங்களைத் தேர்வு செய்து அவற்றையும் மேலே சொன்ன அனைத்து செயல்பாடுகளுக்கும் உட்படுத்துகிறோம். இது ஒரு சில தான். எத்தனையோ செயல்பாடுகளுக்கு நாம் ரைட் கிளிக்கினைத்தான் சார்ந்திருக்கிறோம். சரி, உங்கள் மவுஸ் ஒரு நாள் தகராறு செய்து ரைட் கிளிக் பயன்பாட்டை மேற்கொள்ள மறுத்தால் நீங்கள் என்ன செய்வீர்கள்? உங்களுக்கு ஏன் சார் இந்த விபரீத ஆசை என்று ஒரு வாசகர் கார்டு எழுத உட்காருவது எனக்குத் தெரிகிறது. எனவே உடனே அதற்கான தீர்வைச் சொல்லிவிடுகிறேன்.

அதாவது ரைட் கிளிக் செய்வதற்குப் பதிலாக மவுஸ் பயன்படுத்தாமல் வேறு ஒரு மாற்று வழி உள்ளது. என்ற பட்டன்களை ஒரு சேர அழுத் துங்கள். நீங்கள் எந்த இடத்தில் இருக்கிறீர்களோ அந்த இடத்திற்கான ரைட் கிளிக் மெனு உங்களுக்குக் கிடைக்கும். பின் என்ன? தேவையான செயல்பாட்டினை மேற்கொள்ள வேண்டியதுதானே. இது ஒரு சரியான ஷார்ட் கட் தீர்வு இல்லையா? மவுஸ் நன்றாக இருக்கும்போதே இதனை ஒருமுறைக்கு இரு முறையாக சோதித்துப் பார்த்துக் கொள்ளுங்கள்.

எத்தனை பேவரிட் தளங்கள்

எத்தனை இணைய தளங்களை நீங்கள் உங்கள் பேவரிட் தளங்களாகச் சேமித்து வைத்திருக்கிறீர்கள். பத்து? இருபத்தைந்து? நூறு? அதற்கும் மேலேயா! எந்த இணைய தளம் நமக்குப் பிடித்திருந்தாலும் அல்லது இன்னொரு முறை அதற்குச் செல்ல வேண்டும் என எண்ணினாலும் உடனே அதனை பேவரிட் தளமாக மாற்றி அமைத்திடலாம். இவை வேண்டும் என்றால் அட்ரஸ் எல்லாம் அடிக்காமல் பேவரிட் லிஸ்ட் திறந்து ஒரு கிளிக் செய்தால் போதும்

உடனே அந்த தளம் இறக்கப்பட்டு திறக்கப்படுகிறது. இதற்குப் பதிலாக உங்கள் பேவரிட் தளம் அனைத்தும் அதன் ஐகான்களுடன் ஒரு இணைய தளத்தில் இருந்தால் பேவரிட் லிஸ்ட் எல்லாம் திறக்காமல் அப்படியே வேண்டும் தளத்தின் ஐகான் அல்லது குறும்படத்தில் கிளிக் செய்து தளத்தினைப் பெறலாமே. இவற்றையே வகை வாரியாகப் பிரித்து ஒரு தளத்தில் அமைத்தால் நூற்றுக் கணக்கான தளங்களை ஒரே திரையில் பெற்று திறக்கலாமே. அப்படி ஓர் இணைய தளமே உள்ளது. இன்டர்நெட் மக்கள் அடிக்கடி நாடும் தளங்களைத் தேர்ந்தெடுத்து அவற்றின் முகக் காட்சிகளுடன் ஒரே பக்கத்தில் தருகிறது

http://www.allmyfaves.com/ என்ற முகவரியில் உள்ள தளம். இந்த தளத்தின் பெயர் All My Faves. இதில் நாம் திறக்க விரும்பும் பெரும் பான்மையான தளங்களில் நிறுவன முகப்புச் சின்னங்கள் தரப்பட்டுள்ளன. அவற்றில் கிளிக் செய்தால் உடனே அவை கிடைக்கின்றன. Weekly Faves, Email, Sports, Weather, Shopping, Music, Health, Jobs, Games, Kids and Travel என்று பல வகைகளில் வேறு இவை பட்டியலிடப்பட்டுள்ளன. இந்த பட்டியலிலும் கிளிக் செய்து நாம் தளங்களைப் பெறலாம். Google, Gmail, Yahoo! Mail, Sports Illustrated, WalMart, Chase, Skype, UPS, Career Builder, Disney, Hertz, Orbitz, Blockbuster, Verizon ஆகியவையும் இந்த பட்டியலில் அடக்கம். பட்டியல் இன்னும் பல வகைகளில் நீண்டு கொண்டே போகிறது. இதனைப் பார்த்தால் நிச்சயம் நீங்கள் இதனை உங்கள் ஹோம் பேஜாக மாற்றி வைத்துக் கொள்வீர்கள் என்பது உறுதி.

கம்ப்யூட்டரில் மின்சார சிக்கனம்

கம்ப்யூட்டர் பயன்பாட்டில் செலவழிக்கப்படும் மின்சக்தி நமக்கு அவ்வளவாகத் தெரியாது. ஆனால் அதிலும் நாம் முயன்றால் மின்சக்தியை மிச்சப்படுத்தலாம்.
1.மானிட்டர் ஸ்கிரீனின் பிரைட்னஸ் குறைத்து வைத்துப் பயன்படுத்தலாம்.
2. கம்ப்யூட்டர் பயன்படுத்தி முடித்தபின்னர் உடனே அதற்கு செல்லும் மின் சக்தியை நிறுத்தி ஆப் செய்திடவும். தேவையில்லாமல் ஸ்லீப் மோடில் வைக்க வேண்டாம்.
3. இன்னும் பழைய சி.ஆர்.டி. (டிவிக்களில் பயன்படுத்தப்படும் கதோட் ரே ட்யூப் ) கொண்ட மானிட்டர் பயன்படுத்துவதாக இருந்தால் உடனே எல்.சி.டி. மானிட்டருக்கு மாறவும். ஏனென்றால் எல்.சி.டி மானிட்டர் சி.ஆர்.டி. மானிட்டரின் மின் சக்தியில் மூன்றில் ஒரு பங்கு மின் சக்தியையே பயன்படுத்துகிறது. அது மட்டுமின்றி கண்களுக்கும் அதிக வேலைப் பளுவைத் தருவதில்லை.

4. ஸ்கிரீன் சேவரை எல்லாம் நிறுத்தி விடுங்கள். இவை மானிட்டருக்கான மின் சக்தியைச் சாப்பிடும் சமாச்சாரங்களாகும். ஒரே திரைக் காட்சி உறைய வைப்பதைத் தடுக்கவே ஸ்கிரீன் சேவர்கள் வந்தன. ஆனால் இப்போது அது போல உறையும் தன்மைகள் எல்லாம் கிடையாது.
5. கோடை அல்லது குளிர் கால விடுமுறையின் போது வெகு நாட்கள் கம்ப்யூட்டரைப் பயன்படுத்தப் போவதில்லை என்றால் முழுமையாக மின் சக்தி இணைப்பைத் தரும் ப்ளக் இணைப்புகளை நீக்கிவிடவும்.
6. புதிய கம்ப்யூட்டர் வாங்குகையில் எனர்ஜி ஸ்டார் சர்டிபிகேட் கொண்டுள்ளதா எனப் பார்த்து வாங்கவும்.
7. கம்ப்யூட்டர், மானிட்டர் மற்றும் துணை சாதனங்களில் பவர் சேவிங் வழிகள் இருந்தால் அவற்றை முழுமையாகப் பயன்படுத்தவும்.

எங்கு பார்த்தாலும் சின்ன சிகப்பு எக்ஸ்

நீங்கள் அவுட்லுக் எக்ஸ்பிரஸ் பயன்படுத்துபவராக இருந்தால் அதனைத் திறந்து அல்லது சிகப்பு எக்ஸ் தென்படும் ஒரு இ–மெயிலைத் திறந்து பின் Tools, Options சென்று Security என்ற டேப்பைத் தேர்ந்தெடுக்கவும். அங்கு “Block images and other external content in HTML email” என்ற இடத்தில் உள்ள சிறு பெட்டியில் உள்ள டிக் அடையாளத்தை எடுத்துவிடவும். அடுத்து நீங்கள் அனுப்பும் இமெயிலுக்கு வருவோம். உங்கள் நண்பர்களில் பலர் நீங்கள் அனுப்பும் இமெயிலுடன் படங்கள் இல்லை, தெரிவதே இல்லை என்று குற்றச் சாட்டினைக் கொண்டு வந்தால் கீழ்க்கண்டவாறு செட் செய்திடுங்கள்.

முதலில் Tools, Options சென்று பின் Send டேப்பினைத் தேர்ந்தெடுங்கள். Mail Sending Format பிரிவில் HTML என்பது தேர்ந்தெடுக்கப்பட்டிருப்பதனை உறுதி செய்து கொள்ளுங்கள். அதன் பின் HTML Settings என்னும் பட்டனில் கிளிக் செய்திடுங்கள். அங்கு “Send pictures with messages” என்பதில் டிக் அடையாளம் ஏற்படுத்தப்பட்டிருப்பதனை உறுதி செய்திடுங்கள். இது உங்களுடைய அனைத்து இமெயில் பிரச்னைகளையும் தீர்த்துவிடும். இன்டர்நெட் எக்ஸ்புளோரரில் படம் தெரிவதில் இருக் கின்ற பிரச்னைக்கு அடுத்து வருவோம். இன்டர்நெட் எக்ஸ்புளோரர் தொகுப்பைத் திறந்து Tools, Internet Options சென்று Advanced என்னும் டேபில் கிளிக் செய்திடவும். அங்கு Multimedia என்னும் பிரிவைப் பார்க்கவும். அங்கு “Show Pictures” என்று சொல்லும் இடம் அருகே உள்ள கட்டத்தில் டிக் அடையாளம் இருப்பதனை உறுதி செய்து கொள்ளுங்கள். நீங்கள் பயர்பாக்ஸ் பயன்படுத்துபவராக இருந்தால் Tools, Options சென்று Web Features என்னும் ஐகானில் கிளிக் செய்திடவும். “Load Images” என்னும் பெட்டியிலும் டிக் அடையாளம் ஏற்படுத்தவும்.

சில வேளைகளில் உங்கள் பிரவுசர் செட்டிங்ஸ் அமைக்கும் போது பாதுகாப்பு கருதி செக்யூரிட்டி சம்பந்தமாக பலவற்றைத் தேவை என அமைத்திருப்பீர்கள். இதனால் உங்கள் வெப் பிரவுசர் மிகவும் பாதுகாப்பாக செயல்படும் முறையில் படங்களை அனுமதிக்காமல் இருக்கலாம். அப்படி செட் செய்திருந்தால் இன்டர்நெட் எக்ஸ்புளோரரில் Tools, Internet Options, சென்று Security டேபில் கிளிக் செய்து அங்கே Default Level பட்டனில் கிளிக் செய்திடவும். இத்தகைய பாதுகாப்பு செட்டிங்ஸ் அனைத்தையும் மீடியம் லெவலிலேயே வைத்திடவும்.

படங்கள் கிடைக்காமல் சிகப்பு எக்ஸ் வர இன்னொரு காரணம் உங்களுடைய பயர் வால் அல்லது ஆண்டி வைரஸ் புரோகிராமாக இருக்கும். அங்கு “Disable Web Bugs” என்று இருப்பதைக் கண்டு பிடியுங்கள். இதனை ஆப் செய்துவிடுங்கள். அப்படிச் செய்தால் அனைத்து வெப் படங்களும் அனுமதிக்கப்படும்.

ஒரு சில வேளைகளில் நீங்கள் பார்க்கின்ற இணைய தளத்தை பராமரித்து வருபவர்கள் சில புணரமைப்பு வேலைகளை மேற்கொள்ள சற்று நேரத்திற்கு படங்கள் உங் கள் கம்ப்யூட்டருக்குச் செல்வதைத் தற்காலிகமாக தடுத்து வைத்திருக்கலாம். இவை எல்லாவற்றிற்கும் மே லாக உங்கள் இமெயில் அல்லது வெப் சைட்டைப் பார்வையிடுகையில் உங்கள் கம்ப்யூட்டர் இன்டர்நெட் இணைப்பில் உள்ளதா என்பதனைச் சோதித்து இல்லை எனில் தொடர்பு கொடுங்கள்.
மேலே சொன்ன அனைத்தையும் வரிசையாகப் பார்த்துவிட் டால் நிச்சயமாய் நீங்கள் விரும் பும் படங்கள் உங்கள் இமெயில் மற்றும் இணைய தளப் பக்கங்களில் கிடைக்கும்.

போல்டர் டூல் பார்

சில நாட்களுக்கு முன் தற்செயலாக ஒரு விபத்து போல இதனைக் கண்டுபிடித்தேன். டெஸ்க் டாப்பில் இருந்த போல்டர் ஒன்றை ரீசைக்கிள் பின்னுக்கு இழுத்துச் சென்றேன். குப்பைத் தொட்டியில் போடுவதற்குப் பதிலாக திரையின் மேலாக விட்டுவிட்டேன். ஆச்சரியமான ஒரு விஷயம் நடந்தேறியது. மேலாக ஒரு டூல் பார் தோன்றியது. அதில் அந்த போல்டரில் இருந்த பைல் ஐட்டங்களெல்லாம் காட்டப்பட்டன. உற்றுப் பார்க்கையில் அனைத்து பைல்களும் காட்டப்படுவதனைஅறிந்தேன். இன்னும் அருகே தெளிவாக அதனைப் பார்க்கையில் வலது பக்கம் இரு அம்புக் குறிகள் இருப்பதனைப் பார்த்தேன். அதில் கிளிக் செய்த போது அங்கே காட்டப்படாத பைல்களெல்லாம் காட்டப்படுவதனைப் பார்த்தேன். டூல் பாரில் ரைட் கிளிக் செய்து கிடைக்கும் பட்டியலில் டூல்பார்ஸ் என்பதைத் தேர்ந்தெடுத்தால் அதில் இந்த போல்டரின் பெயரை பட்டியலில் இருந்து நீக்கிவிடலாம். உங்களுக்கு இந்த டூல் பார் பிடித்திருந்து ஆனால் தொடர்ந்து அதனைப் பார்த்துக் கொண்டிருப்பது பிடிக்கவில்லை என்றால் “autohide” என்பதனைத் தேர்ந்தெடுக்கலாம். என்ன அதிர்ச்சியான சந்தோஷம் பாருங்கள்.